Tataroha Diana I Sulie A Jisas Kraes Nge A Luk E Uusue 8:13 - Tataroha Diana

¹³ Na mo iini nge manatada e urihana mei mwakano hau-heue ngeena, kire rongoa walana God, na oto lau-leu kire ilenimwaꞌe haahie. Taꞌe ola mala nga ai ke uure i laona mei mwakano urine, haꞌalaa imi-imine e kaꞌa susuꞌimi ike hiitoꞌo i aano. Kire hiiwalaimoli mola haꞌawali, na aana maholo malaahongalada kei lae, oto kire ko tolana toliꞌaa mola.

Tataroha Diana I Sulie A Jisas Kraes Nge A Luk E Uusue 8:13 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Mak E Uusue 6:20

i sulie a Herod e maꞌuteꞌinie a Jon, aena aana e saie uri a Jon mwane oodotaꞌi na mwane maaꞌi. Oto a Herod e kinetaꞌinie a Jon i laona nume ni hoꞌo, na e rorongo hunie. Maholo ko rongoa walana a Jon, manatana e rodohono mola taꞌe maꞌalana e urine ko sare rongo mola hunie.

Tataroha Diana I Sulie A Jisas Kraes Nge A Luk E Uusue 8:12

Tala nge mo lite ngeena kire teke i sulie e urihana mo iini nge kire rongoa taane mo wala. Taꞌe e kaꞌa tewa na a Satan e lae mai ko taꞌaasie mwaanie manatada, hunie uri kire ke suꞌuri hiiwalaimoli na mwaanie uri haꞌa-uurilada e lae.

Tataroha Diana I Sulie A Jisas Kraes Nge A Luk E Uusue 8:14

Nga mo iini loꞌu manatada e urihana mei mwakano e honu aana walo kau-keu ngeena, kire rongoa noꞌone walana God, taꞌe kire neꞌisae painesie mola mau-meuringe aana walumalau. Kire tolahiꞌe, na kire saetoꞌo aana mola toꞌo-toꞌonga, na kire ko saehanalie taꞌena nga ola. Oto mo wala diana ngeena kire kaꞌa pwito kohi, na kire kaꞌa hungu ike loꞌu.

Tataroha Diana I Sulie A Jisas Kraes Nge A Jon E Uusue 15:2

Ingeie oto ko taꞌaasie taꞌena nga sasarai ola aaku nge e kaꞌa hungu ike aani hue-huei ola. Na aana ko lio i suli diana aana hohola ingeie, nge mo sasarai ola kire ko hungu eeni hue-huei ola diana, ingeie ko si olo aasie taꞌena nga aaelanga mwaaniꞌi hunie kire ke rereꞌa na ke hungu oto loꞌu hiitoꞌo.

Tataroha Diana I Sulie A Jisas Kraes Nge A Jon E Uusue 15:6

Aana nga iini e kaꞌa iiꞌo susu eeku, aasilana kei lae mola mala sasarai ola aaela, oto ko nunulu mola. Na mo sasarai ola urine, kire ke soꞌokoniꞌi na aasileni ke lae mola i laona dunge hunie ke waru tetehu.

Tataroha Diana I Sulie A Jisas Kraes Nge A Jon E Uusue 5:35

Aana a Jon e urihana laite ko eeso-eeso aana ko sinelie saena mwala, na omu ilenimwaꞌe haahie raa-raa aana walana mola hunie kele maholo oꞌoruꞌe.

1 Korinit 13:2

Na maꞌalana nou sai unu tahangaꞌinie walana a God, wa maꞌalana ne ke saenanau loꞌu aana taꞌena nga ola mumuni, wa maꞌalana uri hiiwalaimolinge ineu ke susu huni lidue mo toloi henue, taꞌe nou kaꞌa toꞌo aana manata-diananga, ineu iinoni mwaakule mola ni ngeena.

1 Korinit 15:2

Tataroha Diana ngeena haꞌa-uurilemiu ko lae oto aana, mala uri omu ko hele susuleꞌi oto aana mala nou laeliwala namiu aana, na omu kaꞌa neꞌisae rue-ruaꞌa loꞌu aana.

Kalesia 3:1

!Iꞌomu mo mweꞌu-mweꞌule ni Kalesia! Haꞌarongolamiu e lae haadaꞌi kaꞌu taane oto i sulie maelana a Jisas i lengine poꞌu-poꞌu. ?Oto e ue omu ko si aatopuri aana? ?Ohe nga iini e siꞌohiꞌomu hunie pwaumiu ke aaela urine?

Kalesia 3:4

Omu tohungei sapesalu oto hiitoꞌo aana mau-meuringe iꞌomu hunie a Kraes. ?Uri nga mo ola mwaakule mola ni ngeena? !Nou hiiwalaimoli uri haꞌike!

Epesas 3:17

na hunie a Kraes ke iiꞌo susu i laona manatamiu aani hiiwalaimolinge aana. No ko eitanai talamiu uri manata-diananga a Kraes huniꞌomu ke neꞌi imi-imine mauringe iꞌomu hunie omu ke uure maꞌutaꞌa.

Kolosi 1:23

Taꞌe kei toꞌohuu urine aamiu mola mala uri omu ko tohungei uure aꞌailaꞌa taraꞌasi aani hiiwalaimolinge peꞌi norutoꞌonga, na omu ke maaꞌoohi susutoꞌo mola hunie haiholotaꞌinge a God huniꞌomu nge omu rongoa oto aana Tataroha Diana. Na nou hiiwalaimoli kei toꞌohuu oto urine aamiu. Na tarohaꞌinilana taꞌa-taꞌa Tataroha Diana ngeena ko lae aana taꞌena nga leu i laona walumalau, na ineu a Pol, nou neꞌie koni-konihe aana Tataroha Diana ngeena huni lae peꞌie laeliwalanga aana.

Kolosi 2:7

Omu ke iiꞌo susu oto i lalo aana Kraes mala nga ai imi-imine e susu i aano. Na hiiwalaimolinge iꞌomu ke susu na ke aatosara loꞌu aana mo ola nge haꞌa-uusulilemiu e lae aani, na omu ke paa-paalahea God taraureꞌi suli maholo.

1 Tesalonaeka 3:5

Aena mei olana nge nou tohungei tolahiꞌe aana, na nou uusungeꞌinie oto wau a Timoti hunie ke lae oto wau i leesie hiiwalaimolinge iꞌomu e uri taa. Aana nou maarara mwaanie uri omu domu aana maholo a Pwelu Eero-eero e malaahongamiu, na urine asunge iꞌemeelu namiu e totowai mola.

1 Timoti 1:19

O ke hele susuleꞌi mola aana hiiwalaimolinge iꞌoe aana a Kraes, na o ke asuie mola tarau nga taa nge o manataꞌinie uri e oodotaꞌi. Ngaeta mwala kire ko talei deu huꞌisie mola nga taa nge manatada e unue hunire uri e oodotaꞌi, oto kire urihana mola haka e aape aana mwalo, na urine nge kire si tohungei waelie oto hiiwalaimolinge ikire.

Hibru 10:39

Taꞌe nou saie uri ikie, kie kaꞌa urihana ike mo iini nge haꞌamotaahilada kei lae aana kire duꞌe aalihoꞌi mwaanie hiiwalaimolinge. !Haꞌike! Ikie mwala kie hiiwalaimoli taraꞌasi oto, lae hule aana kie kei helesie maurihe huu.

Jemes 2:26

Oto e urine noꞌone mala sapei iinoni mwaakule na nga mangoi ola haꞌike aana, sapei ola ngeena e mae oto. E urine noꞌone loꞌu aana hiiwalaimolinge na asunge haꞌike aana. Ko urine na hiiwalaimolinge ngeena, ola e mae noꞌone mola.

2 Pita 2:20

Mala uri mwala ke sai diana aana a Jisas Kraes Aalaha ikie, haꞌalaa kire sai iiꞌo luhetaꞌi mola mwaanie mo tolahai ola aaela aana walumalau ie. Taꞌe mala uri kire kei ooli loꞌu takoie mo tolahai ola aaela ngeena, nge mauringe ikire ke si aaela oto mwaanie holaꞌinaꞌo eena.

2 Pita 2:22

Kire ko tohungei deu oto mala mei aalahuunge nge e unue uuri, Usu e moa kaꞌu, oto ko heꞌi ngeuꞌi loꞌu. Provebs 26:11 Na ngaeta mei wala e unue noꞌone uuri, “Maꞌalana kie ko loto rereꞌa kaꞌu aana poo, taꞌe kei heꞌi lae loꞌu mola i ipe aana pwii-pwii.”

1 Jon 2:19

Mwala ngeena kire kaꞌa hiiwalaimoli ike mala ikie, na ikire nga mo tohungei iinoni ikie haꞌike. Kire auꞌesu tararuru taane peꞌikie, taꞌe kire oopa oto mwaanikie. Ikire nga mwala haꞌike loꞌu aaka. Mala uri kire ke neꞌie nga mwala aaka, haꞌalaa kire iiꞌo oto peꞌikie taraꞌasi. Taꞌe aana kire oopa oto mwaanikie urine, e haataꞌinie oto uri nga taꞌa-taꞌa iini aada e kaꞌa neꞌie loꞌu iinoni a Kraes mala ikie.

Jiud 1:12

Maholo omu ko esuie mo ngeuhe iꞌomu huni haataꞌinie manata-diananga iꞌomu huniꞌomu heiliu, nge mwala ngeena kire ko ngeu-ngeu taane peꞌiꞌomu aana ngau-maaꞌinge iꞌomu ngeena. Taꞌe kire urihana mola mo usu ko hiolo. Kire saꞌa maꞌuteꞌinie ike nga iini, aana kire ko rarara oto mola hunire maraada. Kire ko heiholotaꞌinie mo ola diana, taꞌe mo wala mwaakule mola ni ngeena, aana kire urihana mola mei rorodo e aꞌate nge e kaꞌa sai niie nemo hunie hohola ke aahu. Kire urihana noꞌone mo ei nge kaꞌa sai hungu ike maꞌalana maholo huni hungunge aana halisi. Oto waꞌi-mousilana imi-imini e lae mwaanie mwakano na kire tohungei mae oto taꞌingelu.