Tataroha Diana I Sulie A Jisas Kraes Nge A Luk E Uusue 24:44 - Tataroha Diana

⁴⁴ Oto ko teꞌuri hunire, “Mei ola nge e rau eeku ngeena, nou unu mangoa oto oodoiꞌomu maholo nge nou oꞌoꞌo ue peꞌiꞌomu. Aana nou unue uri ahutana walu ola uusuleni e lae i sulieu i laona Haꞌatolanga a Mosis na aana mo Uusu-uusu Maaꞌi mo propet na aana Puke ni Kana, kire kei saronai oa mango.”

Tataroha Diana I Sulie A Jisas Kraes Nge A Luk E Uusue 24:44 ပူးပေါင်းရင်းမြစ်များ

Matiu 1:22

Mo ola ienini ko reu huni haꞌa-oaie nga taa a God e unue aana propet uuri,

Matiu 16:21

Uure aana maholona nge a Jisas e si talaꞌai unu diana aana hunie mo pwaarongoisuli ingeie uuri, “E malisine uri ne ke tohungei lae oto hunie i Jerusalem. I leune mo rato ni mwane aana mo Jiu na mo naꞌohai pris na mo haꞌa-uusuli aana mo Haꞌatolanga a Mosis, kire kei haꞌasapesaluꞌaau aana mo ola hunge, na kire kei horo maesieu. Taꞌe aana oolune nga hai dinge ne kei taꞌelaꞌi loꞌu mwaanie maenga.”

Matiu 26:54

Taꞌe nga taa ko reu ienini ko reu oto huni haꞌa-oaie mei ola nge mo Uusu-uusu Maaꞌi e unue uri kei reu oto urine.”

Matiu 26:56

Taꞌe ahutana mo ola ienini ko reu oto huni haꞌa-oaie nga taa mo propet e uusue i laona mo Uusu-uusu Maaꞌi.” Oto ahutana mo pwaarongoisuli kire si toliꞌaasie a Jisas, na kire ko meni tehi oto mwaanie.

Tataroha Diana I Sulie A Jisas Kraes Nge A Mak E Uusue 9:31

aena aana ko haꞌa-uusulie mo pwaarongoisuli ingeie, na ko teꞌuri hunire, “Pwelolaku a Kale Ni Iinoni kei lae i nimana mo iinoni hunie kire ke horo maesieu, taꞌe i purine e oolu hei dinge ne kei taꞌelaꞌi loꞌu hunie mauringe.”

Tataroha Diana I Sulie A Jisas Kraes Nge A Luk E Uusue 21:22

Aena aana mo dinge ni haꞌaloinge a God ni otona, huni haꞌa-oaie mo ola uusuleni e lae oto i laona mo Uusu-uusu Maaꞌi.

Tataroha Diana I Sulie A Jisas Kraes Nge A Luk E Uusue 22:37

Aana no ko unue oto huniꞌomu uri nga taa nge mo Uusu-uusu Maaꞌi e unue kei oa oto hunieu, aana e unue uuri, Mwala ko ere takalo uri ingeie ngaeta iinoni oorahaꞌaa mola. Aesaea 53:12 Ahutana mo ola uusuleni e lae i sulieu, kire ko reu oto.”

Tataroha Diana I Sulie A Jisas Kraes Nge A Luk E Uusue 24:46

Na ko teꞌuri hunire, “Uusulana e lae oto uurini. A Kraes kei saronai sapesalu na kei saronai taꞌelaꞌi loꞌu mwaanie maenga aana oolune nga hai dinge.

Tataroha Diana I Sulie A Jisas Kraes Nge A Luk E Uusue 9:22

Oto a Jisas ko heꞌi unue loꞌu uuri, “Leu oto i sapeku uri hunie ineu a Kale Ni Iinoni, ne ke sapesalu oto hiitoꞌo. Aana mo naꞌohai pris na mo haꞌa-uusuli aana mo Haꞌatolanga a Mosis na ngaeta mo rato loꞌu, kire kei leledieu. Oto kire kei horo maesieu, taꞌe aana oolune nga hai dinge ne kei taꞌelaꞌi eelihoꞌi loꞌu mola mwaanie maenga.”

Tataroha Diana I Sulie A Jisas Kraes Nge A Luk E Uusue 9:44

“Mwaanie omu pupulongosie nga taa nge no ko unue huniꞌomu ienini. Ineu a Kale Ni Iinoni, pwelolaku kei lae i laona nimana mo iinoni.”

Tataroha Diana I Sulie A Jisas Kraes Nge A Jon E Uusue 3:14

“Oto i naꞌo maholo mo mwaa ala-ala oto hunge kire ko alaie mo Israel i laona hanuesala, a God e unue hunie a Mosis ke asuie mwaa aana bras hunie ke taꞌea i lengi peꞌie hai ei. Oto taꞌena nga iini ko lio takoie, nge haꞌa-uurilana ko lae oto. Nge e urine noꞌone aana ineu a Kale Ni Iinoni, kire kei taꞌeau i lengi peꞌie hai ei,

Tataroha Diana I Sulie A Jisas Kraes Nge A Jon E Uusue 5:39

“Omu ko tohungei heitale susulie mo Uusu-uusu Maaꞌi aena aana omu loꞌongaꞌinie uri i laona mo Uusu-uusu Maaꞌi ngeena ni omu kei lio oodoie maurihe huu. Na mo Uusu-uusu ngeena kaꞌu mola kire ere i sulieu.

Tataroha Diana I Sulie A Jisas Kraes Nge A Jon E Uusue 5:46

Mala uri omu ko hiiwalaimoli toꞌohuu aana a Mosis, haꞌalaa omu hiiwalaimoli noꞌone aaku, aena aana ingeie kaꞌu e uusu-uusu i sulieu.

Palonga 13:33

e asuie oto hunie ke oa oto hunikie, aana ikie oto mo kaleda. E asuie haiholotaꞌinge ngeena aana maholo e taꞌea a Jisas mwaanie maenga. Ruana nga Kana Maaꞌi e ere i sulie leune aana e ere uuri, Iꞌoe oto kaleku, na aehota siꞌiri no ko haataꞌinie uri ineu oto aamamu. Sam 2:7

Palonga 13:40

Oto omu ke kinetaꞌiniꞌomu mwaanie mei ola nge mo propet kire lae-laengaꞌinie e oa mola aamiu, nge e teꞌuri,

Palonga 2:27

aena aana o saꞌa toliꞌaasie ike maurihaꞌaku aana leu mwala kire mae oto, na o saꞌa toliꞌaasie ike Iini Maaꞌi iꞌoe hunie ke kasu i laona kilipweꞌu.

Palonga 3:18

Taꞌe a God e unue oto wau i naꞌo aana mo propet uri Kraes, Haꞌa-uuri nge e haiholotaꞌinie kei lae mai, kei sapesalu oto urine. Na a God e haꞌa-oaie leune oto urine.

Palonga 7:37

Na a Mosis maraana nge e teꞌuri hunie mwala ni Israel, A God kei lio hilisie nga iini eemiu hunie kei neꞌi propet mala ineu. Diutronomi 18:15

Hibru 10:1

Mo Haꞌatolanga a Mosis ngeena nunune mola mo ola diana ko lae-lae ue mai. Nunui ola ngeena nga mei tohungei ola toꞌohuu haꞌike, aana e kaꞌa sai haꞌa-oodohie ike mwala nge kire ko lae-lae mai peꞌie taꞌa-taꞌa taungei uunu-olanga nge kire ko ooni aana uuraaꞌinge i saana God i suli helisi.

Hibru 3:5

A Mosis ingeie nga mwane diana a God taane, aana e tohungei esu mala koni-konihe diana hunie uluhe aana nume a God, na e ere lalai i sulie mo ola nge a God kei haro ere i suliꞌi loꞌu aana nga maholo.

Hibru 7:1

A Melkisedek ienini ingeie inemauri aana huilume i Salem oto i naꞌo, na e neꞌi pris noꞌone a God, iini e paine liutaa. Loꞌongaꞌinge aana satana Melkisedek e uuri, “Inemauri aani oodotaꞌinge,” na kire haaraꞌinie noꞌone uuri, “Inemauri aani henuelamanga,” aena aana loꞌongaꞌinge aana Salem ni ngeena. Kie kaꞌa saie ike uri a tei ni aamana na nikana Melkisedek, na uri kira tei mo weuwana oto i naꞌo. Na kie kaꞌa saie ike uri maholo uri taa ni e hute, na maholo uri taa e mae. Aena urinena ingeie e urihana Kalena God nge e iiꞌo huu oto mola mala nga pris. Aamasitoꞌo kaꞌu aana maholo a Ebraham e lae-lae aana oohotaa oto i naꞌo honosie e hai inemauri peꞌie mo ramo ikire. Oto a Ebraham e horoꞌie mo maelonga ingeie ngeena, na maholo ko eelihoꞌi oto mai mwaanie oohotaa, a Melkisedek e oodoie i sulie tala na e haꞌadianaꞌaa. Na a Ebraham e niie tangahuluꞌana nga mei ola aana walu ola e tooleꞌi mwaanie oohotaa nana.

Hibru 9:8

Oto aana mo oalaꞌinge ngeena, nge a Liꞌoa Maaꞌi e haataꞌi diana aana oto uri tala takoie tohungei leu maaꞌi a God, e kaꞌa taha ike hunie ahutana mwala maholo nume maaꞌi susulu lalahuꞌe ngeena na taungei uunu-olanga kire asuiꞌi e iiꞌo mola ue.

1 Pita 1:11

Liꞌoa a Kraes e iiꞌo i lalo aada, na e lae peꞌi unu tahangaꞌinie oto oodoire uri a Kraes kei holaꞌi sapesalu keꞌu hiitoꞌo, na oto loꞌu i puri, ke si hele aana manikuluꞌanga ingeie. Taꞌe mo propet kire kaꞌa tohungei saie ike walu ola ngeena kei reu uri taa, na kire dau-deu aahonga ni heitale i sulie uri maholo uri taa ni mei olana kei reu, na hunie a tei.

Haataꞌinge 19:10

Oto nou si pouruuru hai sulie aeꞌaena ensel, na no ko haꞌapainaꞌaa oto. Taꞌe e teꞌuri mola hunieu, “O ke suꞌuri haꞌapainaꞌaau, taꞌe o ke haꞌapainaꞌaa mola a God. Aena aana ineu ngaeta koni-konihe mola mala iꞌoe na mo eesimu nge kire helesie oto walaimolinge i sulie a Jisas. Aana walu ola nou haataꞌiniꞌi ie na ahutana walana mo propet ko lae hunie mwala ke saie walaimolinge i sulie a Jisas.”