Tataroha Diana I Sulie A Jisas Kraes Nge A Luk E Uusue 11:41 - Tataroha Diana

⁴¹ Taungei hoda-olanga urine e kaꞌa roroꞌa ike. Taꞌe mala omu ke nii ola mola i laona mo nime na mo kao-kao ngeena ana kira maitale, haꞌalaa ahutana walu ola ngeena ke si meni rereꞌa toꞌohuu huniꞌomu.

Tataroha Diana I Sulie A Jisas Kraes Nge A Luk E Uusue 11:41 ပူးပေါင်းရင်းမြစ်များ

Matiu 26:11

Aana mo iinoni meitale kire kei iiꞌo peꞌiꞌomu mola tarau, taꞌe ineu nge nou saꞌa iiꞌo ike peꞌiꞌomu taraureꞌi.

Matiu 5:42

Na mala nga iini ko sukaa nga mei ola aamu, o ke niie oto hunie. Na mala nga iini ko sare tola haꞌawali keꞌu aana nga mei ola iꞌoe, o ke toliꞌaasie mola hunie.”

Tataroha Diana I Sulie A Jisas Kraes Nge A Mak E Uusue 7:19

i sulie kire kaꞌa lae ike i laona manatana, taꞌe kire lae taraꞌasi mola hao i laona oopwana. Oto ko si iisitaa loꞌu mola mwaanie sapena.” (Maholo a Jisas e ere urine e haataꞌinie uri ahutana mo ola ngau-ngeu kire mani rereꞌa mola i maana God.)

Tataroha Diana I Sulie A Jisas Kraes Nge A Luk E Uusue 12:33

Oto omu ke haꞌaholingeꞌinie mola toꞌo-toꞌolamiu, na omu ke niie mei toꞌoha aani hunie kira maitale. Omu ke mwaꞌie mo toꞌoha iꞌomu i laona mwaꞌi e saꞌa moka ike. Na omu ke loohaꞌinie toꞌolamiu i Lengi, aana leu kire saꞌa peliꞌi ike aana, wa mo kokorosi ke waeliꞌi.

Tataroha Diana I Sulie A Jisas Kraes Nge A Luk E Uusue 16:9

Oto iꞌomu noꞌone, omu ke sai ola mala ikire. Iꞌomu noꞌone omu ke haꞌimalahune peꞌie mwala aana mo ola omu holiꞌi peꞌie mei toꞌoha omu pelie. Taꞌe mwaanie omu pola mola peꞌie mei wala no ko unue ienini, aana maholo toꞌolamiu kei aiꞌaa mwaaniꞌomu, nge mo malahumiu mai aano i leu kei deu aasaie tolakonilemiu aana mo nume huu. Taꞌe omu ke saenanau aana iiꞌonga i laona raa-raa.

Tataroha Diana I Sulie A Jisas Kraes Nge A Luk E Uusue 18:22

Maholo a Jisas e rongo urine, ko si teꞌuri hunie a mwaena, “Taꞌa-taꞌa mei ola ni mola ue o saetoꞌo aana loꞌu huni esuie. O ke haꞌaholingeꞌinie toꞌo-toꞌolamu, na o ke niie mo toꞌoha aani nana kira maitale. Aana ko urine nge o ke si toꞌo-toꞌo loꞌu aana mo ola diana i Lengi. Mango urine o ke si lae mai lulu i sulieu.”

Tataroha Diana I Sulie A Jisas Kraes Nge A Luk E Uusue 19:8

Taꞌe a Sakias e taꞌelaꞌi, oto ko teꞌuri hunie poro painena, “!Aalaha ineu! Ne kei niie ngaeta poꞌo ni leu aana toꞌo-toꞌolaku nana mo iinoni meitale. Na mo iini nge nou pwelora aana nou tola toꞌoha mola mwaakule mwaanire, ne kei nii eelihoꞌi loꞌu aana mo toꞌoha ikire, na ne kei nii haꞌahai liutaa aana loꞌu nga taa nou toolea mwaanire.”

Palonga 10:15

Na ko rongoa loꞌu mei wala uuri, “Mo ola nge a God e unue uri kire rereꞌa, suꞌuri loꞌongaꞌinie loꞌu uri kire madaꞌa.”

Palonga 11:29

Oto ahutana kira hiiwalaimoli kire si meni neꞌisae tararuru huni peꞌie soihaadaꞌinge aana poꞌo ni henue i Jiudia i sulie e nite nga iini aada e sai uusungeꞌinie.

Palonga 24:17

“Nou lae mwaanie i Jerusalem mo helisi hunge e mango oto, oto nou eelihoꞌi loꞌu mei huni tola toꞌoha nana mo iinoni ineu ni Israel nge kire ko siꞌohaꞌa, na huni uunu ola hunie a God.

2 Korinit 8:12

Mala uri omu ko mwaꞌe-mwaꞌe toꞌohuu huni niie nga mei ola, nge a God kei tohungei ilenimwaꞌe haahie leune. Na mwaanie omu tolahiꞌe mala uri niinge e kaꞌa paine ike, aana e kaꞌa unue ike uri kie ke niie mo ola kie kaꞌa toꞌo aani ike.

Epesas 4:28

A tei iinoni ko peli-peli, ke toliꞌaasie oto tolahai ola aaela ngeena na ke aehotaa loꞌu asunge diana. Ke asuie nga mo ola diana aana nimana, hunie ke toꞌo aana mo ola huni peꞌie mo iini kire maitale.

Taetas 1:15

Kire unue uri kie ke haꞌahili-hili mwaanie mo ola oto hunge, taꞌe eeronga mola ni ngeena, aana walu ola kire mani diana mola hunie mo iini kire iiꞌo oodotaꞌi. Taꞌe iini nge ko loꞌo-loꞌongaꞌinie mola aaelanga haliꞌite, ahutana ola kire mani madaꞌa hunie, aena aana e kaꞌa hiiwalaimoli ike aana God. Oto iini urine manatana na loꞌongaꞌinge ingeie kire mani aaela mango mola.

Hibru 13:16

Na mwaanie omu pupulongosie peꞌilana ngaeta mwala aani esunge diana nada, aena aana mo uunu-olanga urine noꞌone nge saena God ko lae otoi mamango haahiꞌi.

Hibru 6:10

Aana leinge a God e oodo oto taꞌingelu na e kaꞌa sai pulongosie ike asunge iꞌomu na manata-diananga nge omu haataꞌinie hunie mwala i tehulaꞌana a Kraes. E lio saie mola uri omu peꞌi-peꞌi diana aana mo iinoni ingeie, na uri omu ko lae-lae ue aana peꞌinge huniꞌomu heiliu.

Jemes 1:27

Taꞌe asunge toꞌohuu aana soihaadaꞌinge nge a God Aamaka e saetoꞌo aana oto uri huni peꞌie mo reiꞌinge, na mo nao nge kire maitale, na huni kinetaꞌiniꞌo maraamu mwaanie tataꞌalanga aana walumalau.