Tataroha Diana I Sulie A Jisas Kraes Nge A Luk E Uusue 19:47 - Tataroha Diana

⁴⁷ Oto i suli hei dinge a Jisas e haꞌa-haꞌa-uusuli i laona Nume Maaꞌi Peine. Oto mo naꞌohai pris, na mo haꞌa-uusuli aana mo Haꞌatolanga a Mosis, na mo naꞌohai mwane aana mo Jiu, kire eriꞌapasie uri kire ke horo maesie.

Tataroha Diana I Sulie A Jisas Kraes Nge A Luk E Uusue 19:47 ပူးပေါင်းရင်းမြစ်များ

Matiu 21:23

A Jisas e aalihoꞌi loꞌu mei i laona Nume Maaꞌi Peine, na maholo ko haꞌa-uusuli, mo naꞌohai pris na mo rato ni mwane kire lae mai saana. Oto kire ko dolosi aana uuri, “?Nga nanamanga uri taa ni o toꞌo aana huni esuie walu ola o ko deuꞌi ngeena? ?Na a tei ni e niie nanamanga ngeena huniꞌo?”

Matiu 26:55

Oto aana maholona, a Jisas e ere hunie mo ramo uuri, “?Uri omu unue ineu nga horopeli nge omu ko lae mai honosieu peꞌi naihi na peꞌi diꞌe urine? Ahutana dinge kaꞌu no ko talei oꞌoꞌo mola peꞌi haꞌa-uusulinge taꞌau i laona Nume Maaꞌi Peine. ?Aana e ue kaꞌu omu kaꞌa tapolieu oto aana maholona?

Tataroha Diana I Sulie A Jisas Kraes Nge A Mak E Uusue 11:18

Oto mo naꞌohai pris na mo haꞌa-uusuli aana mo Haꞌatolanga a Mosis kire rongo urine, kire ko aehota loꞌongaꞌi oto i sulie nga tala uuri taa kire kei horo maesie a Jisas aana. Taꞌe kire ko meꞌuteꞌinie, aena aana ahutana mwala ko tohungei pangataꞌinie haꞌa-uusulinge ingeie.

Tataroha Diana I Sulie A Jisas Kraes Nge A Mak E Uusue 12:12

Oto mo naꞌohai mwane aana mo Jiu kire ko sare tapolie mola a Jisas, aana kire rongo saie mola uri aalahuunge a Jisas aana mo mwane aaela ngeena ko ere mola i sulire. Taꞌe kire maꞌuteꞌinie mola mwala e hunge, oto kire toliꞌaasie, kire si lae mola mwaanie.

Tataroha Diana I Sulie A Jisas Kraes Nge A Mak E Uusue 14:1

Oto Houlaa Ni Liumwaanie e karaꞌini oto. (Houlaa ngeena kire haaraꞌinie noꞌone uri Houlaa Ni Bred Iis Haꞌike Aana.) Oto e ro hai dinge mola i naꞌona houlaa ngeena, na mo naꞌohai pris na mo haꞌa-uusuli aana mo Haꞌatolanga a Mosis kire mani loko, oto kire ko heitalea nga tala mumuni huni pweloa a Jisas huni horo maesie.

Tataroha Diana I Sulie A Jisas Kraes Nge A Mak E Uusue 14:49

Ahutana dinge kaꞌu no ko talei oꞌoꞌo mola peꞌi haꞌa-uusulinge taꞌau i laona Nume Maaꞌi Peine. ?Aana e ue kaꞌu omu kaꞌa tapolieu oto aana maholona? Taꞌe ahutana mo ola ienini ko reu oto huni haꞌa-oaie nga taa mo propet e uusue i laona mo Uusu-uusu Maaꞌi.”

Tataroha Diana I Sulie A Jisas Kraes Nge A Luk E Uusue 19:48

Taꞌe kire kaꞌa lio oodoie ike nga tala huni horoꞌie, aena aana ahutana mwala kire mani oꞌoꞌo mola peꞌie i suli maholo, aana kire sereꞌi liue nga taꞌa-taꞌa mei wala aana mo haꞌa-uusulinge ingeie.

Tataroha Diana I Sulie A Jisas Kraes Nge A Luk E Uusue 20:19

Oto mo haꞌa-uusuli aana mo Haꞌatolanga a Mosis na mo naꞌohai pris kire rongo saie uri aalahuunge a Jisas aana mo mwane aaela ngeena ko ere mola i sulire. Kire ko si sare tapolie oto aana maholona, taꞌe kire ko meꞌuteꞌinie noꞌone mwala.

Tataroha Diana I Sulie A Jisas Kraes Nge A Jon E Uusue 10:39

Oto kire ko eriꞌapasie loꞌu kire ke tapolie, taꞌe e liu mola i matolada, e si lae mwaanire.

Tataroha Diana I Sulie A Jisas Kraes Nge A Jon E Uusue 18:20

A Jisas e aalamie, oto ko teꞌuri, “Nou talei ere-ere haadaꞌi keꞌu hunie ahutana walumalau. Nou haꞌa-haꞌa-uusuli keꞌu i laona mo nume ni palo-palo na i laona Nume Maaꞌi Peine, mo leu ahutana mo Jiu ko loo-loko aani. Nou kaꞌa ere-ere mumuni ike aana nga mei ola.

Tataroha Diana I Sulie A Jisas Kraes Nge A Jon E Uusue 7:19

A Mosis e niie kaꞌu oto mo Haꞌatolanga huniꞌomu, taꞌe nga taꞌa-taꞌa iini eemiu e kaꞌa lulu i suliꞌi ike. ?Oto e ue kaꞌu omu ko si eriꞌapasie uri omu ke horo maesieu?”

Tataroha Diana I Sulie A Jisas Kraes Nge A Jon E Uusue 7:44

Nga mo iini aada ko sare tapolie oto a Jisas, taꞌe nga iini kaꞌa tari mwadaꞌu ike aana.