Kolosi 4:8 - Tataroha Diana

⁸ Aena urine nge no ko uusungeꞌinie wau i seemiu hunie ke lalado diana namiu i suliꞌemeelu na hunie omu ke saemango na omu ke hii aꞌailaꞌa loꞌu ni esu diana taraꞌasi.

Kolosi 4:8 ပူးပေါင်းရင်းမြစ်များ

1 Korinit 4:17

Aena leune mone no ko uusungeꞌinie wau a Timoti i seemiu. Ingeie domana oto a kaleku toꞌohuu na ko esu diana nana Aalaha paine ikie. Ingeie ke si haꞌananauꞌomu loꞌu aana mo haꞌatolanga nge nou lae peꞌi laeliwala aani i sulie mo soihaadaꞌinge aana taꞌena nga leu no ko lae-lae aana.

2 Korinit 1:4

Ingeie oto ko haꞌadodoa saemeelu i suli maholo melu ko lae oodoie mo aasanga, uri hunie iꞌemeelu noꞌone melu ke haꞌadodoa saena mo iini kire ko lae oodoie noꞌone mo aasanga, na melu ke asu urine aana taꞌa-taꞌa mei peꞌinge nge a God e haꞌadodoa saemeelu aana.

2 Korinit 12:18

Nou eitanaie a Taetas uri hunie ke lae hao i maatoliꞌomu, na nou uusungeꞌinie noꞌone hao peꞌie ngaeta aasikaelu aana hiiwalaimolinge. ?Haꞌalaa omu loꞌongaꞌinie uri kirerue a Taetas kire eeroꞌomu aana maholona? !Haꞌike oto ooꞌoo! Na ineu, nou peꞌiꞌomu mola mala ingeie, aana iꞌemereꞌi a Taetas mere mani toꞌo aana mola e taꞌa-taꞌa mei sae takoiꞌomu, na tolahamereꞌi e sada mola huniꞌomu.

2 Korinit 2:7

Oto ienini e malisine uri omu ke saeꞌaasi oto hunie, na omu ke ere haꞌasusue hunie ke hii diana loꞌu. A mwaena e saehuu oto, na mwaanie uri e tohungei saehuu loꞌu hiitoꞌo na saehuunge paine ingeie e waelie oto taꞌingelu.

Pilipae 2:28

Aena urine no ko tohungei sare uusungeꞌinie oto wau a Epaprodaetas i seemiu, hunie omu ke ilenimwaꞌe loꞌu aana omu kei leesie, na hunie ineu ne ke suꞌuri tolahiꞌe aana.

Kolosi 2:2

No ko esu urine huni haꞌadodoa saemiu, na hunie omu ke mani manata diana huniꞌomu heiliu. Saeku uri omu ke manataꞌinie taꞌingelu tohungana saenanaunge, na omu manataꞌinie taane mala uri omu ko sai diana aana a Kraes. Ingeie oto aahuꞌine mei saehaahinge a God nge e iiꞌo mumuni keꞌu holaꞌinaꞌo.

1 Tesalonaeka 2:11

Omu saie taane noꞌone mola uri melu peꞌi diana aamiu oto mala aamana mo mwela ko peꞌi diana aana mo kalena.

1 Tesalonaeka 3:2

na huni uusungeꞌinie mola wau aasikaelu a Timoti hunie ke ere haꞌasusuꞌomu na ke haꞌa-aꞌailaꞌaa hiiwalaimolinge iꞌomu. Aana ingeie noꞌone ko esu nana God aani laeliwalanga aana Tataroha Diana i sulie a Kraes.

1 Tesalonaeka 3:5

Aena mei olana nge nou tohungei tolahiꞌe aana, na nou uusungeꞌinie oto wau a Timoti hunie ke lae oto wau i leesie hiiwalaimolinge iꞌomu e uri taa. Aana nou maarara mwaanie uri omu domu aana maholo a Pwelu Eero-eero e malaahongamiu, na urine asunge iꞌemeelu namiu e totowai mola.

1 Tesalonaeka 4:18

Aena urinena, omu ke ere-ere haꞌasusuꞌomu heiliu aana mo wala ienini.

1 Tesalonaeka 5:11

Aena urinena, omu ke ere haꞌasusuꞌomu heiliu na omu ke peꞌiꞌomu heiliu oto mala omu ko esuie ngeena.

1 Tesalonaeka 5:14

Na melu ko eitanaiꞌomu, maeni eesiku, uri omu ke ere aana mo iini ko lalawasie asunge. Omu ke peꞌie mo iini nge kire sai meꞌu hunie saeda ke susu. Omu ke peꞌie mo iini nge loꞌongaꞌinge ikire e mamaelaꞌa, na omu ke haro kele ere hunie ahutana mwala. Na mwaanie saewasunge iꞌomu e lau-leu hunie taꞌena nga iini.