Tataroha Diana I Sulie A Jisas Kraes Nge A Luk E Uusue 12:19 - Tataroha Diana

¹⁹ Purine, ne ke si unue hunieu maraaku uuri, !Ingeie kaꞌune! Nou toꞌo aana oto walu ola diana adona mo helisi hunge. Ne ke mamalo mola, aana mauringe e mwadaꞌu oto hunieu.’

Tataroha Diana I Sulie A Jisas Kraes Nge A Luk E Uusue 12:19 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 12:18

Oto ko heꞌi loꞌongaꞌi loꞌu uuri, ‘Nou saie oto nga taa ne kei esuie. Ne kei ohoie mola mo nume ni duru ineu, na ne ke asu peine loꞌu eeni. Oto ne ke si durue mo ngeulaa ineu, na oto ahutana walu ola ineu i laona nume haalu ngeena.

Tataroha Diana I Sulie A Jisas Kraes Nge A Luk E Uusue 16:19

Oto a Jisas ko teꞌuri loꞌu, “Ngaeta mwane toꞌo-toꞌo e oꞌoꞌo na e iiꞌo ni ilenimwaꞌenga peꞌi ngeu-ngeu ni pote mola i suli hei dinge, na e toꞌo-toꞌoni eeni toꞌoni lio manikuluꞌe haliꞌite.

Tataroha Diana I Sulie A Jisas Kraes Nge A Luk E Uusue 21:34

Oto a Jisas ko heꞌi teꞌuri loꞌu, “!Omu ke lio talamiu! Mwaanie omu tolahiꞌe mola aana mo ola ni welumalau, wa mwaanie omu talei tara mola aani ngeuhe na aani inunge. Aana mala omu kei tara mola aana mo ola urine, hai dingena kei hule mola na omu kaꞌa dau aakau ike.

1 Korinit 15:32

Iau, ineu nou ooho kaꞌu oto peꞌie mo iinoni aaela mai Epesas, nge kire aaela liutaa urihana mo ola loo-looꞌa ni meꞌesu. ?Taꞌe mala uri ne ke ooho peꞌire urine i sulie loꞌongaꞌinge ni iinoni mola, haꞌalaa nga taa ni ne kei terie aana? !Nga taꞌa-taꞌa mei ola diana na haꞌike loꞌu! Mala uri mo iini e mae oto kire saꞌa heꞌi meuri loꞌu, nge ne ke neꞌisae mola i sulieu maraaku mala mei neꞌisaenga nge nga mo iini ko unu-unue uuri, Kolu ke ngau-ngeu mola na kolu ke inu-inu, aana kolu kei mae oto i hoꞌowa. Aesaea 22:13

Pilipae 3:19

Mwala urine, haꞌamangolada mola i laona dunge ni haꞌamotaahinge, aana kire ko paloa mola mo heri-huninge ni sape mala god ikire. Kire ko talei alea mola haahie mo ola ni masanga, na saeda e honu mola aana walu ola ni welumalau.

1 Timoti 5:6

Taꞌe nao keni nge ko loꞌo-loꞌongaꞌinie mola mo heri-huninge ingeie maraana, nge iini urine e mae oto maꞌalana ko meu-meuri ue.

1 Timoti 6:17

O ke unue hunie kira toꞌo-toꞌo aana mo ola aana walumalau ie, hunie kire ke suꞌuri toohaꞌi, na mwaanie kire nou-norue toꞌo-toꞌolada nge e sai eiꞌaa lau-leu mola. Unue hunire uri kire ke norutoꞌo mola aana God aana ingeie e toꞌo-toꞌo oto liutaa, na e sai niie oto ahutana mo ola hunie kie ke ilenimwaꞌe haahiꞌi.

2 Timoti 3:4

Maꞌalana mo malahude, taꞌe kire kei pwelora mola, na kire saꞌa holaꞌi loꞌongaꞌi keꞌu i sulie taꞌena nga ola kire ko sare asuie, na kire kei too-toohaꞌinire oto e pulo. Kire kei saetoꞌo aana mola mo ola nge ko da kire ke hii diana, taꞌe kire kaꞌa saetoꞌo aana ike a God.

1 Pita 4:3

Holaꞌinaꞌo, omu tohungei lae tewa aani lulu i sulilana tolahana mo puꞌo aana omu mai-mesi kaꞌu peꞌie taꞌena nga iini, na omu heri-heri hunie kaꞌu mola aaelanga. Omu mehiri kaꞌu tarau aani inu wei ni pweunge, na omu euꞌesuie kaꞌu mo houlaa paine huni inu-inu ni pweu na huni deu aaela mola aani. Na omu lae noꞌone peꞌie tolahai ola e lio mamaꞌelaꞌa ngeena aana omu palo-paloa kaꞌu mo god eero-eero.

Haataꞌinge 18:7

Mala a keine e niie manikuluꞌanga na toꞌo-toꞌonga mola hunie maraana, nge niilana sapesalunge na saehuunge kei lae noꞌone urine hunie. Aana e ere toohaꞌinie maraana uuri, ‘Ineu oto toro, na no ko aalaha oto. Aana nou kaꞌa toꞌo aana ike nga poro, nge nou saꞌa roroꞌa ngara ike mala mo nao keni.’