Matiu 17:18 - Tataroha Diana

¹⁸ Oto a Jisas e ere aana liꞌoa aaela ngeena, nge ko si tehi mwaanie, na a mwaꞌune ko tolana diana oto aana maholona.

Matiu 17:18 ပူးပေါင်းရင်းမြစ်များ

Matiu 12:22

Oto ngaeta mwala kire toolea mai i saana Jisas nga mwane e ulu na kaꞌa sai ere ike aena aana liꞌoa aaela nge aana. Oto e haꞌa-uurie uri hunie ke ere-ere na ke lio-lio loꞌu.

Matiu 15:28

Oto a Jisas ko si aalamie loꞌu a huꞌena uuri, “Keine, hiiwalaimolinge iꞌoe e tohungei peine. Nga taa o saetoꞌo aana kei oa oto huniꞌo urine.” Na oto mola aana maholona, haꞌa-uurilana kalena huꞌena e lae oto.

Matiu 17:17

Oto a Jisas ko aalamie a mwaena ko teꞌuri, “Iꞌomu pwaunge siꞌiri ie, iꞌomu mo iinoni aaela, suata mone hule aana omu kaꞌa hiiwalaimoli ike aana a God. !No ko talei haꞌaweoau oto mola peꞌiꞌomu! ?Uri ne kei iiꞌo tewa kaꞌu loꞌu uri taa peꞌiꞌomu, omu ke si hiiwalaimoli? Toolea kaꞌu mei a mwaꞌune i seeku.”

Matiu 17:19

Mango urine, mo pwaarongoisuli e si lae loꞌu maraada i saana Jisas, na kire ko dolosi aana uuri, “?E ue kaꞌu nge iꞌemeelu, melu kaꞌa sai oohe aasie liꞌoa aaela ngeena mwaanie a mwaꞌune?”

Matiu 9:22

A Jisas e aaliꞌu na ko leesie a huꞌena, oto ko teꞌuri hunie, “Kaleku saemu ke dodo, hiiwalaimolinge iꞌoe e haꞌa-uuriꞌo oto.” Oto a huꞌena ko tolana awaa oto mwaanie maelaa ni epu aana maholoi satona.

Tataroha Diana I Sulie A Jisas Kraes Nge A Mak E Uusue 1:34

A Jisas e haꞌa-uurie mwala hunge aana mo maelaa hai aaopaꞌi e hite aada, na e oohe aasie noꞌone mo liꞌoa aaela mwaanie mwala hunge. E kaꞌa toliꞌaasie ike mo liꞌoa aaela ngeena kire ke ere, aena aana kire manataꞌinie oto.

Tataroha Diana I Sulie A Jisas Kraes Nge A Luk E Uusue 4:41

Mo iini hunge mo liꞌoa aaela e iisitaa noꞌone mwaanire, na kire ko aawara uuri, “!Iꞌoe oto Kalena God!” Taꞌe a Jisas e ere aada mwaanie uri kire heꞌi unue loꞌu nga mei wala, aana kire saie uri ingeie ni oto a Kraes.

Tataroha Diana I Sulie A Jisas Kraes Nge A Luk E Uusue 9:42

Oto maholo nge a mwaꞌune ko lae mai takoie a Jisas, liꞌoa aaela ko reputeꞌi lae-laeꞌi oto aana a mwaꞌune i aano. Taꞌe a Jisas e ere aana liꞌoa aaela ngeena, ko si haꞌa-uurie a mwaꞌune, na ko toliꞌaasie oto hunie aamana.

Palonga 16:18

Mo dinge hunge a keine ko teꞌurine oto mola, lae-lae hule aana a Pol e kaꞌa sare rongoa oto. Oto a Pol e saro wau takoie, na ko teꞌuri hunie liꞌoa aaela ngeena, “Aana satana Jisas Kraes no ko unue oto huniꞌo o ke lae mwaanie a keni ngeena.” Na oto mola aana maholoi satona liꞌoa aaela ngeena e tolana tahi oto mwaanie a keine.