Tataroha Diana I Sulie A Jisas Kraes Nge A Luk E Uusue 4:18 - Tataroha Diana

¹⁸ Liꞌoa Maaꞌi a God oto peꞌieu, aena aana e lio hilisieu huni tarohaꞌinie Tataroha Diana hunie mo iinoni meitale. E uusungeꞌinieu huni tarohaꞌinie uri mo iini kire hoꞌosire i nume ni hoꞌo uri kire ke iiꞌo luhetaꞌi oto, na huni haꞌarongoa mo ulu uri kire ke lio loꞌu, Aesaea 61:1 na huni unue hunie mo iini kire iiꞌo i mamalutana mwala e sai haꞌamweꞌu-mweꞌu uri kire ke iiꞌo luhetaꞌi loꞌu, Aesaea 58:6

Tataroha Diana I Sulie A Jisas Kraes Nge A Luk E Uusue 4:18 ပူးပေါင်းရင်းမြစ်များ

Matiu 11:5

Aana mo ulu ko lio-lio oto, mo rarasi ko lae-lae diana oto loꞌu, mo iini ko sapesalu aana maelaa ni osa kire mola oto, mo iini e pungu ko rorongo oto loꞌu, na mo iini e mae kire ko meuri eelihoꞌi oto loꞌu. Na laeliwalanga aana Tataroha Diana ko lae oto hunie mo meitale.

Matiu 12:18

Koni-konihe ineu ni oto ie, iini nou lio hilisie, na iini nou manata diana hunie, na iini nou tohungei ilenimwaꞌe haahie. Ne kei niie nanamanga ni Liꞌoa ineu hunie, na ingeie ke si haataꞌinie hunie ahutana mwala uri leinge a God ni e oodotaꞌi.

Matiu 12:20

Taꞌe kei maneko peꞌie mo iini kire mamaelaꞌa, na kei toli rako peꞌie mo iini kire saꞌa peꞌire ike maraada. Kei esu susuleꞌi lai hule aana oodo-oodonga kei tola hehesie aaelanga.

Matiu 5:3

“Deidehie mo iini nge kire saie uri kire saetoꞌo aana a God, aena aana Aalahanga a God oto toꞌolada.

Tataroha Diana I Sulie A Jisas Kraes Nge A Luk E Uusue 4:17

Oto kire ko niie uusu-uusu hio-hio a Propet Aesaea hunie, na ko tahanie oto aana leu nge e uusue uuri,

Tataroha Diana I Sulie A Jisas Kraes Nge A Luk E Uusue 6:20

Na a Jisas e toꞌo-toꞌomaaie mo pwaarongoisuli ingeie, ko si unue hunire uuri, “Deidehiꞌomu mo iini nge omu meitale, aena aana Aalahanga a God oto toꞌolamiu.

Tataroha Diana I Sulie A Jisas Kraes Nge A Luk E Uusue 7:22

Oto a Jisas ko aalamie e ro mwane ngeena uuri, “More ke aalihoꞌi na more ke haꞌarongoa a Jon aana nga moi taa more ko leesiꞌi na more ko rongoꞌi ienini. Aana mo ulu ko lio-lio oto, mo rarasi ko lae-lae diana oto loꞌu, mo iini ko sapesalu aana maelaa ni osa kire mola oto, mo iini e pungu ko rorongo oto loꞌu, na mo iini e mae kire ko meuri eelihoꞌi oto loꞌu. Na laeliwalanga aana Tataroha Diana ko lae oto hunie mo meitale.

Tataroha Diana I Sulie A Jisas Kraes Nge A Jon E Uusue 1:41

Oto a Andru ko tolana loꞌohie oto aasine, a Saemon, na ko haꞌarongoa oto uuri, “Mere lio oodoie oto a Mesaea.” (Mei wala “Mesaea” ngeena, ngaeta mei wala aana erenga mo Jiu, loꞌongaꞌinge aana uri “Kraes,” iini nge a God e haiholotaꞌi ni uusungeꞌinie mai huni haꞌa-uurie walumalau.)

Tataroha Diana I Sulie A Jisas Kraes Nge A Jon E Uusue 12:46

Ineu nou lae mai mala raa-raa i laona walumalau, hunie uri taꞌena nga iini ko hiiwalaimoli eeku, ke suꞌuri iiꞌo i laona rodohono.

Tataroha Diana I Sulie A Jisas Kraes Nge A Jon E Uusue 3:34

Aana iini nge a God e uusungeꞌinie mai uure taꞌau i Lengi ngeena ko unu-unue walana God oto tarau, aena aana a God e nii taꞌingelu aana Liꞌoa Maaꞌi ingeie oto hunie.

Palonga 10:38

Na omu saie oto uri a God e lio hilisie a Jisas ni Nasaret na e da e toꞌo aana Liꞌoa Maaꞌi na nanamanga. Oto aena aana a God e iiꞌo susu peꞌie, a Jisas e lae-lae hailiu aana taꞌena nga leu, na e asuie mo ola diana, na e haꞌa-uurie mo iini nge kire iiꞌo i hahana nanamanga a Satan.

Palonga 26:18

hunie o ke tahanie maada hunie kire ke leesie matapwanga na mwaanie kire iiꞌo loꞌu i laona rodohono. Na hunie kire ke lae takoie a God mwaanie nanamanga a Satan. Na maholo kire kei hiiwalaimoli eeku, a God kei saeꞌaasie mo oorahaꞌaanga ikire na kire kei iiꞌo oto peꞌie mo iini nge a God e lio hilisire.’

Palonga 4:26

Mo inemauri aana walumalau ienini kire ko deu aakau huni heiseuni. Na mo naꞌohai mwane aana walumalau kire ruru huni seunie a Iawe na a Haꞌa-uuri nge e lio-hilisie. Sam 2:1-2

Palonga 4:27

Na e toꞌohuu oto, aana a Herod Antipas peꞌie mo Israel, na a Pontias Paelat peꞌie mo Aapoloa Aaopa kire mani esu loko-loko huni horoꞌie a Jisas, koni-konihe maaꞌi iꞌoe nge o lio hilisie oto waite hunie ke neꞌie a Kraes.

Kolosi 1:13

Aana e haꞌa-uurikie mwaanie nanamanga aana rodohono, na e toolekie i laona Aalahanga a Kalena, iini e tohungei manata diana hunie.

Jemes 2:5

Omu ke rongo kaꞌu, maeni eesiku maaꞌi. A God e lio hilisie mo iini e maitale aana walumalau ie hunie kire ke toꞌo-toꞌo aana hiiwalaimolinge, na huni toꞌo aana aalahanga nge e haiholotaꞌinie hunie mo iini nge kire manata diana hunie.

1 Pita 2:9

Taꞌe iꞌomu oto, a God e lio hilisiꞌomu nana. Iꞌomu oto mo pris a Inemauri, na iꞌomu oto mwala maaꞌi ingeie. Iꞌomu oto mo tohungei iinoni a God maraana, nge e lio hilisiꞌomu huni tarohaꞌinie tolahai esunge diana ingeie. Aana a God oto e soiꞌomu mei mwaanie rodohono na omu lai sili i laona raa-raa ingeie e manikuluꞌe.