Tataroha Diana I Sulie A Jisas Kraes Nge A Luk E Uusue 8:26 - Tataroha Diana26 A Jisas na mo pwaarongoisuli ingeie kire aatoholosie aasi uure i Kalili hunie poꞌo ni henue mo Kerasa. အခန်းကိုကြည့်ပါ။ |
Maholo a Jisas ko siho hai oone i leune mwaanie iiola, na ko oodoie oto ngaeta mwane mo liꞌoa hunge aaela aana. Mwala aana hanuena kire ko pwesue kaꞌu mo kiꞌine na mo aeꞌaena aani iieli heu, taꞌe ko mousiꞌi mola na ko tehi oto i henuesala. Ko lae tewa oto mai, na mwaena e kaꞌa sai hoꞌosie nga mei sala wa nga toꞌoni, na iiꞌolana oto tarau mola i saana mo kilipweꞌu. Oto maholo a Jisas e oodoie a mwaena, ko si ere aana mo liꞌoa aaela ngeena hunie kire ke iisitaa mwaanie. Oto a mwaena ko uulo na ko lai pouruuru oto i naꞌona Jisas peꞌie mei wala paine uuri, “!Jisas Kalena God, iini e paine liutaa! ?O kei uaau oto eena? !No ko eitanaiꞌo, uri o ke suꞌuri haꞌaloieu!”