Tataroha Diana I Sulie A Jisas Kraes Nge A Luk E Uusue 10:35 - Tataroha Diana

³⁵ Oto hai dinge loꞌu i sulie, mwane ni Samaria e taꞌaasie mei toꞌoha mwaanie mwaꞌi ingeie adona iiꞌonga aana nume ngeena ola mala e oolu wiki. Oto ko niiꞌi hunie mwane ko lio i sulie nume ngeena, na ko unue hunie uuri, ‘O ke lio i suli diana aana oto a mwane ie. Mala uri o ko aasie loꞌu nga mei toꞌoha huni holie nga mei ola aana, ne ke si suꞌue huniꞌo aana maholo ne kei ooli loꞌu mei.’ ”

Tataroha Diana I Sulie A Jisas Kraes Nge A Luk E Uusue 10:35 ပူးပေါင်းရင်းမြစ်များ

Matiu 18:28

“Oto koni-konihe ngeena e iisitaa taꞌau na ko oodoie ngaeta iini oana, mwane loꞌu mala ingeie. A mwaena e toolea mola taꞌa-taꞌa tangalau aani toꞌoha mwaanie. Oto e tapo i luana oana, na ko unue uuri, ‘O ke suꞌue mo toꞌoha ineu oto molana.’

Matiu 20:2

Oto kire mani neꞌisae mouteꞌi peꞌie naꞌohai mwane ngeena uri kei holire aana waaite diana aana taꞌa-taꞌa seleni ni Rom aana hai dinge. Nge e si uusungeꞌinire taꞌau i laona hohola ingeie.

Tataroha Diana I Sulie A Jisas Kraes Nge A Luk E Uusue 10:34

Mwane ni Samaria ngeena e da ho waen na ho rumu, oto ko lingisiꞌi mala meresine i laona mo malaka i sapena mwaena, ko si hoꞌo haahiꞌi. Oto e neꞌie i lengine dongki ingeie nge ko lae-lae aana, e si toolea ko lai lio i sulie taꞌau i nume ni awataa.

Tataroha Diana I Sulie A Jisas Kraes Nge A Luk E Uusue 10:36

Oto a Jisas ko si teꞌuri hunie haꞌa-uusuli aana mo Haꞌatolanga a Mosis ngeena uuri, “?Iini uri taa aana e oolu mwane ngeena nge iꞌoe o loꞌongaꞌinie uri e neꞌi euhenue toꞌohuu hunie mwane nge mo horopeli e horoꞌiena?”

Tataroha Diana I Sulie A Jisas Kraes Nge A Luk E Uusue 14:13

Taꞌe maholo o ko esuie nga ngauhe, o ke haaraie mai kira maitale, na kira toꞌu, na kira rarasi, na kira ulu.

Uusu-uusu A Pol Hurula'aa Hunie Mo Rom 16:23

A Gaeas noꞌone ko niie wau mei wala ni saediananga huniꞌomu. Ingeie oto e tola konieu a Pol i nume ingeie aana maholo ienini, na e toliꞌaasie noꞌone nume ingeie hunie mwala aana soihaadaꞌinge ke loko aana. A Erastas iini lio-lio i suli toꞌoha aana huilume ienini, na aasikaelu a Kuotas kirerue ko niie noꞌone mei wala ni saediananga huniꞌomu.