Tataroha Diana I Sulie A Jisas Kraes Nge A Luk E Uusue 18:12 - Tataroha Diana

¹² No ko oolongau haꞌarue suli wiki, na no ko nii-niie tangahuluꞌana tari-olanga ineu huniꞌo.’

Tataroha Diana I Sulie A Jisas Kraes Nge A Luk E Uusue 18:12 ပူးပေါင်းရင်းမြစ်များ

Matiu 5:20

Oto no ko unue huniꞌomu uri mala oodotaꞌinge iꞌomu e kaꞌa paine liutaa aana oodo-oodonga mo Parise na mo haꞌa-uusuli aana mo Haꞌatolanga a Mosis, omu saꞌa roroꞌa ni adona ike silinge i laona Aalahanga a God.”

Matiu 6:1

Oto a Jisas ko heꞌi teꞌuri loꞌu, “Omu ke lio talamiu, mwaanie omu deu-deu haadaꞌi aana nga moi taa diana aana oodo-oodonga iꞌomu i maana mwala uri hunie kire ke leesiꞌi mola. Aena aana omu kei teꞌurine, omu saꞌa roroꞌa hele aana ike nga waaite mwaanie Aamamiu i Lengi.

Matiu 6:16

Oto a Jisas ko heꞌi teꞌuri loꞌu, “Maholo omu ko oolongau, mwaanie omu nunuku dara mala mo iini ko lupweꞌi deu-deu. Aana kire ko lupweꞌi lio rahitou mola hunie mwala ke leesie uri kire ko oolongau. Taꞌe ineu no ko unue huniꞌomu uri mo iini nge kire ko teꞌurine, kire hele mangoa oto waaitada.

Matiu 6:5

Na a Jisas e heꞌi teꞌuri loꞌu, “Maholo omu ko aarengaꞌi omu ke suꞌuri deu mala mo iini ko lupweꞌi deu-deu, nge saeda uri kire ke uure i laona mo nume ni palo-palo, na aani maai tala rue uri hunie mwala ke leesie kire ko aarengaꞌi. Ineu no ko unue huniꞌomu uri mo iini urine, kire hele mangoa oto waaitada.

Matiu 9:14

Oto mo pwaarongoisuli a John Loto Maaꞌi kire lae mai saana a Jisas na kire ko dolosi aana uuri, “?E ue kaꞌu nge iꞌemeelu na mo Parise, melu ko oolo-oolongau tarau, taꞌe mo pwaarongoisuli iꞌoe nge kire kaꞌa sai oolongau?”

Tataroha Diana I Sulie A Jisas Kraes Nge A Luk E Uusue 11:42

!Aama-aamasilemiu mo Parise! Aana omu sai niie tangahuluꞌana tari-olanga iꞌomu hunie a God, na hule aana omu ko niie noꞌone tangahuluꞌana mo kele takai ei mwei-mwei uure mwaanie mo hohola iꞌomu. Taꞌe hunie haꞌa-oodohilemiu peꞌie mwala na huni manata diana hunie a God, nge omu kaꞌa sai aapwasu ike aana. Mo naꞌohai ola uri hunie omu ke dau i suliꞌi kaꞌu ienini. Na loꞌu mwaanie omu pulongosie mo haꞌa-uusulinge mwai-mwei mala niilana tangahuluꞌana tari-olanga iꞌomu.

Tataroha Diana I Sulie A Jisas Kraes Nge A Luk E Uusue 17:10

Oto e urine noꞌone aana iꞌomu. Maholo omu ko esuie mo ola haarailemiu e lae huni esuiꞌi, omu ke unue mola uuri, ‘Ikie mo koni-konihe mola ni ngeena, na e kaꞌa adona ike nga iini ke haꞌapainaꞌakie, aena aana kie ko esuie mola mo ola malisine oto kie ke asuiꞌi.’ ”

Uusu-uusu A Pol Hurula'aa Hunie Mo Rom 3:27

?Oto uri kure sai ere toohaꞌinikure uri kure da mei ola diana hunie a God ke saetoꞌo aakarue? !Haꞌike oto ooꞌoo! ?Wa uri kure sai iiꞌo oodotaꞌi i maana a God aena aana kure ko lulu i sulie mo Haꞌatolanga? !Haꞌike loꞌu! Taꞌe oodotaꞌinge ikure mei niinge a God mola aana kure hiiwalaimoli aana Jisas.

1 Korinit 1:29

Na a God e asuie leune urine, mwaanie uri nga iini e toohaꞌinie maraana maholo kei uure i naꞌona God.

Kalesia 1:14

Nou esu aꞌailaꞌa oto hiitoꞌo noꞌone aani lulu i sulilana tolahana mo weuwameelu mo Jiu oto i naꞌo, oto hule aana nou esu diana loꞌu mola liutaa aana mo iini aana pwaunge ineu.

Epesas 2:9

Haꞌa-uuringe ikie e kaꞌa rau ike i tehulaꞌana nga mei ola kie asuie aana aꞌailaꞌanga ikie maraaka. !Haꞌike! A God ni e nii mwaakule aana, mwaanie uri nga iini e toohaꞌinie maraana haahie.

1 Timoti 4:8

Aana e toꞌohuu taane mala kire unue uri e diana uri hunie kie ke haꞌa-haꞌa-aꞌailaꞌaa sapeka, taꞌe e lae oto i diana loꞌu liutaa uri hunie kie ke haꞌa-haꞌa-aꞌailaꞌaa mau-meuringe ikie aani hiiwalaimolinge. Aana hiiwalaimolinge e sai peꞌikie aana mauringe siꞌirini, na oto loꞌu aana maurihe oto huu. Iau, kei diana oto liutaa hunie mwala ke rongo hunie mo wala ngeena peꞌi tola i sulileni.