Tataroha Diana I Sulie A Jisas Kraes Nge A Luk E Uusue 22:43 - Tataroha Diana

⁴³ Oto ensel uure i Lengi ko haataꞌi aana a Jisas, na ko ere haꞌasusue saena.

Tataroha Diana I Sulie A Jisas Kraes Nge A Luk E Uusue 22:43 ပူးပေါင်းရင်းမြစ်များ

Matiu 26:53

Iꞌoe, o saie kaꞌu oto uri mala ne kei sukaa nga mei peꞌinge mwaanie Aamaku, nge e sai uusungeꞌinie mola mai lau-leu mo sinolai ensel huni peꞌieu.

Matiu 4:11

Oto aana maholona a Satan e lae mwaanie a Jisas, na mo ensel ko si lae oto mai saana huni peꞌie.

Matiu 4:6

ko si teꞌuri loꞌu hunie, “Mala o ko neꞌie Kalena God toꞌohuu, o ke toliꞌaasiꞌo uure i lengi i leu hunie o ke teke hao i aano. Aana mo Uusu-uusu Maaꞌi e unue uuri, A God kei uusungeꞌinie mo ensel ingeie hunie kire ke talaꞌahuaꞌo aana nimada, mwaanie aeꞌaemu e hite aana nga ho heu.” Sam 91:11-12

Tataroha Diana I Sulie A Jisas Kraes Nge A Luk E Uusue 22:32

Taꞌe ineu, no ko aarengaꞌi taane talamu Saemon hunie uri hiiwalaimolinge iꞌoe ke susu. Oto maholo o ko eeliꞌu mei takoieu, o ke si haꞌasusue mo eesimu hunie kire ke aꞌailaꞌa noꞌone.”

Palonga 14:22

Na kirerue ko ere-ere peꞌie mo pwaarongoisuli haalu a Jisas aana mo henuena huni ere haꞌasusure hunie hiiwalaimolinge ikire ke susu. Na kirerue ko ere uuri hunire. “Omu ke hiiwalaimoli tarau mola aana a Jisas, aena aana mo maholo hunge kolu kei lae oodoie aasanga purihaꞌana kolu ke si hule aana Aalahanga a God.”

Palonga 18:23

E haro iiꞌo tewa i Antiok nge e si lae loꞌu mwaanie i leune, na ko lai liuhie oto mo henue i laona e ro poꞌo ni henue i Kalesia na i Frijia ni ere haꞌasusue saeda, hunie hiiwalaimolinge ikire aana Jisas ke aꞌailaꞌa loꞌu.

1 Timoti 3:16

Kie ko unu haꞌa-oaie uri mo haꞌa-uusulinge nge a God e haataꞌiniꞌi oto aaka kire toꞌohuu taꞌingelu, na kie ko kana i sulie walaimolinge ngeena uuri. Nou hiiwalaimoli aana iini nge e neꞌi iinoni, e haataꞌi hunikie, a Liꞌoa Maaꞌi e haataꞌinie uri e oodotaꞌi. Mo ensel kire leesie, houleꞌinilana e lae hunie mo Aapoloa Aaopa. Ahutana walumalau e hiiwalaimoli aana, tahelaꞌinilana e lae oto taꞌau i Lengi.

Hibru 1:14

Oto kie saie mola uri mo ensel, ikire mo liꞌoa mola huni esu nana God, na a God e sai uusungeꞌinire mai huni peꞌie mo iinoni nge haꞌa-uurilada ko lae hunie kire kei helesie maurihe huu.

Hibru 1:6

Na maholo a God e uusungeꞌinie Hahuꞌana Mwela Mouteꞌi ingeie mai i laona walumalau, oto e unue hunie ahutana mo ensel ingeie uri kire ke mani palo-paloa oto. Sam 97:7

Hibru 2:17

Aena urinena, e tohungei roroꞌa hunie maraana, hunie ke sada peꞌikie mo eesine aana taꞌena nga ola, hunie uri ke hai-hei aamasi toꞌohuu hunikie maholo ko esu nana a God mala Hahuꞌana Naꞌohai Pris ikie, aana asunge ingeie oto hunie ke haꞌa-oodohie mo oorahaꞌaanga mo iinoni hunie a God ke saeꞌaasiꞌi.