Tataroha Diana I Sulie A Jisas Kraes Nge A Luk E Uusue 1:10 - Tataroha Diana

¹⁰ Na aana maholo a Sekaraea ko uunue dango wau-wesu, ahutana mwala mola poꞌoi sinaha peꞌi aarengaꞌinge.

Tataroha Diana I Sulie A Jisas Kraes Nge A Luk E Uusue 1:10 ပူးပေါင်းရင်းမြစ်များ

Hibru 4:14

Kie toꞌo aana oto nga Hahuꞌana Naꞌohai Pris nge e nanama liutaa, na e lae oto i laona Hahuꞌana Leu Maaꞌi taꞌau i Lengi, na ingeie oto a Jisas, Kalena God. Oto kie ke hele maꞌutaꞌa aana hiiwalaimolinge aana.

Hibru 9:24

Aana a Kraes e hahuꞌei lai sili oto taꞌau i Lengi peꞌie apune maraana mala tohungei uunu-olanga e diana liutaa ngeena, na e iiꞌo oto i saana God huni peꞌikie aana maholo ienini. A Kraes e kaꞌa lae ike i sili i laona leu maaꞌi nge ninimei iinoni mola e asuie, aana leune nunune mola tohungana leu maaꞌi taꞌau i Lengi. Na e kaꞌa sili ike taꞌau i Lengi aana mo maholo hunge huni ooni aana niilana maurihaꞌana mala nga uunu-olanga i saana a God. !Haꞌike! Taꞌe a Kraes e asuie tohungei uunu-olanga ngeena mola hautaꞌai, na e kaꞌa asuie ike mala Naꞌohana Mo Naꞌohai Pris ko euꞌesuie i suli helisi, aana e sai lae sili i laona Hahuꞌana Leu Maaꞌi huni uuraa-uuraaꞌinie apune mo ola mauri nge uunu-olanga e lae aani ngeena.

Haataꞌinge 8:3

Oto ngaeta ensel e lae loꞌu mei, e lae mai uure i saana ora ni uunu-uunu ola nge e iiꞌo i naꞌona naunekume. Na e hele aana kao-kao kol aani dango wau-wesu, na kire niie loꞌu hunie nga mo dango wau-wesu huni uunuꞌi peꞌie mo aarengaꞌinge mwala maaꞌi a God. Oto ensel ngeena e uunuꞌi oto i lengine ora aani kol ngeena,