Matiu 17:27 - Tataroha Diana

²⁷ Taꞌe aana ke urine, na kolu kaꞌa saetoꞌo aana ike uri mwalana ke neꞌisae aaelasikolu. Oto o ke lae, na o ke lai aasie walo hai laona aasi ngeena. Ho iiꞌe o kei holaꞌi weꞌinie, o ke lio i laona wawana, na i leune o kei lio oodoie nga seleni malisine nga taa kire ko sukaa mwaanikure. O ko hele aana, oto o ko lai niie hunire arengakarue.”

Matiu 17:27 ပူးပေါင်းရင်းမြစ်များ

Matiu 17:26

A Pita ko aalamie a Jisas ko teꞌuri, “Mwala aaopa.” Oto a Jisas ko heꞌi teꞌuri loꞌu, “Nge ko urine, mo kaleda kaꞌa nii ike kaꞌune.

Matiu 18:6

Oto a Jisas ko heꞌi ere uuri loꞌu, “Oto mala nga iini ko haꞌatataroa nga kele iini aana mo iini ko hiiwalaimoli eeku ienini, e lae otoi diana hunie iini urine pwarolana nga hau peine ke lae mola i luana, oto kulu-aasilana ke lae mola i laona aasi.

Matiu 18:8

Mala uri nimemu wa aeꞌaemu ko haꞌatataroꞌo huni oorahaꞌaa, o ke lama mousie na o ke aasie mwaaniꞌo. Aana e diana oto liutaa huniꞌo huni sili i laona maurihe huu peꞌie taꞌa-taꞌa ninime wa taꞌa-taꞌa aeꞌae, mwaanie kire aasiꞌo peꞌie ahutana ro nimemu wa ro aeꞌaemu i laona dunge nge kaꞌa sai mwaꞌa loꞌu.

Matiu 5:29

Oto mala uri maamu ko haꞌatataroꞌo hunie oorahaꞌaa, nge o ke kae aasie. Maꞌalana maai ola diana iꞌoe, taꞌe o ke aasie oto mwaaniꞌo, aana e tohungei diana huni taꞌaasie mola nga taꞌa-taꞌa kele leu aana sapemu liutaa aana ahutana sapemu ko lae taꞌingelu i laona dunge ni haꞌamotaahinge.

Matiu 5:30

Na mala uri kiꞌimu ko haꞌatataroꞌo hunie oorahaꞌaa, o ke lama mousie. Maꞌalana kiꞌi ola diana iꞌoe, taꞌe o ke aasie oto mwaaniꞌo, aana e tohungei diana huni taꞌaasie mola nga taꞌa-taꞌa kele leu aana sapemu liutaa aana ahutana sapemu ko lae taꞌingelu i laona dunge ni haꞌamotaahinge.”

Tataroha Diana I Sulie A Jisas Kraes Nge A Mak E Uusue 9:42

Oto a Jisas ko heꞌi ere uuri loꞌu, “Oto mala nga iini ko haꞌatataroa nga kele iini aana mo iini ko hiiwalaimoli eeku ienini, e lae otoi diana hunie iini urine pwarolana nga hau peine ke lae mola i luana, oto kulu-aasilana ke lae mola i laona aasi.

Tataroha Diana I Sulie A Jisas Kraes Nge A Mak E Uusue 9:43

“Na mala uri kiꞌimu maraamu ko haꞌatataroꞌo hunie oorahaꞌaa, nge o ke lama mousie mola. Aana e diana liutaa huni lai sili i laona maurihe huu mola peꞌie taꞌa-taꞌa kiꞌi-kiꞌi, mwaanie uri laenga peꞌie e ro kiꞌimu i laona dunge ni haꞌamotaahinge. Leu ngeena, leu dunge paine aana, na nga mei ola huni mwaꞌasie haꞌike loꞌu.

Tataroha Diana I Sulie A Jisas Kraes Nge A Luk E Uusue 17:2

Oto mala nga iini ko haꞌatataroa nga kele iini aana mo iini ko hiiwalaimoli eeku ienini, e lae otoi diana hunie iini urine pwarolana nga hau peine ke lae mola i luana, oto kulu-aasilana ke lae mola i laona aasi.

Tataroha Diana I Sulie A Jisas Kraes Nge A Jon E Uusue 6:61

Nga iini kaꞌa haꞌarongoa ike a Jisas, taꞌe ingeie e manataꞌinie mola maraana uri mo pwaarongoisuli ko ere-ere mumuni i sulie mei haꞌa-uusulinge ngeena. Oto ko teꞌuri hunire, “?Uri mei olana ni oto ko da omu kaꞌa sare lulu i sulieu?

Uusu-uusu A Pol Hurula'aa Hunie Mo Rom 14:21

Oto e lae otoi diana uri omu ke suꞌuri ngaa loꞌu nga mei sapei ola mauri, wa omu ke inuhie loꞌu nga ewei wei ni pweunge, wa omu ke da loꞌu nga mei ola nge e sai haꞌatataroa aasimiu takoie oorahaꞌaa.

1 Korinit 8:13

Aena urinena, maeni eesiku, mala uri ngaulana nga mei ngeulaa ko aaela oto hunie aasiku, nge nou saꞌa ngau hikeni loꞌu mala no ko meu-meuri ue, aena aana nou kaꞌa sare dau huꞌisie ike aasiku hunie ke domu i laona oorahaꞌaa.

1 Korinit 8:9

Maꞌalana urine na omu ke lio talamiu mola, mwaanie asuilana nga taa omu saie e kaꞌa roroꞌa ngeena e haꞌatataroa mola mo iini hiiwalaimolinge ikire e kaꞌa susu, na kire domu mola i laona oorahaꞌaa.

2 Korinit 6:3

Melu eriꞌapasie taane uri walu ola melu ko esuiꞌi ke oodo na kire ke suꞌuri liu honosie hiiwalaimolinge nga iini aana a Jisas, na mwaanie nga iini e ere aaelasie asunge iꞌemeelu ienini.

2 Korinit 8:9

Aana saeku hunie omu ke haimaanie hahuꞌana manata-diananga Aalaha ikie a Jisas Kraes. Omu saie mola uri e tohungei toꞌo-toꞌo kaꞌu oto taꞌau i Lengi, taꞌe e si lae mai neꞌi iinoni meitale mola i tehulaꞌamiu, uri hunie omu ke neꞌi iinoni toꞌo-toꞌo i tehulaꞌana maitalenga ingeie ngeena.

1 Tesalonaeka 5:22

na omu ke iiꞌo haꞌatau mwaanie taꞌena nga mei ola aaela.

Jemes 2:5

Omu ke rongo kaꞌu, maeni eesiku maaꞌi. A God e lio hilisie mo iini e maitale aana walumalau ie hunie kire ke toꞌo-toꞌo aana hiiwalaimolinge, na huni toꞌo aana aalahanga nge e haiholotaꞌinie hunie mo iini nge kire manata diana hunie.