Tataroha Diana I Sulie A Jisas Kraes Nge A Luk E Uusue 9:18 - Tataroha Diana

¹⁸ Ngaeta hai dinge a Jisas e iiꞌo mola peꞌie aarengaꞌinge, na mo pwaarongoisuli ingeie mola kire iiꞌo peꞌie. Oto ko si dolosi aada uuri, “?Haꞌalaa mwala ko unu-unue uri ineu a tei?”

Tataroha Diana I Sulie A Jisas Kraes Nge A Luk E Uusue 9:18 ပူးပေါင်းရင်းမြစ်များ

Matiu 14:23

I purine e uusungeꞌinie mwala takoie mo henue ikire, nge e si hanetaa maraana taꞌau i lengine uuwo huni aarengaꞌi. Na maholo ko rodohono oto i seulehi, na a Jisas ue maraana taꞌau i lengine uuwo.

Matiu 26:36

A Jisas na mo pwaarongoisuli ingeie kire lai hule aana leu satana i Ketsemani. Oto a Jisas ko teꞌuri hunire, “Omu ke iiꞌo kaꞌu i leu, maholo no ko lai aarengaꞌi paro i leu.”

Tataroha Diana I Sulie A Jisas Kraes Nge A Luk E Uusue 11:1

Ngaeta hai dinge a Jisas e lai iiꞌo aana ngaeta leu, oto ko aarengaꞌi. Maholo e aarengaꞌi mango oto, nge ngaeta iini aana mo pwaarongoisuli ingeie ko si teꞌuri hunie, “Aalaha ineu, o ke haꞌasaiꞌemeelu noꞌone aana tolahana aarengaꞌinge, oto mala a Jon e haꞌasaie kaꞌu mo pwaarongoisuli ingeie.”

Tataroha Diana I Sulie A Jisas Kraes Nge A Luk E Uusue 3:21

Maholo kire kaꞌa neꞌie ue a Jon i laona nume ni hoꞌo, ngaeta hai dinge e loto maaꞌi aana mwala, na e loto maaꞌi loꞌu aana a Jisas. Na aana maholo a Jisas ko aarea a God, nge i Lengi e si taha,

Tataroha Diana I Sulie A Jisas Kraes Nge A Luk E Uusue 6:12

Aana maholona a Jisas e hanetaa taꞌau i lengine ngaeta uuwo huni aarengaꞌi. E iiꞌo taꞌau i leune hai rodo laku aani aarengaꞌinge hunie a God.

Tataroha Diana I Sulie A Jisas Kraes Nge A Luk E Uusue 9:19

Oto kire ko aalamie uuri, “Ngaeta mo iini ko unu-unue uri iꞌoe a Jon Loto Maaꞌi e mauri eelihoꞌi. Na nga mo iini ko unu-unue uri iꞌoe a Propet Elaeja. Na ngaeta mo iini loꞌu ko unu-unue uri iꞌoe nga iini hikana mo propet oto i naꞌo ni e heꞌi meuri loꞌu ngeena.”

Tataroha Diana I Sulie A Jisas Kraes Nge A Luk E Uusue 9:28

Oto ola mala e walu hei dinge e mango i purine a Jisas e unue walu ola ienini, e si toolea a Pita, na a Jon, na a Jemes, na kire ko hanetaa taꞌau i lengine toloi henue huni aarea God.

Tataroha Diana I Sulie A Jisas Kraes Nge A Luk E Uusue 9:29

Na maholo ko aarea God ngeena, nge maana ko si lio aaopa, na mo toꞌoni ingeie kire ko tohungei lio wana-wana na ko raa oto mala waꞌariri.