Tataroha Diana I Sulie A Jisas Kraes Nge A Luk E Uusue 6:13 - Tataroha Diana

¹³ Oto e dangi hoꞌowa e soie mo iini ko lulu i sulie mai i saana, ko si lio hilisie aawalai mwane mwana rue mwaanire, na ko haaraꞌinire aana mo hurulaꞌaa.

Tataroha Diana I Sulie A Jisas Kraes Nge A Luk E Uusue 6:13 ပူးပေါင်းရင်းမြစ်များ

Matiu 10:2

Ie satana aawalai hurulaꞌaa mwana rue: Eetana a Saemon (haaraꞌinilana loꞌu a Pita), na a Andru (aasine a Saemon), na a Jemes (kalena Sebedi), na a Jon (aasine a Jemes),

Matiu 19:28

Oto a Jisas ko si unue hunire uuri, “No ko unue oto huniꞌomu uri aana walumalau haalu, maholo ineu a Kale Ni Iinoni ne kei iiꞌo i lengine naunekume ni menikuluꞌanga ineu, iꞌomu mo iini nge omu ko lulu i sulieu, omu kei iiꞌo noꞌone i lengine aawalai neunekume mwana rue huni leie aawalai komu mwana rue mo Israel.

Matiu 9:36

Oto e lae peꞌi leesie mwala na saena ko si huu peꞌi aamasilada, aana siꞌohaꞌada e paine na kire tatanga hailiu mola mala mo sipu nge nga iini huni lio i suliꞌi haꞌike.

Tataroha Diana I Sulie A Jisas Kraes Nge A Mak E Uusue 6:30

Oto mo hurulaꞌaa kire mani ooli mei saana Jisas, na kire ko haꞌarongoa aana walu ola kire asuiꞌi, na haꞌa-uusulinge kire asuie hunie mwala e lae uri taa.

Tataroha Diana I Sulie A Jisas Kraes Nge A Mak E Uusue 6:7

E soie mai aawalai pwaarongoisuli mwana rue ingeie, oto e uusungeꞌinire hailiu, toꞌo ro mwane aani henue. Na e niie nanamanga e saka hunire hunie kire ke oohe aasie ahutana mo liꞌoa aaela.

Tataroha Diana I Sulie A Jisas Kraes Nge A Luk E Uusue 11:49

Aana e urine kaꞌu, a God e ere ni saenanaunge uuri, ‘Ne kei uusungeꞌinie mai mo propet na mo hurulaꞌaa i saada. Na kire kei horo maesie nga mo iini aada, na kire kei teungeꞌinie nga mo iini.’

Tataroha Diana I Sulie A Jisas Kraes Nge A Luk E Uusue 22:30

Hunie uri omu kei ngeu na omu kei inu peꞌieu aana aalahanga ineu. Na omu kei iiꞌo i lengine mo neunekume ni aalaha huni leie aawalai komu mwana rue ni Israel.”

Tataroha Diana I Sulie A Jisas Kraes Nge A Luk E Uusue 6:14

Na satana aawalai mwane mwana rue ngeena e uuri, a Saemon nge a Jisas e heꞌi haaraꞌinie loꞌu aana a Pita, na a Andru aasine, na a Jemes, na a Jon, na a Pilip, na a Batolomiu,

Tataroha Diana I Sulie A Jisas Kraes Nge A Jon E Uusue 4:33

Oto mo pwaarongoisuli ko si dolosi heiliu aada uuri, “?Mwaanie ohe nga iini e tola ngaulaa oto mai ana?”

Palonga 1:13

Maholo kire lai hule taꞌau i Jerusalem, kire oodohie oto duru kire ko oꞌoꞌo i laona aana ruana nga sao-saohai nume. Na mo mwaena oto: a Pita, na a Jon, na a Jemes, na a Andru, na a Pilip, na a Tomas, na a Batolomiu, na a Matiu, na a Jemes kalena Alpeas, na a Saemon iini aana pulitaa nge ko sare haiseuni huni taꞌaasie aalahanga ni Rom mwaanie hanue i Israel, na a Jiudas kalena Jemes.

Epesas 2:20

Iꞌomu, omu urihana oto noꞌone nume a God ko esuie. Nume ngeena, mo hurulaꞌaa na mo propet kire neꞌi poo-poota aana, na a Jisas Kraes oto tohungana haususu aana.

Epesas 4:11

Na ingeie oto e niie mo niinge hunie soihaadaꞌinge ingeie, aana e lio hilisie nga mo iini huni neꞌi hurulaꞌaa, na nga mo iini huni neꞌi propet, na nga mo iini huni tarohaꞌinie Tataroha Diana, na nga mo iini huni lio i sulie soihaadaꞌinge, na nga mo iini huni haꞌa-uusulie mwala.

Hibru 3:1

Oto maeni eesiku maaꞌi, a God e mani soikie oto i saana taꞌau i Lengi, oto omu ke lolodosae i sulie a Jisas, iini nge kie ko meni houleꞌinie uri ingeie oto naꞌohai Hurulaꞌaa nge ko tarohaꞌinie walana God hunikie, na ingeie oto Hahuꞌana Naꞌohai Pris ikie.

2 Pita 3:2

Saeku uri omu ke aama-aamasitoꞌo aana mo wala nge mo propet maaꞌi kire unuꞌi oto wau i naꞌo, na loꞌu aana haꞌa-uusulinge iꞌemeelu mo hurulaꞌaa i sulie haꞌatolanga Aalaha ikie, a Haꞌa-uuritaka.

Haataꞌinge 12:1

Oto ngaeta tolimaa oto paine e haataꞌi loꞌu taꞌau i Lengi. Nou leesie ngaeta huꞌe e toꞌoni haahie aana rarangana sato, na waro-waro i hahana aeꞌaena, na rorodara aana aawalai ho heeꞌu mwana rue i pweune.

Haataꞌinge 18:20

Oto ngaeta mei wala e teꞌuri loꞌu, “Iꞌomu mwala taꞌau i Lengi, omu ke mani ilenimwaꞌe haahie haꞌaloinge e hule oto aana hanuena. Omu ke ilenimwaꞌe, iꞌomu mwala a Kraes, na iꞌomu mo hurulaꞌaa, na iꞌomu mo propet. Aana a God ko haꞌaletehie oto a keine haahie nga taa e dau aaelasie huniꞌomu.”

Haataꞌinge 21:14

Para ahuie hanuena asuilana e lae aana aawalai toliꞌae mwana rue aani heu, na uusulana satana aawalai hurulaꞌaa mwana rue a Kalei Sipu e lae oto aana mo heu ngeena.