Matiu 16:16 - Tataroha Diana

¹⁶ Oto a Saemon Pita ko aalamie uuri, “Iꞌoe oto a Kraes, Kalena God Mau-meuriꞌe.”

Matiu 16:16 ပူးပေါင်းရင်းမြစ်များ

Matiu 1:16

na a Jekob aamana Josep nge e toꞌo aana a Meri na a Meri nikana a Jisas, sailana uri a Kraes.

Matiu 14:33

Oto mo pwaarongoisuli kire ko pouruuru ni haꞌamaꞌunge i naꞌona a Jisas, na kire ko unue uuri, “Iꞌoe oto Kalena God toꞌohuu.”

Matiu 16:15

Oto a Jisas ko heꞌi dolosi loꞌu aada uuri, “?Oto e ue aana iꞌomu? ?Haꞌalaa omu ko unu-unue uri ineu a tei?”

Matiu 26:63

Taꞌe a Jisas e tolirohu mola. Oto Naꞌohana Mo Naꞌohai Pris ko heꞌi unue loꞌu hunie a Jisas uuri, “No ko unue huniꞌo, uri o ke tohe oodoiꞌemeelu aana satana God Mau-meuriꞌe uri iꞌoe Kalena God toꞌohuu wa haꞌike.”

Matiu 27:54

Oto naꞌohana mo ramo ni Rom na mo ramo peꞌie nge ko kakalie a Jisas, kire leesie nunu na ngaeta mo ola loꞌu e raune, kire ko si tohungei meꞌu oto hiitoꞌo na kire ko unue uuri, “A mwane ie Kalena God oto toꞌohuu.”

Matiu 4:3

Oto a Satan e lae mai saana na ko teꞌuri hunie, “Mala o ko neꞌie Kalena God toꞌohuu, o ke unue mo heu ngeena ke neꞌi bred.”

Tataroha Diana I Sulie A Jisas Kraes Nge A Mak E Uusue 14:61

Taꞌe a Jisas e tolirohu mola. Oto Naꞌohana Mo Naꞌohai Pris ko dolosi loꞌu aana a Jisas uuri, “?Ohe iꞌoe ni oto a Kraes, Kalena God, iini e diana liutaa?”

Tataroha Diana I Sulie A Jisas Kraes Nge A Luk E Uusue 2:11

Iini nge kei haꞌa-uuriꞌomu e si kele hute oto molana aana hanue a Deved. Ingeie oto a Kraes, Aalaha ikie.

Tataroha Diana I Sulie A Jisas Kraes Nge A Jon E Uusue 1:49

Oto a Nataniel ko si teꞌuri hunie a Jisas, “!Poro paine, iꞌoe oto Kalena God! !Iꞌoe oto inemauri nana mo Israel!”

Tataroha Diana I Sulie A Jisas Kraes Nge A Jon E Uusue 11:27

Oto a Maata e aalamie ko teꞌuri hunie, “Iau, Poro paine, nou hiiwalaimoli aana uri iꞌoe oto a Kraes, Kalena God nge a God e uusungeꞌinie mai huni haꞌa-uurie walumalau.”

Tataroha Diana I Sulie A Jisas Kraes Nge A Jon E Uusue 20:31

Mo iini ie uusuleni e lae mola uri hunie omu ke hiiwalaimoli aana a Jisas uri ingeie a Kraes, Kalena God, na hunie omu ke manataꞌinie maurihe huu aani hiiwalaimolinge aana.

Tataroha Diana I Sulie A Jisas Kraes Nge A Jon E Uusue 6:57

A Mamaꞌa, ingeie oto aahuꞌine maurihe, na ingeie oto e uusungeꞌinieu mei. Nou toꞌo aana maurihe aena aana Mamaꞌa, na urine loꞌu mo iini ko ngeue hasiꞌoku kire kei hele aana maurihe aena aana ineu no ko niie hunire.

Tataroha Diana I Sulie A Jisas Kraes Nge A Jon E Uusue 6:68

A Saemon Pita e aalamie oto ko teꞌuri, “?Melu ke si lae loꞌu i tei, Poro paine? Iꞌoe oto o toꞌo aana mo wala nge ko niie maurihe huu hunie iinoni.

Tataroha Diana I Sulie A Jisas Kraes Nge A Jon E Uusue 6:69

Melu hiiwalaimoli oto aamu, na melu saie uri iꞌoe oto Iini Maaꞌi e uure mai mwaanie a God.”

Palonga 14:15

“!Mwae! ?E ue ni omu ko teꞌurine? Iꞌemereꞌi mere sada mola mala iꞌomu. Taꞌe mere lae mola mai huni tarohaꞌinie Tataroha Diana hunie omu ke toliꞌaasie mola mo nunui ola mwaakule urine, na hunie omu ke aaliꞌu takoie God Mau-meuriꞌe. Aana ingeie mone e haꞌaholaa salo, na aano huu, na aasi, na walu ola nge ko oꞌoꞌo i lalo aani.

Palonga 8:36

Kirerue lae-lae i sulie tala ngeena, na kirerue ko lae i hule oto aana wai, oto poro paine ngeena ko teꞌuri, “!Lio kaꞌu! Wai oto ie. ?Nga taa ni e uure honosieu mwaanie nou loto maaꞌi oto molana?”

Palonga 8:37

Palonga 9:20

E oodo mola wau i laona mo nume ni palo-palo mo Jiu, na ko tarohaꞌinie oto a Jisas uri ingeie oto Kalena God toꞌohuu.

2 Korinit 1:19

aena aana no ko lulu i sulie tolahana a Jisas Kraes. Ingeie oto Kalena God, nge iꞌemeelu a Saelas na a Timoti, melu tarohaꞌinie huniꞌomu, na omu meni saie oto uri ingeie e kaꞌa unue “Iau” hunikie, na ko tolana unue loꞌu “Haꞌike.” Taꞌe i tehulaꞌana a Kraes mone, a God ko unu-unue “Iau” hunikie mo iinoni,

2 Korinit 3:3

Oto mauringe haalu iꞌomu ngeena domana uusu-uusu huni haataꞌinie asunge iꞌemeelu e toꞌohuu. Na e matapwa taane mola uri a Kraes ni e uusue uusu-uusu ngeena, aana a Kraes e kaꞌa uusue ike aani inki wa aani baero, taꞌe aana Liꞌoa Maaꞌi nge e uure mwaanie a God Mau-meuriꞌe. Na a Kraes e kaꞌa uusue ike mola i lengine mo rerepatai heu mala mo Haꞌatolanga nge a God e niiꞌi hunie a Mosis oto waite, taꞌe e uusue oto i laona saemiu.

2 Korinit 6:16

?Wa mo liꞌoa aaela kei iiꞌo i laona nume maaꞌi a God uri taa? Oto kie ke suꞌuri hata-hata peꞌie mo iini kire kaꞌa hiiwalaimoli, aana ikie oto nume maaꞌi a God Meu-meuriꞌe. Iau, kie neꞌie oto nume maaꞌi a God, aana a God maraana e unue uuri, Ne kei iiꞌo oto peꞌie mwala ineu, na ne kei aawe-aawe oto i matolada. Ne kei neꞌie oto God ikire, na ikire kire kei neꞌie oto mwala ineu. Levitikas 26:12

1 Tesalonaeka 1:9

Ahutana mwala ngeena ko meni ere i sulie oto diananga iꞌomu huniꞌemeelu maholo melu maatoliꞌomu, na uri omu eeliꞌu oto mwaanie palolana mo god eero-eero takoie asunge nana tohungei God Meu-meuriꞌe.

1 Timoti 3:15

mwaanie nga mei ola e uure honosieu. Oto uusu-uusu ie ke haataꞌinie huniꞌo tolahai iinoni diana aana uluhe iinoni a God. Na uluhe ngeena oto soihaadaꞌinge a God Mau-meuriꞌe, na ikie oto soihaadaꞌinge ngeena. Ikie oto kie ko kakalie walaimolinge i sulie a God, hunie walaimolinge ngeena ke uure maꞌutaꞌa mala poo-pootana nume.

1 Timoti 4:10

Aana kolu esu aꞌailaꞌa mola aana kolu tohungei hiiwalaimoli oto aana God Mau-meuriꞌe, nge e sai haꞌa-uurie taꞌena nga iinoni, na kei haꞌa-uurikie mo iini kie hiiwalaimoli aana.

Hibru 10:31

Oto kie ke lio talaka aana mei ola e tohungei aaela oto liutaa mala uri a God Mau-meuriꞌe kei saewasulie nga iinoni.

Hibru 12:22

Taꞌe ikie, kie hule kaꞌu oto aana toloihenue kie haaraꞌinie aana i Saeon, na huilume paine a God Mau-meuriꞌe otona. Jerusalem taꞌau i Lengi kaꞌu otona, leu nge mo molani ensel kire palo-paloa a God aana, peꞌi ilenimwaꞌenga oto paine.

Hibru 3:12

Maeni eesiku maaꞌi, omu ke mani kinetaꞌiniꞌomu mwaanie mo neꞌisaenga tataꞌala na mo neꞌisaenga rue-ruaꞌa, mwaanie nga iini eemiu e aatopuri aana a God Mau-meuriꞌe.

Hibru 9:14

!Taꞌe apune a Kraes e nanama loꞌu liutaa! Aana nanamanga a Liꞌoa Maaꞌi nge e iiꞌo huu oto tarau, a Kraes e niie maurihaꞌana maraana hunie a God mala nga uunu-olanga e oodotaꞌi. Na apune ko hoda rereꞌa aana manataka, hunie kie ke toliꞌaasie mo tolahai ola aaela nge kie sai maesiꞌi, na hunie kie ke asu nana God Mau-meuriꞌe.

1 Jon 4:15

Oto aena urinena, taꞌena nga iini ko hiiwalaimoli na ko unu tahangaꞌinie uri a Jisas ingeie oto Kalena God, nge a God ko iiꞌo susu oto i lalo aana, na ingeie i lalo aana God.

1 Jon 5:20

Na kie manataꞌinie oto noꞌone uri a Kalena God e lae mai na e niie oto saenanaunge naka, uri hunie kie ke manataꞌinie Iini Toꞌohuu. Na maurihaꞌaka oto i lalo aana Iini Toꞌohuu, aana ikie i lalo aana Kalena, a Jisas Kraes. Taꞌe ingeie mola tohungei God, na ingeie oto aahuꞌine maurihe huu.

1 Jon 5:5

?A tei ni e aꞌailaꞌa honosie walumalau? Iini nge ko hiiwalaimoli uri a Jisas ingeie Kalena God haꞌalaa.

Haataꞌinge 7:2

E hai ensel ngeena a God e niie nanamanga hunire huni waelie aano huu na aasi. Oto nou leesie ngaeta ensel e lae mai uure mwaanie pwaalana sato peꞌie nga ola huni neꞌi haꞌa-ara aana mwala huni haataꞌinie uri ikire oto toꞌo-toꞌolana a God Mau-meuriꞌe. Na ensel ngeena e soi aana mei wala paine wau hunie e hai ensel uuri,