Matiu 16:18 - Tataroha Diana

¹⁸ Oto no ko unue huniꞌo Pita, iꞌoe oto hau, na i lengine poo-poota aani heu ie ne kei tohue soihaadaꞌinge ineu, na maꞌalana maenga na e saꞌa tari mwadaꞌu ike aana huni ohoie.

Matiu 16:18 ပူးပေါင်းရင်းမြစ်များ

Matiu 10:2

Ie satana aawalai hurulaꞌaa mwana rue: Eetana a Saemon (haaraꞌinilana loꞌu a Pita), na a Andru (aasine a Saemon), na a Jemes (kalena Sebedi), na a Jon (aasine a Jemes),

Matiu 11:23

?Na huniꞌomu mo Kapaneam, omu ko loꞌo-loꞌongaꞌi uri a God kei sulu alaꞌa aamiu taꞌau i Lengi? !Haꞌike! A God kei aasiꞌomu mola hai aano aana leu ni haꞌamotaahinge. Aana mo huꞌi-huꞌite nge asuileni e lae huniꞌomu, kire ke rau urine hunie hanue aaela i Sodom, haꞌalaa ingeie e iiꞌo mola ue hule mai siꞌiri.

Matiu 18:17

Na mala uri e kaꞌa rongo oto noꞌone huniꞌomoolu, unue loꞌu mei olana hunie soihaadaꞌinge. Na leu ooreta mola uri, mala e kaꞌa rongo oto hunie soihaadaꞌinge, toliꞌaasie hunie ke iiꞌo oto mola i sinaha mala iinoni ni puꞌo wa mala iini peli-peli.

Matiu 4:18

Maholo a Jisas e lae-lae i reune Aasi I Kalili na ko leesie e ro mwane wee-weesi, kirerue ko weesi aana huꞌo. Ngaeta mwane oto a Saemon nge ruana nga sata ingeie a Pita, na a Andru, aasine.

Matiu 7:24

“Aena ngeena taꞌena nga iini ko rongoa walaku peꞌi sulu i suliꞌi, e urihana iinoni saenanau e tohue nume ingeie aana e eli kokoro talana mo hunu, na e neꞌie mo heu i poo-pootana mo hunu aana nume ngeena.

Tataroha Diana I Sulie A Jisas Kraes Nge A Jon E Uusue 1:42

Oto a Andru e toolea Saemon i saana Jisas. A Jisas e toꞌomaaie a Saemon, e si teꞌuri, “Iꞌoe oto a Saemon kalena Jon, taꞌe haaraꞌinilemu kei lae oto aana a Sipas.” (Satai ola aana erenga mo Jiu ngeena e sada mola peꞌie satai Pita aana erenga ni Krik, na loꞌongaꞌinge aana uri “a Hau” aana a Jisas e saie uri a Pita kei neꞌie mwane kei uure maꞌutaꞌa diana mala hau e susu.)

Palonga 2:47

Na kire ko lahea God mola tarau, oto mwala ko tohungei neꞌisae paine aada. Na i suli hei dinge a Aalaha ko haꞌa-uurie loꞌu mo iini hunge mwaanie mo oorahaꞌaa ikire, na ko sapeire loꞌu mei i laona pulitaa ikire ngeena.

Palonga 20:28

“Oto omu ke kinetaꞌiniꞌomu, na omu ke kinetaꞌinie noꞌone amaa ni sipu nge a Liꞌoa Maaꞌi e niie huniꞌomu hunie omu ke lio i sulie. Na omu ke iiꞌo mala kira kakakali sipu, aana amaa ni sipu ngeena oto soihaadaꞌinge a God, ahutana mwala nge Kalena e holi mangora aana apune maholo e mae mala nga uunu-olanga.

Palonga 8:1

Ngaeta mo iini nge kire ko aare-aarea God toꞌohuu, kire ko si lai heitolingeꞌinie a Stivin peꞌie saehuunge na ngaranga, taꞌe a Sol ko ilenimwaꞌe mola haahie horoꞌilana. Aehota oto aana hai dinge a Stivin e mae, ahutana mwala ko tohungei waelie na kire ko horoꞌie oto mo iini aana soihaadaꞌinge i Jerusalem. Na ahutana mo iini kire hiiwalaimoli aana Jisas, kire tahi oto takoie mo huilume mwai-mwei aana mo poꞌo ni henue i Jiudia na i Samaria, taꞌe mo hurulaꞌaa mola nge kire oore i Jerusalem.

1 Korinit 15:55

?Oto iꞌoe, Maenga, nge i tei aꞌailaꞌanga iꞌoe? ?Na Maenga, nge i tei nanamanga iꞌoe huni waelie mwala? Hosea 13:14

Kalesia 2:9

Na maholo kire lio saie uri mei esunge ngeena a God e niie oto hunieu, nge a Jemes na a Pita na a Jon kire ko si hele i kiꞌimereꞌi a Banabas. Urine mo iini nge kire unue uri ikiraelu oto mo hunu aana soihaadaꞌinge, kiraelu ko si haataꞌinie uri kiraelu ko heiholotaꞌi huni esu loko-loko peꞌiꞌemereꞌi. Oto melu meni neꞌisae mouteꞌi uri asunge iꞌemereꞌi a Banabas kei lae oto nana mo Aapoloa Aaopa, na asunge ikiraelu oto nana mo Jiu.

Epesas 3:10

Na a God e asuie oto urine aana maholo ienini hunie soihaadaꞌinge ke si haataꞌinie taꞌe-taꞌena nga loꞌongaꞌinge diana a God hunie mo ensel na mo liꞌoa na mo aakalo na taꞌena nga iini nanama urine.

Epesas 5:32

Mei loꞌongaꞌinge kokoro e iiꞌo mumuni i leune, na nou lio saie uri ko ere ni aalahuunge i sulie a Kraes na soihaadaꞌinge ingeie.

Kolosi 1:18

Mo iinoni aana soihaadaꞌinge, kire urihana sapena Kraes, na ingeie oto pwaune soihaadaꞌinge, aena aana ingeie oto aahuꞌine maurihe. Ingeie oto eetana nga iinoni huni taꞌelaꞌi mwaanie maenga peꞌie maurihe nge ko iiꞌo oto huu, hunie uri taꞌe ingeie haliꞌite ke neꞌie naꞌohai iini haahie ahutana walu ola.

1 Timoti 3:15

mwaanie nga mei ola e uure honosieu. Oto uusu-uusu ie ke haataꞌinie huniꞌo tolahai iinoni diana aana uluhe iinoni a God. Na uluhe ngeena oto soihaadaꞌinge a God Mau-meuriꞌe, na ikie oto soihaadaꞌinge ngeena. Ikie oto kie ko kakalie walaimolinge i sulie a God, hunie walaimolinge ngeena ke uure maꞌutaꞌa mala poo-pootana nume.

1 Timoti 3:5

(?Mala uri nga iini e kaꞌa sai lio i suli diana aana uluhe ingeie maraana, haꞌalaa ke si lio i suli diana aana soihaadaꞌinge a God uri taa eena?)

Hibru 12:28

Aena urine, kie ke paa-paalahea God haahie kie helesie oto aalahanga nge nunuilana e aasa kei lae loꞌu. Kie ke paalahea God tarau na kie ke palo-paloa oto aana tala nge e toꞌohie saena na kie ke haꞌamaꞌu oto aana peꞌi meꞌunge.

Haataꞌinge 11:15

Oto hiune nga ensel e uuhie aahuri ingeie, na mo wala paine uure taꞌau i Lengi ko teꞌuri, “A God ikie na iini e lio hilisie hunie ke neꞌie a Haꞌa-uuri, ikire oto kire toꞌo aana nanamanga haahie ahutana walu ola aana walumalau na huni aalaha haahie oto huu.”

Haataꞌinge 21:14

Para ahuie hanuena asuilana e lae aana aawalai toliꞌae mwana rue aani heu, na uusulana satana aawalai hurulaꞌaa mwana rue a Kalei Sipu e lae oto aana mo heu ngeena.