Matiu 18:14 - Tataroha Diana14 E urine loꞌu aana Aamaku i Lengi, e kaꞌa saetoꞌo aana ike uri nga taꞌa-taꞌa kele iini aana mo iini e hiiwalaimoli eeku ke takalo.” အခန်းကိုကြည့်ပါ။ |
Oto a Jisas ko heꞌi teꞌuri loꞌu, “Mala nga aasimu i laona Kraes ko deu aaelasie nga mei ola aamu, o ke lae mola i saana maraamu hunie more ke haꞌa-oodohie i matolamoreꞌi mola maraamoreꞌi. Mala uri aasimu ko rongo hunie nga taa o kei unue, e urihana o tola aalihoꞌi loꞌu aana aasimu eena hunie more ke iiꞌo diana loꞌu.
Maholo kire ngau mango oto, nge a Jisas ko si teꞌuri hunie a Saemon Pita, “?Saemon, kalena Jon, uri o manata diana taane hunieu liutaa aana mo iini ie kire manata diana hunieu?” Oto a Pita e aalamie ko teꞌuri, “Iau, Poro paine, o saie kaꞌu oto uri nou manata diana huniꞌo.” Oto a Jisas ko si teꞌuri hunie, “O ke nii-nii ana mo kalei sipu ineu.”
Ngaeta mwala kire ko loꞌo-loꞌongaꞌinie uri Aalaha ikie ko tohungei haꞌahiru huni haꞌa-oaie mo heiholotaꞌinge ingeie i sulie oolinge mai ingeie. Taꞌe kire kaꞌa lio saie ike loꞌongaꞌinge ingeie, aana a God ko maaꞌoohi mola hunie mwala kire ke oonisae na kire ke aaliꞌu loꞌu i saana mwaanie kire aiꞌaa aana leilada kei lae.