Kolosi 4:15 - Tataroha Diana

¹⁵ Omu ke niie noꞌone saediananga ineu hunie mo eesikaelu i Leodisia. Na noꞌone hunie a Nimpa na mo iini hiiwalaimoli nge kire ko loo-loko huni rihungeꞌi weu i nume ingeie.

Kolosi 4:15 ပူးပေါင်းရင်းမြစ်များ

Uusu-uusu A Pol Hurula'aa Hunie Mo Rom 16:5

No ko sare niie noꞌone mei wala ni saediananga ineu hunie mwala aana soihaadaꞌinge nge kire ko rururu i nume ikirerue. Mei wala ni saediananga ineu noꞌone hunie aasiku maaꞌi a Epaenetas, iini e holaꞌi hiiwalaimoli aana Kraes wau i laona poꞌo ni henue i Esia.

1 Korinit 16:9

Aana kele maholo kohi huni deu i sulie nga mo ola diana hunge i leu ni oto ienini, maꞌalana uri nga mo iini hunge ko si uure honosieu taane.

Kolosi 2:1

Nou saetoꞌo aana uri omu ke manataꞌinie uri no ko tohungei esu oto hiitoꞌo huni peꞌiꞌomu, na huni peꞌie noꞌone mo iinoni hiiwalaimoli wau aana huilume karaꞌiniꞌomu i Leodisia, na loꞌu ahutana mo iinoni a God nge hule aana nou kaꞌa oodoire ue.

Kolosi 4:13

Nou lio saie oto uri ko esu oto hiitoꞌo urine huni peꞌiꞌomu na huni peꞌie mwala aana mo huilume karaꞌiniꞌomu i Leodisia na i Hierapolis.

Kolosi 4:16

Maholo omu ko saai mangoa uusu-uusu ineu ienini i matolamiu, omu ke leesie uri saailana ke heꞌi lae loꞌu nana soihaadaꞌinge i Leodisia. Na aana maholona omu ke saaie oto noꞌone uusu-uusu nou haꞌatolaa hunie mo Leodisia.

Pilimon 1:2

Mere ko uusu-uusu noꞌone hunie tohungei eesimeelu a Apia, na a Akipas, nge ko esu noꞌone nana a Jisas mala ikolu. Na mere ko uusu-uusu noꞌone hunie mo iini aana soihaadaꞌinge nge kire ko lae-lae mai huni aarea God noꞌone wau i nume iꞌoe.