Tataroha Diana I Sulie A Jisas Kraes Nge A Luk E Uusue 4:23 - Tataroha Diana

²³ Oto a Jisas ko teꞌuri hunire, “Nou saie mola karaꞌinie omu kei unue mei wala ni aalahuunge ngeena hunieu uuri, ‘Mwane kure-kure, o ke haꞌa-uuriꞌo kaꞌu.’ Aana omu ko loꞌongaꞌinie mola uri, e lae otoi diana uri mo huꞌi-huꞌite nge omu rongoa nou esuiꞌi keꞌu hai Kapaneam, ne ke asuiꞌi loꞌu mei leu.

Tataroha Diana I Sulie A Jisas Kraes Nge A Luk E Uusue 4:23 ပူးပေါင်းရင်းမြစ်များ

Matiu 13:54

na ko eelihoꞌi oto hunie huilume nge e paine taꞌe aana. E haꞌa-haꞌa-uusuli i laona nume ni palo-palo, na mo iini e rongoa mo haꞌa-uusulinge ingeie, kire ko tohungei pangataꞌi oto hiitoꞌo hule aana kire ko dolosi oto uuri, “?A mwane ie e lae kaꞌu i toolea mo saenanaunge ngeena uure i tei? ?Na e toolea nanamanga huni esuie mo huꞌi-huꞌite mala kolu ko rongoꞌi aana ngeena uure i tei?

Matiu 4:13

Aana maholona a Jisas e lai liu i Nasaret, oto e lai iiꞌo aana huilume i Kapaneam karaꞌinie Aasi I Kalili aana poꞌo ni henue e ro komu ni Jiu, a Sebulun na a Naptali.

Matiu 4:23

A Jisas e lae-lae kalie ahutana mo henue aana poꞌo ni henue i Kalili, peꞌi haꞌa-uusulinge i laona mo nume ni palo-palo mo Jiu, na peꞌi tarohaꞌinilana Tataroha Diana i sulie Aalahanga a God. Na e haꞌa-uurie noꞌone ahutana mwala nge kire toꞌo aana taꞌena nga maelaa hai aaopaꞌi.

Tataroha Diana I Sulie A Jisas Kraes Nge A Mak E Uusue 6:1

Oto a Jisas e uure mwaanie i leune, e si eelihoꞌi hunie huilume nge e paine taꞌe aana, na mo pwaarongoisuli ingeie kire lae noꞌone peꞌie.

Tataroha Diana I Sulie A Jisas Kraes Nge A Luk E Uusue 2:39

A Josep na Meri kirerue haro asu mangoa mo ola i sulie haꞌatolanga a Aalaha, nge kire si ooli takoie huilume ikire i Nasaret hao i Kalili.

Tataroha Diana I Sulie A Jisas Kraes Nge A Luk E Uusue 2:51

Oto a Jisas e si eelihoꞌi peꞌirerue hunie i Nasaret, aana e tola i sulirerue. A nikana ko talei loꞌo-loꞌongaꞌi mola i sulie mo ola e rau ngeena i saena.

Tataroha Diana I Sulie A Jisas Kraes Nge A Luk E Uusue 4:16

Oto a Jisas e aalihoꞌi loꞌu i Nasaret, huilume nge e paine taꞌe aana. Oto aana Dinge Maaꞌi Mo Jiu, e lai sili weu i nume ni palo-palo ikire oto mala ko lae-lae tarau, na e uure i lengi huni saaie mo Uusu-uusu Maaꞌi.

Tataroha Diana I Sulie A Jisas Kraes Nge A Luk E Uusue 4:31

Oto a Jisas e si lae hunie huilume i Kapaneam aana poꞌo ni henue i Kalili. Na aana Dinge Maaꞌi Mo Jiu e si haꞌa-uusulie mwala.

Tataroha Diana I Sulie A Jisas Kraes Nge A Luk E Uusue 4:35

Oto a Jisas ko si ere aana liꞌoa aaela ngeena ko teꞌuri, “O ke rohu oto, na o ke lae mwaanie a mwane ngeena.” Oto liꞌoa aaela ngeena e kaꞌa waelie loꞌu a mwaena, taꞌe e si reputeꞌinie mola hai aano i matolana mwala na ko iisitaa oto mwaanie.

Tataroha Diana I Sulie A Jisas Kraes Nge A Luk E Uusue 6:42

Na e kaꞌa diana ike noꞌone uri hunie o ke unue hunie aasimu uuri, ‘Kaꞌu, ne ke taꞌaasie kele ngangaꞌai ola ngeena mwaanie maamu,’ na hule aana iꞌoe maraamu rotoi ei laku noꞌone mola e eno honosie maamu. !Nga hero-heronga kaꞌa urine ike! Mala uri o ko teꞌurine, nge o ko lupweꞌi deu-deu mola ni ngeena. Taꞌe o ke holaꞌi taꞌaasie kaꞌu rotoi ei laku ngeena mwaanie maamu hunie maamu ke manola. Oto o ke si lio susulie kele ngangaꞌai ola i maana aasimu hunie o ke kae aasie.”

Tataroha Diana I Sulie A Jisas Kraes Nge A Jon E Uusue 4:28

Oto a keine e toliꞌaasie ho ateꞌa ingeie huni wei, na ko eelihoꞌi oto taꞌau i huilume. E lai hule taꞌau, ko si unue hunie mwala uuri,

2 Korinit 5:16

Oto maholo ienini neꞌisaenga ikie i sulie mwala e hai-oolisi oto, na kie kaꞌa loꞌongaꞌi ike i sulie nga iini i sulie tolahai iinoni ni welumalau. E toꞌohuu taane uri kie lio toli keꞌu aana a Kraes i sulie tolaha ni iinoni urine holaꞌinaꞌo, taꞌe maholo ienini kie kaꞌa sai teꞌurine ike loꞌu.