Matiu 15:26 - Tataroha Diana

²⁶ Taꞌe a Jisas ko ere ni aalahuunge mola i sulie mo Jiu na mo puꞌo, ko teꞌuri hunie, “E kaꞌa diana ike huni aasie mola mo ngeulaa mo mwela ana mo usu.”

Matiu 15:26 ပူးပေါင်းရင်းမြစ်များ

Matiu 15:25

Maholo a huꞌena e rongo urine, ko si lae mai pouruuru i naꞌona na ko unue, “Aalaha ineu, o ke aamasieu.”

Matiu 15:27

Oto a huꞌena ko aalamie loꞌu a Jisas uuri, “E toꞌohuu taane poro paine, taꞌe maꞌalana mo usu na kire sai ngaa mola mo eehuhuꞌei ngeulaa ko usu mwaanie mo taetahe mo aalaha ikire.”

Matiu 7:6

“Mwaanie omu nii-niie mo ola maaꞌi mala Tataroha Diana hunie mo iini kei heliwala mola hunie. Aana urine e urihana mola omu ko niie mo ola maaꞌi ana mo usu, oto kire kei eeliꞌu mola na kire kei alaiꞌomu. Na e urihana noꞌone omu ko aasie mo ola diana iꞌomu mala mo dehi i saana mo poo, na kire kei uuri puli-pulisiꞌi mola aana aeꞌaeda.”

Uusu-uusu A Pol Hurula'aa Hunie Mo Rom 9:4

Ikire oto mwala a God e lio hilisire kaꞌu, na e toolera oto mala mo kalena, na ikire noꞌone kire leesie oto manikuluhaꞌana. A God e neꞌisae mouteꞌi oto peꞌire aana mo heiholotaꞌinge, na e niie mo Haꞌatolanga a Mosis oto hunire, na e haiholotaꞌinie mo niinge diana hunire, na e haꞌa-uusulire aana tolaha ni palonga.

Kalesia 2:15

Oto nou lae loꞌu peꞌi ere luhesie hunie uuri, “Ikolu, kolu hute oto aana mo Jiu, na kolu kaꞌa hute ike aana ‘kira oorahaꞌaala,’ satai ola nge ikie mo Jiu ko haa-haaraꞌinire mo Aapoloa Aaopa aana.

Epesas 2:12

Na holaꞌinaꞌo iꞌomu mo puꞌo toꞌohuu taane, aana omu tohungei haꞌataulie a Kraes oto hiitoꞌo, na iꞌomu haꞌike aana poꞌo ni iinoni nge a God e lio hilisie nana maraana. Aana maholona, omu iiꞌo mola poꞌoi sinaha mwaanie mo heiholotaꞌinge nge a God e unuꞌi mei hunie mwala ingeie. Na omu iiꞌo oto mola mwaakule aana walumalau ienini, na omu kaꞌa toꞌo aana ike loꞌu nga mei ola diana huni maaꞌoohie, na hule aana omu kaꞌa saie ike noꞌone a God.

Pilipae 3:2

Oto omu ke lio talamiu aana mo usu aaela ngeena, mwala nge kire ko talei esu oto mola aana torihesiꞌonga. Ikire mo iinoni aaela, aena aana kire ko haꞌa-uusulie mwala uri kire ke torihesiꞌo haꞌalaa kire ko neꞌi iinoni a God.

Haataꞌinge 22:15

Taꞌe mo iinoni oorahaꞌaa kire saꞌa roroꞌa ni lae ike i laona Aalahanga a God, aana kire ko siꞌo-siꞌo, na kire ko mei-mesi, na kire ko talei horo, na kire ko palo-paloa mo god eero-eero, na kire saetoꞌo aana mo wala ni eeronga na kire ko euꞌesuie eeronga mola tarau.