Matiu 17:20 - Tataroha Diana

²⁰ Oto a Jisas ko aalamire ko teꞌuri, “Aena aana hiiwalaimolinge iꞌomu e kaꞌa susu ike aana a God. No ko unue oto huniꞌomu, mala uri hiiwalaimolinge iꞌomu ke paine mola mala nga kele litei ola, na omu sai unue mola hunie uuwo ie uuri, ‘Lae wau i leune,’ na kei lae oto. Nga mei ola e saꞌa aasaiꞌomu ike.”

Matiu 17:20 ပူးပေါင်းရင်းမြစ်များ

Matiu 13:31

A Jisas ko heꞌi unue loꞌu ngaeta mei aalahuunge hunire uuri, “Aalahanga a God e urihana iinoni e hasie litei ola aana ai mastad i laona hohola ingeie.

Matiu 14:29

Oto a Jisas ko aalamie a Pita uuri, “Lae mola mai.” Oto a Pita e siho mwaanie iiola, ko aehota lae oto honosie a Jisas i kolune aasi.

Matiu 17:17

Oto a Jisas ko aalamie a mwaena ko teꞌuri, “Iꞌomu pwaunge siꞌiri ie, iꞌomu mo iinoni aaela, suata mone hule aana omu kaꞌa hiiwalaimoli ike aana a God. !No ko talei haꞌaweoau oto mola peꞌiꞌomu! ?Uri ne kei iiꞌo tewa kaꞌu loꞌu uri taa peꞌiꞌomu, omu ke si hiiwalaimoli? Toolea kaꞌu mei a mwaꞌune i seeku.”

Matiu 17:19

Mango urine, mo pwaarongoisuli e si lae loꞌu maraada i saana Jisas, na kire ko dolosi aana uuri, “?E ue kaꞌu nge iꞌemeelu, melu kaꞌa sai oohe aasie liꞌoa aaela ngeena mwaanie a mwaꞌune?”

Matiu 17:9

Maholo kire ko siho toli oto mai mwaanie toloi henue ngeena, a Jisas ko si unue hunire uuri, “Mwaanie omu unu-unue nga taa omu leesie ngeena oodoie nga iini, lai hule aana ineu a Kale Ni Iinoni ne kei taꞌelaꞌi mwaanie maenga.”

Matiu 21:21

Oto a Jisas ko aalamire uuri, “No ko unue oto huniꞌomu uri mala omu ko hiiwalaimoli toꞌohuu na omu kaꞌa neꞌisae rue-ruaꞌa, omu sai da mola nga taa mala nou esuie hunie ai ienini. Na kaꞌa taꞌe ike leu ie, taꞌe hule aana omu sai unue noꞌone mola hunie uuwo ie uuri, ‘O ke pola mola i eesi,’ na kei reu oto urine.

Matiu 8:26

A Jisas ko aalamire uuri, “?E ue ni oto omu ko meꞌu urine? !Hiiwalaimolinge iꞌomu e lae otoi oꞌoruꞌe liutaa!” Oto e si taꞌelaꞌi ko ere aana ooru na aahe hunie kire ke mamalo. Oto e si lae mola wai aange hoolaa.

Tataroha Diana I Sulie A Jisas Kraes Nge A Mak E Uusue 11:22

Oto a Jisas ko unue hunire uuri, “Omu ke hiiwalaimoli mola aana a God.

Tataroha Diana I Sulie A Jisas Kraes Nge A Mak E Uusue 11:23

Toꞌohuu no ko unue huniꞌomu uri mala taꞌena nga iini eemiu ko unue hunie toloi henue ie uuri, ‘O ke pola mola i eesi,’ na e kaꞌa neꞌisae rue-ruaꞌa, nge nga taa e sukaa kei reu mola hunie.

Tataroha Diana I Sulie A Jisas Kraes Nge A Mak E Uusue 4:31

E urihana kele litei ola oto mwai-mwei aana ai mastad. Maꞌalana e mwai-mwei liutaa aana ahutana mo lite kolu ko hei-hesiꞌi,

Tataroha Diana I Sulie A Jisas Kraes Nge A Mak E Uusue 9:23

Oto a Jisas ko ere uuri hunie, “?E ue o ko unue uuri, ‘Mala uri nanamanga iꞌoe e sai peꞌie’? Taꞌena nga iini ko hiiwalaimoli aana God e sai esuie ahutana walu ola.”

Tataroha Diana I Sulie A Jisas Kraes Nge A Luk E Uusue 1:37

Aana taꞌe-taꞌena nga mei ola e saꞌa aasaie ike a God huni esuie.”

Tataroha Diana I Sulie A Jisas Kraes Nge A Luk E Uusue 17:6

Oto a Aalaha ko aalamire uuri, “Maꞌalana omu ke toꞌo aana mola nga hiiwalaimolinge mwai-mwei mala nga kele litei ola, na omu kei unue hunie ai weune uuri, ‘O ke aalangu oto maraamu aana imi-imimu, na o ke lai hesiꞌo maraamu wau i eesi.’ Na aine kei tola i suliꞌomu oto.”

Tataroha Diana I Sulie A Jisas Kraes Nge A Luk E Uusue 18:27

A Jisas e aalamire uuri, “Nga taa nge e aasa hunie iinoni, e tohungei mwadaꞌu mola hunie a God.”

Tataroha Diana I Sulie A Jisas Kraes Nge A Jon E Uusue 11:40

Oto a Jisas ko teꞌuri hunie a Maata, “O ke hiiwalaimoli mola, aana nou unue kaꞌu oto huniꞌo uri o ko hiiwalaimoli haꞌalaa, o ke si leesie manikuluhaꞌana a God.”

1 Korinit 12:9

Na e taꞌa-taꞌa Liꞌoa Maaꞌi ngeena noꞌone mola nge ko niie hiiwalaimolinge paine hunie ngaeta mwala, na hunie ngaeta mwala loꞌu ko niie nanamanga hunire hunie kire ke haꞌa-uurie taꞌena nga iinoni mwaanie mo maelaa ikire.

1 Korinit 13:2

Na maꞌalana nou sai unu tahangaꞌinie walana a God, wa maꞌalana ne ke saenanau loꞌu aana taꞌena nga ola mumuni, wa maꞌalana uri hiiwalaimolinge ineu ke susu huni lidue mo toloi henue, taꞌe nou kaꞌa toꞌo aana manata-diananga, ineu iinoni mwaakule mola ni ngeena.

Hibru 3:19

Oto kolu saie oto kire kaꞌa hiiwalaimoli ike aana God, na aena mei olana nge kire kaꞌa lai hule ike aana leu ni mamalo nge a God e dau aakau aana.