Matiu 15:11 - Tataroha Diana

¹¹ Mo ngeulaa nge iinoni ko ngeuꞌi kire kaꞌa haꞌamadaꞌaa ike iinonine i maana God, taꞌe mo wala nge ko iisitaa mwaanie ngidune ni ko haꞌamadaꞌaa.”

Matiu 15:11 ပူးပေါင်းရင်းမြစ်များ

Matiu 15:10

Oto a Jisas e soie mwala ke lae mai saana, nge ko si teꞌuri hunire, “Pwaarongo diana aana nga taa ne kei unue hunie omu ke sai diana aana.

Matiu 15:12

Oto mo pwaarongoisuli kire lae mai saana, na kire ko teꞌuri hunie, “?Uri o saie taane mo Parise ko hii aaela i sulie nga taa o unue?”

Tataroha Diana I Sulie A Jisas Kraes Nge A Mak E Uusue 7:15

Mo ngeulaa nge iinoni ko ngeuꞌi kire kaꞌa haꞌamadaꞌaa ike iinonine i maana God, taꞌe mo wala nge ko iisitaa mwaanie ngidune ni ko haꞌamadaꞌaa.”

Uusu-uusu A Pol Hurula'aa Hunie Mo Rom 14:14

Nou tohungei sai diana aana oto uri nga taꞌa-taꞌa mei ngeulaa e kaꞌa aapu ike, aana a Jisas maraana ni e haataꞌinie leune aaka. Taꞌe mala uri nga iini ko loꞌongaꞌinie uri ngaeta mo taungei ngeulaa kire aapu hunie, nge ke suꞌuri ngaa loꞌu mo iini urine.

Uusu-uusu A Pol Hurula'aa Hunie Mo Rom 14:17

Aana mo ola mala ngaunge na inunge, kire kaꞌa roroꞌa ike i laona Aalahanga a God. Taꞌe mo ola nge Liꞌoa Maaꞌi ko niiꞌi mala oodotaꞌinge na hanuelamanga na ilenimwaꞌenga haꞌalaa kire roroꞌa.

Uusu-uusu A Pol Hurula'aa Hunie Mo Rom 14:20

Omu ke suꞌuri toliꞌaasie ngaunge iꞌomu ke waelie asunge a God. Ahutana mo ngeulaa kire mani diana mola hunie ngauleni. Taꞌe e kaꞌa diana ike uri hunie omu ke ngaue mei ola nge e sai haꞌatataroa nga iini hunie domunge i laona oorahaꞌaa.

1 Timoti 4:3

Mwala urine kire ko haꞌa-uuresie ngaeta mo haꞌatolanga ikire maraada mala mo haꞌatolanga nge ko uure honosie mola mo iinoni mwaanie tola-keninge na toꞌo-poronga, na mwaanie ngaulana ngaeta mo taungei ngeulaa. Taꞌe aana haꞌaholanga, a God e haꞌa-uuresie iiꞌo-rurunge, na e haꞌaholaa noꞌone mo ngeulaa hunie mwala ke ngau-ngeuꞌi mola. Na ikie mo iini kie hiiwalaimoli aana God na kie saie walaimolinge, kie sai paalahea mola a God haahie mo ngeulaa ngeena, na kie sai ngeuꞌi mola.

Taetas 1:15

Kire unue uri kie ke haꞌahili-hili mwaanie mo ola oto hunge, taꞌe eeronga mola ni ngeena, aana walu ola kire mani diana mola hunie mo iini kire iiꞌo oodotaꞌi. Taꞌe iini nge ko loꞌo-loꞌongaꞌinie mola aaelanga haliꞌite, ahutana ola kire mani madaꞌa hunie, aena aana e kaꞌa hiiwalaimoli ike aana God. Oto iini urine manatana na loꞌongaꞌinge ingeie kire mani aaela mango mola.

Hibru 13:9

Oto omu ke kinetaꞌiniꞌomu mwaanie taꞌena nga taungei haꞌa-uusulinge aaopa e haꞌatakaloꞌomu mwaanie tohungana tala oodo. Aana tohungei ola nge ko haꞌasusue saeka nge hahuꞌana manata-diananga a God hunikie, na e kaꞌa ike mola mo ngeulaa nge kire unue uri e maaꞌi. Aana tola i sulilana mola mo haꞌatolanga i sulie ngaulaa na walu ola ngeena, kire saꞌa tohungei peꞌie ike mo iini ko lulu i suliꞌi.

2 Pita 2:18

Kire sai haꞌa-olaa mwala mola hunie aaelanga peꞌie mo wala mwaakule ni toohaꞌinge, aana kire ko unu-unue uri e diana mola huni deu i sulie mo heri-huninge aana sape. Na urine kire ko weꞌi eelihoꞌi mola aana mwala nge kire ko si aehota huni lae i sulie tala oodo mwaanie mo tolahai ola aaela ngeena.