Matiu 17:1 - Tataroha Diana

¹ Oto i purine e oono hai dinge e saro mango, a Jisas e si toolea a Pita na a Jemes peꞌie a Jon aasine, na kire ko hanetaa taꞌau i lengine toloi henue hunie kire ke iiꞌo maraada.

Matiu 17:1 ပူးပေါင်းရင်းမြစ်များ

Matiu 17:2

Taꞌi lengi i leune, oto sapena Jisas ko hei-oolisi oto mola i naꞌoda. Maana ko nuꞌe oto mala sato e raa, na mo toꞌoni ingeie ko rereꞌa oto mala raa-raa.

Matiu 26:37

Oto e toolea a Pita na e ro kalena Sebedi peꞌie, na ko si aehota tolahiꞌe hiitoꞌo peꞌie saehuunge oto paine.

Tataroha Diana I Sulie A Jisas Kraes Nge A Mak E Uusue 13:3

Oto loꞌu mola i puri a Jisas e iiꞌo taꞌau i lengine Uuwo Ni Ei Olif aana leu kire sai lio haꞌaholo wau hunie Nume Maaꞌi Peine. Oto a Pita na a Jemes na a Jon na a Andru, kire lae mai maraada i saana.

Tataroha Diana I Sulie A Jisas Kraes Nge A Mak E Uusue 5:37

Oto a Jisas e kaꞌa toliꞌaasie ike loꞌu nga iini aaopa hunie ke lae peꞌie, taꞌe a Pita mola haliꞌite, na a Jemes, na a Jon aasine a Jemes.

Tataroha Diana I Sulie A Jisas Kraes Nge A Luk E Uusue 8:51

Maholo a Jisas e lai hule taꞌau i nume a Jaeras, e kaꞌa toliꞌaasie ike nga iini ke sili loꞌu peꞌie hai nume. Taꞌe a Pita, a Jon, na Jemes peꞌie aamana na nikana a pulena, nge a Jisas e toliꞌaasire hunie kire ke lae sili i nume peꞌie.

2 Korinit 13:1

Oolune nga mai laenga ineu loꞌu mei huni maatoliꞌomu oto ienini. Oto omu ke lio talamiu, aana kolu saie oto uri mo Uusu-uusu Maaꞌi e unue uuri, Maholo nga iini ko haꞌasusungeꞌinie ngaeta iinoni i naꞌona mo mwane lei-lei, nga ro iinoni wa e oolu ke haro ere haꞌa-oaie nga taa ko unue ngeena, haꞌalaa kire ke si haꞌaloie. Diutronomi 19:15

2 Pita 1:16

Maholo iꞌemeelu mo hurulaꞌaa melu haꞌarongoꞌomu aana uri a Jisas Kraes Aalaha ikie kei ooli loꞌu mei peꞌie nanamanga paine, melu kaꞌa talei ere ike mola i sulie mo laladonga taꞌewau. !Haꞌike! Melu leesie oto aana maameelu uri a Kraes e toꞌo aana painehaꞌana nanamanga a God.

2 Pita 1:18

Iꞌemeelu maraameelu oto, melu rongoa mei wala ngeena e lae mai uure taꞌau i Lengi maholo melu iiꞌo peꞌie a Jisas taꞌau i lengine toloi henue maaꞌi.