Kolosi 4:18 - Tataroha Diana

¹⁸ Ineu a Pol ni no ko niie saediananga ienini huniꞌomu, na no ko uusue oto mo wala ooreta ienini maraaku. Omu ke aamasitoꞌo aaku aana ineu i nume ni hoꞌo. No ko eitanaie a God hunie hahuꞌana manata-diananga ingeie ke iiꞌo peꞌiꞌomu.

Kolosi 4:18 ပူးပေါင်းရင်းမြစ်များ

Uusu-uusu A Pol Hurula'aa Hunie Mo Rom 16:20

Oto urine a God ikie nge ko niie hanuelamanga hunikie, kei peꞌiꞌomu mola lau-leu hunie omu ke uuri puli-pulisie a Pwelu Eero-eero aana aeꞌaemiu mwaanie omu rongo hunie mo malaahonga ingeie. Na no ko aarengaꞌi hunie uri hahuꞌana manata-diananga a Aalaha ikie a Jisas ke iiꞌo peꞌiꞌomu.

Uusu-uusu A Pol Hurula'aa Hunie Mo Rom 16:22

Ineu a Tetias, iini nou uusue nga taa a Pol e unue hunie ne ke uusue i laona uusu-uusu ienini, ineu noꞌone no ko hiiwalaimoli aana Kraes na no ko niie noꞌone wau mei wala ni saediananga huniꞌomu.

Uusu-uusu A Pol Hurula'aa Hunie Mo Rom 16:23

A Gaeas noꞌone ko niie wau mei wala ni saediananga huniꞌomu. Ingeie oto e tola konieu a Pol i nume ingeie aana maholo ienini, na e toliꞌaasie noꞌone nume ingeie hunie mwala aana soihaadaꞌinge ke loko aana. A Erastas iini lio-lio i suli toꞌoha aana huilume ienini, na aasikaelu a Kuotas kirerue ko niie noꞌone mei wala ni saediananga huniꞌomu.

1 Korinit 16:21

Ineu a Pol ni no ko uusue mei wala ni saediananga ooreta ienini huniꞌomu oto aana kiꞌi-kiꞌiku maraaku.

2 Korinit 13:14

No ko aarengaꞌi hunie uri Aalaha ikie a Jisas Kraes ke haataꞌinie hahuꞌana manata-diananga ingeie huniꞌomu, na hunie uri a God ke haꞌadianaꞌaꞌomu aana manata-diananga ingeie, na hunie a Liꞌoa Maaꞌi ke lokoa ahutana saemiu aani hatanga peꞌie.

Pilipae 1:7

Loꞌongaꞌinge ineu eemiu e paine liutaa. Na e malisine oto noꞌone ne ke hii urine aamiu, aena aana omu ko peꞌieu aana asunge nge a God e niie hunieu. Asunge ngeena huni haataꞌinie Tataroha Diana uri mei ola toꞌohuu hunie mwala ke CAF - hiiwalaimoli aana. Na omu ko peꞌieu suli maholo, uure oto mai na nou kaꞌa lae ue i nume ni hoꞌo, lai hule aana ineu oto i nume ni hoꞌo siꞌiri ie.

Kolosi 4:3

Omu saie taane uri ineu i laona nume ni hoꞌo siꞌiri aena aana nou lae peꞌi houleꞌinie Tataroha Diana i sulie a Kraes. Taꞌe maꞌalana ineu i nume ni hoꞌo urine, omu ke aare-aarengaꞌi noꞌone talameelu mo oaku uri hunie a God ke niie nga mo maholo diana nameelu huni houleꞌinie a Kraes i saana ngaeta mwala.

2 Tesalonaeka 3:17

Mei wala ni saediananga huniꞌomu ienini, ineu a Pol ni no ko uusue oto maraaku mala no ko euꞌesuie tarau huni haataꞌinie uri ineu toꞌohuu ni oto no ko uusu-uusu ie.

1 Timoti 6:21

Taꞌe sai-olanga haꞌike ni ngeena, na ngaeta mo iini kire dau talahie oto hiiwalaimolinge toꞌohuu i tehulaꞌana. Oto no ko eitanaie a God uri hahuꞌana manata-diananga ingeie ke iiꞌo peꞌiꞌo.

2 Timoti 1:8

Oto aena ngeena o ke suꞌuri masa ni houleꞌinie a Jisas Kraes oodoie mwala. Na o ke suꞌuri masa honosieu i sulie uri nou iiꞌo i nume ni hoꞌo haahie asunge nana. Taꞌe o ke hele maꞌutaꞌa mola aana nanamanga a God, na o ke mwaꞌe-mwaꞌe mola ni sapesalu aana o ko tarohaꞌinie Tataroha Diana a Jisas mala ineu.

2 Timoti 4:22

No ko eitanaie Aalaha ikie ke iiꞌo i laona manatamu, na hahuꞌana manata-diananga ingeie ke iiꞌo peꞌiꞌo.

Taetas 3:15

Ahutana mo iini mei leu peꞌieu kire ko sare niie saediananga ikire huniꞌo. Oto iꞌoe, o ke niie saediananga iꞌemeelu noꞌone hunie kira hiiwalaimoli wau i leune. No ko aarea God hunie hahuꞌana manata-diananga ingeie ke iiꞌo peꞌiꞌomu.

Hibru 13:25

No ko aarea God uri hahuꞌana manata-diananga ingeie ke iiꞌo peꞌie ahutemiu mango.

Hibru 13:3

Na omu ke loꞌo-loꞌongaꞌinie mo iini ikire i laona nume ni hoꞌo, oto mala uri iꞌomu noꞌone peꞌire i laona nume ni hoꞌo. Na omu ke loꞌongaꞌinie mo iini ko sapesalu, mala uri iꞌomu, omu ko sapesalu noꞌone peꞌire.