Matiu 10:19 - Tataroha Diana

¹⁹ Maholo kire ko tooleꞌomu i laona leinge, omu ke suꞌuri tolahiꞌe hiitoꞌo aana nga taa omu kei unue wa omu kei ere luhesie uri taa, aena aana a God kei niie taane huniꞌomu nga taa ni unue iꞌomu aana maholona.

Matiu 10:19 ပူးပေါင်းရင်းမြစ်များ

Matiu 10:18

Na tolalamiu kei lae-lae i naꞌona mo mwane paine aana mo aalahanga ni welumalau na i naꞌona mo inemauri hunie leilemiu i tehulaꞌaku. Aana maholo walu olana kei reu uurini, maholo iꞌomu otona huni unu diana aana Tataroha Diana hunire, na loꞌu hunie ahutana mo iinoni ni welumalau.

Matiu 6:25

“Aena ngeena no ko unue huniꞌomu uri, mwaanie omu lae oto i tolahiꞌe hiitoꞌo i sulie mei ngeulaa ni ngaa, na mei wei ni inu huni haꞌamaurie sapemiu. Na omu ke suꞌuri tolahiꞌe liutaa noꞌone i sulie mei ola ni toꞌoni haahie sapemiu. Aena mauringe oto e roroꞌa liutaa aana ngaulaa, na sapemiu e roroꞌa liutaa aana toꞌoni.

Matiu 6:31

Oto omu ke suꞌuri tolahiꞌe liutaa i sulie mei ngeulaa ni ngaa, wa mei wei ni inu, wa mei ola ni toꞌoni aana.

Matiu 6:34

Aena ngeena mwaanie omu lae oto i totolahiꞌe liutaa aana nga taa kei reu i hoꞌowa. Toliꞌaasie oto hunie i hoꞌowa mo neꞌisaenga aana. Aana ahutana mo dinge e mani ado oto aani aaelanga aana.”

Tataroha Diana I Sulie A Jisas Kraes Nge A Luk E Uusue 12:11

“Na iꞌomu mo iinoni ineu, maholo kire kei tooleꞌomu hunie leilemiu i laona mo nume ni palo-palo mo Jiu, wa i naꞌona mo aalaha, wa i naꞌona mo inemauri, omu ke suꞌuri tolahiꞌe i sulie omu kei uure maꞌutaꞌa uri taa, wa nga taa omu kei unue.

Tataroha Diana I Sulie A Jisas Kraes Nge A Luk E Uusue 12:12

Aana Liꞌoa Maaꞌi kei haataꞌinie taane aamiu nga taa ni unue aana maholona.”

Palonga 6:10

taꞌe Liꞌoa Maaꞌi ko peꞌie a Stivin hunie erenga ingeie ke aꞌailaꞌa liutaa aana mo mwane ngeena.

Pilipae 4:6

Omu ke suꞌuri tolahiꞌe loꞌu aana nga mei ola, taꞌe omu ke aarea mola a God. Na omu ke sukaa taꞌena nga ola omu saetoꞌo aana, peꞌi paalahelana wau i saemiu.

2 Timoti 4:17

Taꞌe a Aalaha e lae peꞌi haꞌa-uurieu na e niie nanamanga hunieu uri hunie ne ke tarohaꞌinie Tataroha Diana hunie mo Aapoloa Aaopa kire ke rongoa. Na e peꞌieu noꞌone aana maholona hunie kira lei-lei ke suꞌuri lei mae aaku.

Jemes 1:5

Taꞌe mala nga iini hikemiu ko saetoꞌo aana saenanaunge, nge ke suke aana a God. Sulie a God e mwaꞌe-mwaꞌe huni nii, na e sai niie saenanaunge huniꞌomu, na e saꞌa asuie ike omu ke hii aaela aani sukanga.