Matiu 13:44 - Tataroha Diana

⁴⁴ Oto a Jisas ko heꞌi unue loꞌu ngaeta mei aalahuunge hunire uuri, “Aalahanga a God e urihana mwaꞌii toꞌoha mumunilana e lae kaꞌu i laona mei aano. Oto nga mwane e lai lio oodoie, oto ko neꞌi eelihoꞌi aana hunie ke iiꞌo mumuni. A mwaena ko tohungei neꞌisae paine mone aana mwaꞌii toꞌoha ngeena, oto hule aana e ilenimwaꞌe mola huni toliꞌaasie ahutana toꞌo-toꞌolana i tehulaꞌana. Oto e si lai haꞌaholingeꞌinie toꞌo-toꞌolana, na ko eelihoꞌi loꞌu huni holie mei aano ngeena peꞌie mwaꞌii toꞌoha nge e lai lio oodoie.

Matiu 13:44 ပူးပေါင်းရင်းမြစ်များ

Matiu 13:24

Oto a Jisas ko heꞌi unue loꞌu ngaeta mei aalahuunge hunie mwala uuri, “Aalahanga a God e urihana iinoni e hasie mo litei ola diana mala kooni i laona hohola ingeie.

Matiu 13:46

Na maholo e lio oodoie hohoi ola nge e lae otoi diana liutaa, ko si haꞌaholingeꞌinie ahutana toꞌo-toꞌolana, na ko holie hohoi olana.”

Matiu 13:47

“Aalahanga a God e urihana noꞌone huꞌo mwala wee-weesi kire aasie i eesi, oto kire ko weꞌi haahie taꞌe-taꞌena nga iiꞌe oto mola.

Matiu 19:21

A Jisas ko si unue hunie uuri, “Mala uri o ko sare iiꞌo oodotaꞌi oto, o ke lae, na o ke haꞌaholingeꞌinie toꞌo-toꞌolamu. Oto o ko niie mo toꞌoha aani nana mo iinoni meitale, aana ko urine nge o ke si toꞌo-toꞌo loꞌu aana mo ola diana i Lengi. Mango urine, o ke si lae mai lulu i sulieu.”

Matiu 19:27

Oto a Pita ko teꞌuri hunie a Jisas, “Lio kaꞌu. Iꞌemeelu, melu meni toli puri oto aana toꞌo-toꞌolameelu, na melu ko lulu i suliꞌo oto. ?Nga mei taa ni melu kei terie aana leune?”

Matiu 19:29

Na kaꞌa taꞌe ike mola iꞌomu, taꞌe taꞌena nga iini ko toli puri aana nume ingeie, wa aasine mwane, wa aasine keni, wa aamana, wa nikana, wa huꞌe ingeie, wa mo kalena, wa mei aano ingeie i tehulaꞌana sataku, nge kei hele haꞌatangalau loꞌu liutaa aana nga taa e toli puri keꞌu aana, na kei hele aana oto tohungei waaite aana maurihe huu.

Matiu 6:21

Aena aana leu nge toꞌolamiu e iiꞌo aana, nge saemiu kei talei oꞌoꞌo noꞌone mola aana leune.”

Tataroha Diana I Sulie A Jisas Kraes Nge A Luk E Uusue 14:33

Oto a Jisas ko si ere ooreta uuri, “E urine noꞌone aana nga iini ko sare neꞌi pwaarongoisuli ineu, ke toliꞌaasie oto ahutana toꞌo-toꞌolana. Ko haꞌike na e saꞌa roroꞌa neꞌi pwaarongoisuli ineu ike.

Tataroha Diana I Sulie A Jisas Kraes Nge A Jon E Uusue 6:35

A Jisas ko si unue hunire uuri, “Ineu oto ngaulaa ni meurihe. Iini ko lae mai neꞌi pwaarongoisuli ineu, e saꞌa heꞌi hiolo loꞌu, na iini ko hiiwalaimoli eeku, e saꞌa heꞌi maarou loꞌu.

Uusu-uusu A Pol Hurula'aa Hunie Mo Rom 15:4

Ahutana walu ola nge uusuleni e lae i laona mo Uusu-uusu Maaꞌi oto wau i naꞌo, kire uusuꞌi huni haꞌananaukie ni ngeena, uri hunie hiiwalaimolinge ikie ke aꞌailaꞌa na hunie kie ke uure maꞌutaꞌa taraꞌasi aani maaꞌoohinge susutoꞌo loosie mo ola nge a God e haiholotaꞌiniꞌi hunikie.

Kolosi 2:3

Na taꞌe a Kraes mola ni e sai tahanie saeka hunie kie ke lio saie ahutana mo saenanaunge a God nge kire oꞌoꞌo mumuni keꞌu ngeena.

Kolosi 3:16

Omu ke iiꞌo diana hunie haꞌa-uusulinge a Kraes ke haataꞌi aana taꞌena nga ola omu ko esuie. Oto maholo omu ko haꞌa-uusuliꞌomu heiliu wa omu ko haꞌasaie nga iini, taꞌe saenanaunge ingeie ke si haataꞌi i leune. Na omu ke paalahea God aana ahutana saemiu aani kanalilana mo kananga aana Uusu-uusu Maaꞌi, na mo kananga maaꞌi lalahuꞌe, na mo kananga haalu nge Liꞌoa Maaꞌi ko niiꞌi mei hunikie.

Hibru 10:34

Omu sapesalu tararuru peꞌie ngaeta mo iini eemiu kire iiꞌo i nume ni hoꞌo. Na maholo mwala e too-toolea toꞌo-toꞌolamiu, omu ilenimwaꞌe mola i sulie omu saie oto uri omu toꞌo aana taane mo ola diana loꞌu liutaa na kire sai iiꞌo huu.

Haataꞌinge 3:18

Oto no ko unue nga taa e diana liutaa hunie omu kei esuie. Omu ke toliꞌaasie ne ke niie namiu mo ola e aasa hunie omu kei holiꞌi. Toliꞌaasie ne ke luhesiꞌomu mwaanie mo oorahaꞌaa iꞌomu. Urine omu ke si lio oodoie maurihe huu na omu ke si toꞌo-toꞌo toꞌohuu. Oto omu ke toolea loꞌu mwaanieu mo toꞌoni rereꞌa aana oodo-oodonga ineu, huni hoꞌosiꞌi haahie maurihaꞌamiu mwaanie omu masa aana omu iiꞌo oto mola mwaakule. Na loꞌu omu ke toolea noꞌone mwaanieu mo ei ni ulu huni huiꞌi i laona maamiu, hunie omu ke lio taataha aana a God.