Matiu 11:21 - Tataroha Diana

²¹ “!Kei aaela oto liutaa huniꞌomu mo Korasin! !Na noꞌone huniꞌomu mo Betsaeda! Mala uri mo huꞌi-huꞌite nge asuileni e lae huniꞌomu ngeena, asuileni ke lae urine hunie mo puꞌo i Taea na i Saedon, haꞌalaa mwala aana e ro huilume ngeena kire pwani oonisae oto waite. Kire karaꞌi haꞌamwai-mweiꞌara aani hoꞌosilana mo toꞌoni lalahuꞌe, na ipe aani pwasaꞌora huni haataꞌinie uri kire aaliꞌu oto mwaanie mo oorahaꞌaa ikire.

Matiu 11:21 ပူးပေါင်းရင်းမြစ်များ

Matiu 11:22

No ko unue oto huniꞌomu uri aana dinge ni leinge a God kei aamasie mo iinoni tataꞌala i Taea na i Saedon loꞌu liutaa aamiu.

Matiu 15:21

A Jisas e uure mwaanie i leune, oto ko lae hunie poꞌo ni henue karaꞌinie e ro huilume paine mo puꞌo i Taea na i Saedon.

Matiu 18:7

Aama-aamasilana mo iinoni aana walumalau ie aena aana mo ola ni haꞌatataro e hunge huni taꞌaasie hiiwalaimolinge ikire. Walu ola urine kei reu-reu tarau taane, taꞌe aama-aamasilana iini nge ko neꞌie hau ni haꞌatataro.

Matiu 26:24

Ineu a Kale Ni Iinoni ne kei mae taane oto mala mo Uusu-uusu Maaꞌi e unue. Taꞌe aama-aamasilana a mwane ngeena nge kei pweloau a Kale Ni Iinoni, aana kei lae otoi diana hunie iinoni ngeena mala uri ke suꞌuri hute.”

Tataroha Diana I Sulie A Jisas Kraes Nge A Mak E Uusue 3:8

na i Idumea, na uure mwaanie i Jerusalem, na mwaanie poꞌo hao aana wai peine i Jodan, na uure noꞌone mwaanie mo huilume mo Aapoloa Aaopa i Taea na i Saedon. Na mwala hunge kire hule i saana Jisas i sulie kire rongoa tataroha aana mo ola ko esuiꞌi.

Tataroha Diana I Sulie A Jisas Kraes Nge A Mak E Uusue 6:45

Na oto mola lau-leu noꞌone aana maholona, a Jisas e unue hunie mo pwaarongoisuli ingeie uri kire ke taꞌe i laona iiola na kire ke holaꞌi lae i naꞌo loosie aana poꞌo ni eesi poꞌo taꞌau hatarie huilume i Betsaeda. Oto ingeie maraana ko oore ue i puri huni uusungeꞌinie mwala aalihoꞌi takoie mo henue ikire.

Tataroha Diana I Sulie A Jisas Kraes Nge A Mak E Uusue 7:24

Oto a Jisas na mo pwaarongoisuli kire uure i leune, kire ko lae loꞌu weu hunie hanue ni puꞌo i Taea, na ngaeta mwala i leune kire tolakonire i nume ikire. A Jisas e sereꞌinie uri mwala aaopa ke saie ingeie i leune, taꞌe e aasa oto huni mumuni.

Tataroha Diana I Sulie A Jisas Kraes Nge A Mak E Uusue 7:31

Oto a Jisas na mo pwaarongoisuli ingeie kire uure mwaanie poꞌo ni henue i Taea, kire si lae i liu i Saedon, oto kire si lai hule aana aasi weu i Kalili hatarie poꞌo ni henue i Dekapolis.

Tataroha Diana I Sulie A Jisas Kraes Nge A Mak E Uusue 8:22

Oto maholo kire lae mai hule aana huilume i Betsaeda, ngaeta mwala kire toolea mai saana a Jisas nga mwane maana e ulu, na kire ko eitanaie uri ke hele i sapena.

Tataroha Diana I Sulie A Jisas Kraes Nge A Luk E Uusue 4:26

Taꞌe hule aana uusungeꞌinilana Elaeja e kaꞌa lae ike i saana nga taꞌa-taꞌa iini aada. Uusungeꞌinilana e lae mola huni peꞌie mei nao keni aana huilume mo puꞌo wau i Serepat aana poꞌo ni henue i Saedon.

Tataroha Diana I Sulie A Jisas Kraes Nge A Luk E Uusue 6:17

Oto a Jisas na mo hurulaꞌaa ingeie kire siho mai mwaanie uuwo, kire si lae mai uure i laona mei oote. Aana maholona nge mwala hunge aana mo iini ko lulu i sulie a Jisas kire si loko mai i saana. Mwala hunge kire loko noꞌone uure mai mwaanie i Jerusalem na mwaanie ahutana oto poꞌo ni henue i Jiudia na mwaanie mo henue i sulie hatalea i Taea na i Saedon.

Tataroha Diana I Sulie A Jisas Kraes Nge A Luk E Uusue 9:10

Maholo mo hurulaꞌaa kire ooli mei, oto kire ko haꞌarongoa Jisas aana walu ola nge kire lae peꞌi esuiꞌi. Oto e toolera kire ko lae maraada hunie huilume i Betsaeda.

Tataroha Diana I Sulie A Jisas Kraes Nge A Jon E Uusue 1:44

A Pilip ingeie mwane ni Betsaeda, huilume noꞌone a Andru na Pita.

Tataroha Diana I Sulie A Jisas Kraes Nge A Jon E Uusue 12:21

Oto kire lae i saana a Pilip, mwane aana huilume i Betsaeda hao i laona poꞌo ni henue i Kalili, na kire ko teꞌuri hunie, “Poro paine, melu ko sare leesie a Jisas.”

Palonga 12:20

Aana maholona a Herod ko tohungei saewasulie mwala aana e ro huilume i Taea na i Saedon. Oto mo rato aana e ro huilume ngeena kire ruru, kire ko si lai leesie a Herod aena aana e ro huilume ngeena ko tohungei sare holi ngeulaa ada aana poꞌo ni henue nge a Herod ko inemauri haahie. Taꞌe i naꞌona kire lae i saana Herod, kire holaꞌi lai haꞌa-olaa a Blastas, poro paine haahie nume a inemauri hunie ke peꞌire. Oto mango urine nge kire si lai haꞌarongoa a Herod uri kire ko sare ere peꞌie hunie kire kei uure ruru peꞌie.

Palonga 27:3

Oto aana dinge i puri nge melu si lai aarapuu aana huilume i Saedon. A Jiulias mone ko aamasie a Pol, oto e toliꞌaasie mola ke lai leesie mo malahune wau i leune hunie kire ke peꞌie aana taꞌena nga mei ola e saetoꞌo aana.

Jiud 1:11

!Aama-aamasilana mwala ngeena! Kei tohungei aaela oto hiitoꞌo hunire, aana kire ko lae i sulie tolahana a Kein iini nge e horoꞌie aasine. Na i tehulaꞌana mola toꞌoha, kire ko toliꞌaasire huni esuie walu ola e kaꞌa diana, mala a Belam e asuiꞌi keꞌu. Kire haukama honosie a God mala a Kora e asuie kaꞌu waite honosie a Mosis. Oto dau tekelaꞌinilada kei lae oto mala ingeie.

Haataꞌinge 11:3

Na ne kei uusungeꞌinie poi e ro mwane ineu nge kire sai haꞌawalaimoliꞌaa walaku. Kirerue kei toꞌoni aani toꞌoni aaela ni haataꞌinie uri kirerue ko saehuu, na ne kei niie nanamanga hunirerue hunie kirerue ke unu tahangaꞌinie walaku hunie sinola peꞌie e ro tangalau na e oono aawalai hei dinge ngeena.”

Haataꞌinge 6:12

Oto a Kalei Sipu ngeena e tahanie loꞌu oonona nga hui edi, na nunu peine ko tolana hite oto, na sato ko pulu-puluꞌe oto mala loilohi, na waro-waro ko nonoroꞌa oto mala apu.