Matiu 16:20 - Tataroha Diana

²⁰ Oto a Jisas e si ere honosire mwaanie kire haꞌarongoa loꞌu nga iini uri ingeie oto a Kraes.

Matiu 16:20 ပူးပေါင်းရင်းမြစ်များ

Matiu 1:16

na a Jekob aamana Josep nge e toꞌo aana a Meri na a Meri nikana a Jisas, sailana uri a Kraes.

Matiu 16:16

Oto a Saemon Pita ko aalamie uuri, “Iꞌoe oto a Kraes, Kalena God Mau-meuriꞌe.”

Matiu 17:9

Maholo kire ko siho toli oto mai mwaanie toloi henue ngeena, a Jisas ko si unue hunire uuri, “Mwaanie omu unu-unue nga taa omu leesie ngeena oodoie nga iini, lai hule aana ineu a Kale Ni Iinoni ne kei taꞌelaꞌi mwaanie maenga.”

Matiu 8:4

Na a Jisas ko si unue hunie a mwaena uuri, “Mwaanie o haꞌa-haꞌarongoa nga iini aana nga taa e rau. Taꞌe o ke oodo mola i saana mo pris hunie kire ke saie uri sapemu e mola oto. Na o ke niie uuraaꞌinge hunie a God mala mo Haꞌatolanga a Mosis e unue. Urine ahutana mwala kire ke si meni saie uri sapemu e mola oto.”

Tataroha Diana I Sulie A Jisas Kraes Nge A Mak E Uusue 8:30

Oto a Jisas ko ere honosire mwaanie kire haꞌarongoa loꞌu nga iini aana uri ingeie a tei.

Tataroha Diana I Sulie A Jisas Kraes Nge A Mak E Uusue 9:9

Oto maholo kire ko siho toli oto mai mwaanie toloi henue ngeena, a Jisas ko si unue hunire uuri, “Mwaanie omu unu-unue nga taa omu leesie oodoie nga iini, lai hule aana maholo ineu a Kale Ni Iinoni ne kei taꞌelaꞌi mwaanie maenga.”

Tataroha Diana I Sulie A Jisas Kraes Nge A Luk E Uusue 2:11

Iini nge kei haꞌa-uuriꞌomu e si kele hute oto molana aana hanue a Deved. Ingeie oto a Kraes, Aalaha ikie.

Tataroha Diana I Sulie A Jisas Kraes Nge A Luk E Uusue 9:21

Oto a Jisas ko ere honosire mwaanie kire haꞌarongoa loꞌu nga iini aana leune.

Tataroha Diana I Sulie A Jisas Kraes Nge A Luk E Uusue 9:36

Oto maholo mei wala ngeena e mango, kiraelu ko si leesie mola a Jisas e uure maraana. Oto mo pwaarongoisuli kiraelu rohu mola haahie, na kiraelu kaꞌa haꞌarongoa loꞌu nga iini aana mo dingena, aana nga moi taa nge kiraelu leesiꞌi.

Tataroha Diana I Sulie A Jisas Kraes Nge A Jon E Uusue 1:41

Oto a Andru ko tolana loꞌohie oto aasine, a Saemon, na ko haꞌarongoa oto uuri, “Mere lio oodoie oto a Mesaea.” (Mei wala “Mesaea” ngeena, ngaeta mei wala aana erenga mo Jiu, loꞌongaꞌinge aana uri “Kraes,” iini nge a God e haiholotaꞌi ni uusungeꞌinie mai huni haꞌa-uurie walumalau.)

Tataroha Diana I Sulie A Jisas Kraes Nge A Jon E Uusue 1:45

Oto a Pilip e lae haitalea a Nataniel, ko si teꞌuri hunie, “Melu lio oodoie oto a Kraes nge a Mosis e uusu-uusu i sulie i laona uusu-uusu aana mo Haꞌatolanga, na mo propet noꞌone kire uusu-uusu i sulie. Ingeie oto a Jisas ni Nasaret, kalena a Josep.”

Tataroha Diana I Sulie A Jisas Kraes Nge A Jon E Uusue 11:27

Oto a Maata e aalamie ko teꞌuri hunie, “Iau, Poro paine, nou hiiwalaimoli aana uri iꞌoe oto a Kraes, Kalena God nge a God e uusungeꞌinie mai huni haꞌa-uurie walumalau.”

Tataroha Diana I Sulie A Jisas Kraes Nge A Jon E Uusue 20:31

Mo iini ie uusuleni e lae mola uri hunie omu ke hiiwalaimoli aana a Jisas uri ingeie a Kraes, Kalena God, na hunie omu ke manataꞌinie maurihe huu aani hiiwalaimolinge aana.

Palonga 2:36

“Oto ahutemiu mwala ni Israel, omu ke saie uri a Jisas nge omu horo maesie i lengine poꞌu-poꞌu, a God e unue ingeie oto a Kraes nge e haiholotaꞌinie, na ingeie oto kei aalaha haahikie.”

1 Jon 2:22

?Oto kira tei keꞌu mo iini kire sai eero liutaa? Ikire oto mo iini nge kire ko taateingeꞌinie uri a Jisas oto a Kraes, a Haꞌa-uuritaka nge a God e haiholotaꞌinie kaꞌu huni uusungeꞌinie mai. Iinoni urine nge ingeie maelonga a Kraes, aana ko meni leledie oto a Mamaꞌa na a Kalena.

1 Jon 5:1

Taꞌena nga iini ko hiiwalaimoli aana a Jisas uri ingeie a Kraes, a Haꞌa-uuritaka nge a God e haiholotaꞌinie kaꞌu huni uusungeꞌinie mai, nge iinoni ngeena e hute haalu mala ngaeta kalena God. Na taꞌena nga iini ko manata diana hunie Mamaꞌa i Lengi, nge ke manata diana noꞌone hunie mo iini nge e hute aana.