Tataroha Diana I Sulie A Jisas Kraes Nge A Luk E Uusue 12:32 - Tataroha Diana

³² “Maꞌalana omu kaꞌa hunge, taꞌe mwaanie omu meꞌu-meꞌu, maeni mwela, aena aana Aamamiu ko tohungei ilenimwaꞌe hunie omu kei aalaha peꞌie i laona Aalahanga ingeie.

Tataroha Diana I Sulie A Jisas Kraes Nge A Luk E Uusue 12:32 ပူးပေါင်းရင်းမြစ်များ

Matiu 14:27

Taꞌe a Jisas e tolana soi oto takoire na ko unue uuri, “Saemiu ke hahuroto. Ineu taane mola ni ie. Mwaanie omu meꞌu-meꞌu.”

Matiu 20:16

Oto a Jisas ko si haꞌamangoa ere-erenga ingeie na ko teꞌuri, “Mo iini hunge nge kire ko puri oto ie kire kei lae loꞌu i naꞌo, na mo iini e naꞌo-naꞌo kaꞌu kire kei heꞌi puri loꞌu.”

Matiu 25:34

“Oto ineu, a Inemauri, ne ke si unue hunie mo iini oodotaꞌi nge ikire i pwalo-pwaloku uuri, ‘Omu ke lae mai mo iini nge a Mamaꞌa e niie haꞌadianaꞌanga ingeie oto huniꞌomu. Omu ke hele huu oto namiu aana aalahanga nge a Mamaꞌa e dau aakau aana loosiꞌomu, uure oto aana haꞌaholalana walumalau.

Matiu 7:15

“Omu ke lio talamiu aana mo propet eero-eero, kire kei lae mai seemiu na kire kei lupweꞌi deu mala mo sipu e rako-rako, taꞌe i laona saeda, ikire mo wawaulo ni meꞌesu oto toꞌohuu.

Tataroha Diana I Sulie A Jisas Kraes Nge A Luk E Uusue 10:21

Aana maholona a Jisas e honu aani ilenimwaꞌenga aana Liꞌoa Maaꞌi, oto ko teꞌuri, “Mamaꞌa, iꞌoe oto o aalaha haahie i Lengi na mai aano. Uure oto waite o mumunie Tataroha Diana mwaanie kira saenanau, taꞌe ie o ko haataꞌinie oto hunie mo iini kaꞌa saenanau. Oto no ko tohungei paalaheꞌo, Mamaꞌa, aana o oalaꞌinie hunie ke lae oto urine.”

Tataroha Diana I Sulie A Jisas Kraes Nge A Jon E Uusue 18:36

Oto a Jisas ko teꞌuri, “Aalahanga ineu nga ola aana walumalau ienini haꞌike. Mala uri ne ke urihana mo inemauri ni welumalau, haꞌalaa mo koni-konihe ineu kire ooho honosieu mwaanie uri mo mwane paine aana mo Jiu kire tooleau. Taꞌe haꞌike, aana aalahanga ineu e aaopa oto mwaanie i leu.”

Palonga 20:28

“Oto omu ke kinetaꞌiniꞌomu, na omu ke kinetaꞌinie noꞌone amaa ni sipu nge a Liꞌoa Maaꞌi e niie huniꞌomu hunie omu ke lio i sulie. Na omu ke iiꞌo mala kira kakakali sipu, aana amaa ni sipu ngeena oto soihaadaꞌinge a God, ahutana mwala nge Kalena e holi mangora aana apune maholo e mae mala nga uunu-olanga.

Palonga 20:29

Omu ke kakali diana aada, aana nou saie oto maholo ne kei lae mwaaniꞌomu, ngaeta mo wawaulo kei lae mai huni horo aaelasie amaa ni sipu ngeena. Ikire nge mo propet eero-eero nge kire kei lae mai huni waelie mwala i laona soihaadaꞌinge.

Uusu-uusu A Pol Hurula'aa Hunie Mo Rom 6:23

Aana maholo iinoni e iiꞌo ue peꞌie oorahaꞌaa, waaitana oto maenga. Taꞌe a God e sai nii mwaakule mola aana maurihe huu hunie ahutaka mo iini kie lado oto peꞌie a Jisas Kraes, Aalaha ikie.

1 Korinit 1:21

Oto aana a God e asuie mone i sulie saenanaunge ingeie, mwala aana walumalau ie kire dau aasaie uri kire kei haꞌa-uurire maraada i sulie saenanaunge ikire. Na e lae mola urine aana saena a God mola huni haꞌa-uurie iinoni aana ola kire unue nga mei saenanaunge haꞌike aana, nge hiiwalaimolinge aana laeliwalanga i sulie a Kraes.

Pilipae 2:13

Aena aana a God ni ko esu i lalo aamiu urine, huni haꞌamwaꞌe-mwaꞌeꞌomu, na hunie omu ke sai tola i sulie tolahana maraana.

2 Tesalonaeka 1:11

Oto aena mo olana nge melu ko aare-aarengaꞌi mola talamiu tarau. Melu ko eitanaie a God ikie hunie ke da omu ke malisine mau-meuringe diana nge e soiꞌomu hunie uri omu ke iiꞌo aana. Na melu ko eitanaie a God hunie ke haꞌa-oaie mo neꞌisaenga diana iꞌomu aana nanamanga ingeie, na hunie ke peꞌiꞌomu huni haꞌamangoa mo esunge diana nge omu ko esuiꞌi i tehulaꞌana hiiwalaimolinge iꞌomu aana.

2 Tesalonaeka 1:5

Aana omu ko sapesalu hiitoꞌo i tehulaꞌana a God oto ienini, nge a God ke si haataꞌinie uri omu tohungei melisine Aalahanga ingeie. Na aana nga maholo ue mai sapesalunge iꞌomu ngeena kei haataꞌinie noꞌone uri leinge a God e oodo taane mola.

Hibru 12:28

Aena urine, kie ke paa-paalahea God haahie kie helesie oto aalahanga nge nunuilana e aasa kei lae loꞌu. Kie ke paalahea God tarau na kie ke palo-paloa oto aana tala nge e toꞌohie saena na kie ke haꞌamaꞌu oto aana peꞌi meꞌunge.

Jemes 2:5

Omu ke rongo kaꞌu, maeni eesiku maaꞌi. A God e lio hilisie mo iini e maitale aana walumalau ie hunie kire ke toꞌo-toꞌo aana hiiwalaimolinge, na huni toꞌo aana aalahanga nge e haiholotaꞌinie hunie mo iini nge kire manata diana hunie.

2 Pita 1:11

Oto a God ke si tohungei tola koniꞌomu oto taꞌau i Lengi aana walumalau haalu nge e saꞌa mango loꞌu. Walumalau ngeena, a Jisas Kraes Aalaha ikie na a Haꞌa-uuritaka, nge e aalaha haahie.

Haataꞌinge 1:6

Ingeie oto aalaha ikie, na e asuie uri kie ke mani neꞌi pris oto huni haꞌapainaꞌaa Aamana, a God. Oto aena urine kie ke haꞌamanikuluꞌaa a Jisas Kraes haahie hahuꞌana nanamanga ingeie oto di oto di. Ke urine oto.

Haataꞌinge 22:5

Nga rodohono haꞌike loꞌu taꞌau, na kire saꞌa hari hunie loꞌu nga raa-raa aani dunge wa sato hunie ke raangire, aena aana a God Aalaha oto kei niie raa-raa nada. Na kire kei aalaha mala mo inemauri oto huu.