Tataroha Diana I Sulie A Jisas Kraes Nge A Luk E Uusue 5:38 - Tataroha Diana

³⁸ !Haꞌike! Taꞌe neꞌi-neꞌie oto waen haalu i laona mo ateꞌa aani teꞌe-teꞌei nanikot haalu haliꞌite.

Tataroha Diana I Sulie A Jisas Kraes Nge A Luk E Uusue 5:38 ပူးပေါင်းရင်းမြစ်များ

Matiu 9:17

Na loꞌu nga iini e saꞌa dedeie ike waen haalu i laona mo ateꞌa lalahuꞌe huni neꞌi-neꞌi waen nge kire asuiꞌi aana teꞌe-teꞌena nanikot. Aena aana maholo waen haalu ngeena kei madoro, ko da mo ateꞌa lalahuꞌe ngeena ko poꞌo, oto kire sai hoka, na waen kei waetaꞌi oto na mo teꞌe-teꞌei ola ngeena kei aaela oto noꞌone. Taꞌe kire kei dedeie waen haalu i laona mo ateꞌa teꞌe-teꞌei nanikot haalu haꞌalaa kire ke si meni iiꞌo diana.”

Tataroha Diana I Sulie A Jisas Kraes Nge A Luk E Uusue 5:37

Wa uri nga iini saꞌa huie ike waen haalu i laona mo ateꞌa lalahuꞌe nge kire asuiꞌi eeni teꞌe-teꞌei nanikot. Mala kei teꞌurine, ahutana e ro mei ola ngeena kei meni aaela, aana waen haalu kei hokaꞌie mola mo teꞌe-teꞌei olana, oto waen ko si aahe aasie mola.

Tataroha Diana I Sulie A Jisas Kraes Nge A Luk E Uusue 5:39

Taꞌe omu saie mone tolahana mo iinoni. Kire kei sereꞌinie haꞌa-uusulinge haalu ineu mala mwala kaꞌa saetoꞌo aana ike waen haalu i purine inuhilana waen lalahuꞌe.”

2 Korinit 5:17

Oto iini nge e neꞌie iinoni a Kraes, nge a God ko haꞌahaalue oto iinoni ngeena hunie ke neꞌie iinoni haalu oto. Mo tolahai ola lalahuꞌe ko eiꞌaa oto mwaanie, na mo tolahai ola haalu ko lae oto mai.

Kalesia 2:4

Melu ere i sulie leune mola aena aana ngaeta mo iini kire lae kaꞌu mei i laona pulitaa iꞌemeelu mala mo wao-wao. Kire eeroꞌemeelu uri ikire mo eesimeelu i lalo aana Kraes, taꞌe haꞌike. Kire lae mola mai huni haitale mumuni mola aana tolahaka, mo iini kie lado oto peꞌie a Jisas na kie iiꞌo luhetaꞌi oto mwaanie mo Haꞌatolanga i naꞌo. Kire dau mala mo wao-wao urine aena aana kire ko sare da mola uri kie ke iiꞌo ni hoꞌo loꞌu i sulie mo Haꞌatolanga a Mosis.

1 Timoti 4:8

Aana e toꞌohuu taane mala kire unue uri e diana uri hunie kie ke haꞌa-haꞌa-aꞌailaꞌaa sapeka, taꞌe e lae oto i diana loꞌu liutaa uri hunie kie ke haꞌa-haꞌa-aꞌailaꞌaa mau-meuringe ikie aani hiiwalaimolinge. Aana hiiwalaimolinge e sai peꞌikie aana mauringe siꞌirini, na oto loꞌu aana maurihe oto huu. Iau, kei diana oto liutaa hunie mwala ke rongo hunie mo wala ngeena peꞌi tola i sulileni.

Haataꞌinge 21:5

Na iini nge e iiꞌo i lengine naunekume e teꞌuri, “Omu ke lio kaꞌu. No ko esu haalu aana walu ola.” Na e unue hunieu uuri, “O ke uusue mei ola ie, aena aana mo wala ienini kire toꞌohuu na o sai norutoꞌo oto aani.”