Matiu 11:18 - Tataroha Diana

¹⁸ “Iꞌomu, omu urihana mola mo mwela ngeena aena aana maholo a Jon e lae mai, e oolongau na e kaꞌa inu waen ike. Oto ahutana iinoni ko unue uuri, ‘A mwane ngeena nga liꞌoa aaela nge aana.’

Matiu 11:18 ပူးပေါင်းရင်းမြစ်များ

Matiu 10:25

E malisine uri tolahana pwaarongoisuli ke urihana oto haꞌa-uusuli ingeie, na koni-konihe ke urihana oto aalaha ingeie. Ineu oto pwaune nume ikolu, na oto mala mwala ko haaraꞌinieu aana naꞌohana mo liꞌoa aaela, iꞌomu, mwala aana nume kire ke si haaraꞌi aaelasiꞌomu loꞌu liutaa.

Matiu 11:17

Maholo melu ko kanalie mo kana ni haꞌarurunge namiu, omu saꞌa ilenimwaꞌe wa omu ke mao. Na maholo melu ko kanalie mo kana ni heitolinge namiu, omu saꞌa saehuu wa omu ke ngara.

Matiu 3:4

A Jon e hoꞌo-hoꞌosie mola toꞌoni aaela kire asuie aana iihune kamel, na e hoꞌosie haahie danumana rorotoꞌoni aani teꞌe-teꞌei puluke. Na ngaulaa ingeie oto mo oru na mo ngingidue.

Matiu 9:34

Taꞌe mo Parise kire ko unue mola uuri, “!Iiei! Naꞌohana mo liꞌoa aaela ni mola e niie nanamanga ngeena hunie huni oohe aasie mo liꞌoa aaela.”

Tataroha Diana I Sulie A Jisas Kraes Nge A Mak E Uusue 3:22

Maholo kire kaꞌa hule ue, na mo haꞌa-uusuli aana mo Haꞌatolanga a Mosis nge kire lae mai uure taꞌau i Jerusalem, kire ko teꞌuri, “Aakalo paine haahie mo liꞌoa aaela, a Bielsebul, ingeie oto aana. A Bielsebul ni ko niie nanamanga hunie huni oohe aasie mo liꞌoa aaela urine.”

Tataroha Diana I Sulie A Jisas Kraes Nge A Luk E Uusue 1:15

A Jon kei neꞌie tohungei iinoni peine a God. Niilana kei lae hunie a God, na huni haataꞌinie urine aana mwala, e saꞌa roroꞌa ni inu waen ike wa nga mei wei ni mehiri. Kei honu oto aana Liꞌoa Maaꞌi uure i iiana nikana.

Tataroha Diana I Sulie A Jisas Kraes Nge A Jon E Uusue 10:20

Mo iini hunge aada ko unue uuri, “!Liꞌoa aaela nge aana! !A mwaena ko tohungei hero-hero oto! ?Aana e ue omu ko rongo hunie?”

Tataroha Diana I Sulie A Jisas Kraes Nge A Jon E Uusue 7:20

Oto mwala e loko ngeena kire ko aalamie a Jisas uuri, “!Mwae! !O ko tohungei pweu! ?Kira tei ni ko sare horoꞌiꞌo? !Saꞌa mola, liꞌoa aaela oto aamu!”

Tataroha Diana I Sulie A Jisas Kraes Nge A Jon E Uusue 8:48

Oto mo naꞌohai mwane mo Jiu ngeena, kire ko unue hunie a Jisas uuri, “!Aaii! Siꞌue, melu ere toꞌohuu oto, aana melu unue uri iꞌoe mwane aaela ni Samaria, na uri liꞌoa aaela nge aamu.”

Tataroha Diana I Sulie A Jisas Kraes Nge A Jon E Uusue 8:52

Oto mo naꞌohai mwane ngeena ko teꞌuri loꞌu hunie a Jisas, “Melu ko si lio saie uri liꞌoa aaela nge aamu toꞌohuu eena. Aana a Ebraham e mae oto, na oto ahutana mo propet kire mani mae mango. Taꞌe iꞌoe o ko si unue uri taꞌena nga iini ko lulu i sulie walamu, e saꞌa mae oto ooꞌoo.

Palonga 26:24

Maholo a Pol ko ere-ere ue, a Festas ko tea oto paine ko teꞌuri, “!Pol, o ko hero-hero ni ngeena! Aena o ko heitalea saenanaunge hiitoꞌo mwaanie mo uusu-uusu nge o ko hero-hero urine.”

1 Korinit 9:27

Oto no ko deu rarahie sapeku maraaku hunie ke lae i sulie neꞌisaenga ineu, mwaanie da maholo nou tarohaꞌinie Tataroha Diana hunie ahutana mwala, oto purihaꞌana no ko si mamaelaꞌa mola.