Tataroha Diana I Sulie A Jisas Kraes Nge A Luk E Uusue 7:22 - Tataroha Diana

²² Oto a Jisas ko aalamie e ro mwane ngeena uuri, “More ke aalihoꞌi na more ke haꞌarongoa a Jon aana nga moi taa more ko leesiꞌi na more ko rongoꞌi ienini. Aana mo ulu ko lio-lio oto, mo rarasi ko lae-lae diana oto loꞌu, mo iini ko sapesalu aana maelaa ni osa kire mola oto, mo iini e pungu ko rorongo oto loꞌu, na mo iini e mae kire ko meuri eelihoꞌi oto loꞌu. Na laeliwalanga aana Tataroha Diana ko lae oto hunie mo meitale.

Tataroha Diana I Sulie A Jisas Kraes Nge A Luk E Uusue 7:22 ပူးပေါင်းရင်းမြစ်များ

Matiu 11:5

Aana mo ulu ko lio-lio oto, mo rarasi ko lae-lae diana oto loꞌu, mo iini ko sapesalu aana maelaa ni osa kire mola oto, mo iini e pungu ko rorongo oto loꞌu, na mo iini e mae kire ko meuri eelihoꞌi oto loꞌu. Na laeliwalanga aana Tataroha Diana ko lae oto hunie mo meitale.

Matiu 21:14

Oto mo ulu na mo rarasi kire lae mai saana hai Nume Maaꞌi Peine, na e haꞌa-uurire.

Tataroha Diana I Sulie A Jisas Kraes Nge A Luk E Uusue 4:18

Liꞌoa Maaꞌi a God oto peꞌieu, aena aana e lio hilisieu huni tarohaꞌinie Tataroha Diana hunie mo iinoni meitale. E uusungeꞌinieu huni tarohaꞌinie uri mo iini kire hoꞌosire i nume ni hoꞌo uri kire ke iiꞌo luhetaꞌi oto, na huni haꞌarongoa mo ulu uri kire ke lio loꞌu, Aesaea 61:1 na huni unue hunie mo iini kire iiꞌo i mamalutana mwala e sai haꞌamweꞌu-mweꞌu uri kire ke iiꞌo luhetaꞌi loꞌu, Aesaea 58:6

Tataroha Diana I Sulie A Jisas Kraes Nge A Luk E Uusue 7:21

Aana maholona noꞌone a Jisas ko haꞌa-uurie mwala hunge peꞌie mo maelaa hai aaopaꞌi. E haꞌa-uurie mo mae-maeaꞌa na mo iini hunge mo liꞌoa aaela e hite aada, na e tahanie maana mo iini hunge maada e ulu.

Tataroha Diana I Sulie A Jisas Kraes Nge A Luk E Uusue 7:23

Na more ke haꞌarongoa noꞌone a Jon uri ilenimwaꞌenga paine kei lae hunie mo iini hiiwalaimolinge ikire e susu, na kire kaꞌa neꞌisae rue-ruaꞌa aaku.”

Tataroha Diana I Sulie A Jisas Kraes Nge A Jon E Uusue 1:46

Oto a Nataniel ko dolosi aana uuri, “!Haꞌike eena! ?Uri nga mei ola diana uri taa ni kei uure mai mwaanie i Nasaret?” A Pilip ko aalamie uuri, “Lae mai na o ke leesie oto maraamu.”

Palonga 26:18

hunie o ke tahanie maada hunie kire ke leesie matapwanga na mwaanie kire iiꞌo loꞌu i laona rodohono. Na hunie kire ke lae takoie a God mwaanie nanamanga a Satan. Na maholo kire kei hiiwalaimoli eeku, a God kei saeꞌaasie mo oorahaꞌaanga ikire na kire kei iiꞌo oto peꞌie mo iini nge a God e lio hilisire.’

Palonga 8:7

Na mo iini nge mo liꞌoa aaela e iiꞌo i lalo aada, mo liꞌoa ngeena kire ko soi peine na kire ko iisitaa oto mwaanire. Na mo iini aeꞌaeda e rarasi na mo iini e toꞌu, haꞌa-uurilada e lae noꞌone.

Jemes 2:5

Omu ke rongo kaꞌu, maeni eesiku maaꞌi. A God e lio hilisie mo iini e maitale aana walumalau ie hunie kire ke toꞌo-toꞌo aana hiiwalaimolinge, na huni toꞌo aana aalahanga nge e haiholotaꞌinie hunie mo iini nge kire manata diana hunie.