Matiu 1:18 - Tataroha Diana

¹⁸ Hutelana a Jisas Kraes e lae uurini. A Meri, nikana Jisas e haiholotaꞌi huni toꞌo aana a Josep, taꞌe i naꞌona kirerue ke si iiꞌo ruru, a Meri ko hiꞌe-hiꞌe oto aani mwela aana Liꞌoa Maaꞌi.

Matiu 1:18 ပူးပေါင်းရင်းမြစ်များ

Matiu 1:1

Ie uusu-uusu aana mo naꞌohai weuwana a Jisas Kraes uure oto mai aana pongine a Ebraham lae mai hule aana a Deved Inemauri, na hunie a Jisas Kraes.

Matiu 12:46

Maholo a Jisas ko ere-ere ue hunie mwala, na a nikana peꞌie maeni eesine mwane nge kire hute peꞌie, kire ko hule oto. Oto kire uure mola taꞌi sinaha, kire ko si dodolosi uri hunie kire ke ere peꞌie.

Matiu 2:11

Maholo kire sili i nume na kire ko leesie kele wee-wee na nikana, a Meri, oto kire ko pouruuru i naꞌona ni haꞌamaꞌunge aana. I leune kire ko tahanie mo mweꞌi ikire, na kire ko tahoa mo ola diana haliꞌite mala kol na e ro taungei dango wau-wesu nge kire haaraꞌinie frankinsens na mur, mo ola nge holiteni e paine hiitoꞌo, na kire ko niiꞌi oto hunie.

Tataroha Diana I Sulie A Jisas Kraes Nge A Luk E Uusue 1:25

“Leesie kaꞌu nga taa a Aalaha e da hunieu. Mwala ineu kire maa-masa kaꞌu i tehulaꞌaku aana nou amara, taꞌe ie a Aalaha e aamasieu na e taꞌaasie oto mei masanga ngeena mwaanieu.”

Tataroha Diana I Sulie A Jisas Kraes Nge A Luk E Uusue 2:5

A Josep e lae huni uusu sata peꞌie a Meri, keni nge e ere ruru peꞌie huni toꞌo aana. Maholona na a Meri ko hiꞌe-hiꞌe oto.

Hibru 10:5

Aena urine kaꞌu, maholo a Kraes e lae mai laona walumalau, e unue hunie a God uuri, O kaꞌa saetoꞌo aana ike uri kire ke asuie nga mo uunu-olanga i seemu wa kire ke niie mo uuraaꞌinge huniꞌo, taꞌe o niie oto mei sape nakue hunie ne ke tola i suliꞌo urine.

Hibru 7:26

Oto a Jisas ingeie oto Hahuꞌana Naꞌohai Pris e sai peꞌikie. Ingeie oto e maaꞌi, na e kaꞌa oorahaꞌaala ike, na oopalana e lae oto mwaanie mwala e oorahaꞌaa, na a God e tohungei haꞌapainaꞌaa oto liutaa aana e tahelaꞌinie oto taꞌau i Lengi.