Tataroha Diana I Sulie A Jisas Kraes Nge A Luk E Uusue 22:41 - Tataroha Diana

⁴¹ Oto e kele lae mola taꞌau mwaanire, e pouruuru i aano ko si aarengaꞌi,

Tataroha Diana I Sulie A Jisas Kraes Nge A Luk E Uusue 22:41 ပူးပေါင်းရင်းမြစ်များ

Matiu 26:39

Oto a Jisas e kele lae taꞌau mwaaniraelu, ko si pouruuru i aano haahie maana na ko aarea God, ko unue uuri, “Mamaꞌa, iiola o niie mai hunie ne ke hotelaꞌinie ko aasaieu oto. Mala ko mwadaꞌu, saeku o ke oolisie aana nga iini mwa-mwate. Taꞌe neꞌewau oto, o ke dau mola i sulie nga taa o saetoꞌo aana, na o ke suꞌuri deu i sulie nga taa nou saetoꞌo aana.”

Tataroha Diana I Sulie A Jisas Kraes Nge A Mak E Uusue 14:35

Oto a Jisas ko kele lae loꞌu taꞌau mwaanire, na ko lae pouruuru i aano haahie maana, na ko aehota aarengaꞌi uri mala ko mwadaꞌu sapesalunge ngeena ke suꞌuri hite aana.

Tataroha Diana I Sulie A Jisas Kraes Nge A Luk E Uusue 18:11

Oto Parise ngeena e uure wau maraana mwaanie mwane susulu toꞌoha, ko si aarengaꞌi i sulie maraana, na ko teꞌuri, ‘God, no ko paalaheꞌo aana nou kaꞌa aaela ike mala ngaeta mwala. Nou kaꞌa urihana ike mwala nge kire sai peli, kire sai leu-leu ola, na kire ko mei-mesi. No ko paalaheꞌo aana nou kaꞌa urihana ike mwane susulu toꞌoha waune.

Tataroha Diana I Sulie A Jisas Kraes Nge A Luk E Uusue 18:13

“Taꞌe mwane susulu toꞌoha ngeena, e uure mola mai haꞌatau, hule aana e kaꞌa sare lio loꞌu i lengi. Ko kukumu mola i mamangona aani saehuunge, na ko unue uuri, ‘God, o ke aamasieu, ineu iinoni ni oorahaꞌaa.’ ”

Palonga 20:36

A Pol e ere urine mango, kire si meni pouruuru na kire ko aarengaꞌi oto.

Palonga 21:5

Oto purine e hiu hei dinge e mango, nge melu si lae loꞌu. Ahutada maꞌalana mo huꞌe na mo mwela kire mani lai toliꞌaasiꞌemeelu oto hai oone. Oto melu meni pouruuru i laona oone, melu ko si aarengaꞌi.

Palonga 7:60

Oto e pouruuru hai aano ko si soi peine, ko teꞌuri, “Aalaha, o ke suꞌuri suꞌue loꞌu mei oorahaꞌaanga ienini hunire.” E ere urine mola, na ko mae oto.

Palonga 9:40

Oto a Pita e si unue ahutana mwala ke lae kaꞌu i sinaha, oto e pouruuru ko si aarengaꞌi. E saro wau takoie huꞌe nge e mae ngeena, ko soie satana na ko teꞌuri, “!Tabita, o ke taꞌelaꞌi!” Oto a huꞌena e lakataꞌinie maana na maholo e leesie a Pita, e si taꞌelaꞌi.

Hibru 5:7

A God e toꞌo aana nanamanga paine adona ke haꞌa-uurie a Jisas mwaanie maenga, na maholo a Jisas e iiꞌo ue mai laona walumalau, e ngarasie a God aani aarengaꞌinge uri a God ke peꞌie. Oto a God e rongoa aarengaꞌinge ingeie, aena aana e haꞌamaꞌu aana a God na e tola i sulie walana.