Kolosi 4:11 - Tataroha Diana

¹¹ A Josua nge kire ko haa-haaraꞌinie noꞌone aana a Jastas, ko niie noꞌone wau mei wala ni saediananga ingeie huniꞌomu. Mo mwane ngeena, taꞌe ikiraelu oto mola aana mo Jiu kire hiiwalaimoli nge kire ko esu peꞌieu i leu huni tarohaꞌinie Aalahanga a God. Na kire ko da no ko tohungei saemango oto hiitoꞌo.

Kolosi 4:11 ပူးပေါင်းရင်းမြစ်များ

Palonga 10:45

Mo Jiu nge kire hiiwalaimoli oto na kire lae mai peꞌie a Pita, kire ko tohungei pangataꞌi aana a God e niie noꞌone Liꞌoa Maaꞌi hunie kira Konilias maꞌalana ikire mo Aapoloa Aaopa.

Palonga 11:2

Oto maholo a Pita e lai hule taꞌau i Jerusalem, ngaeta mo iini aana kira hiiwalaimoli nge kire hele maꞌutaꞌa ue aana tolaha ni torihesiꞌonga, kire ko tohungei leledie a Pita, aena aana saeda hunie torihesiꞌonga ke lae aana mo Aapoloa Aaopa.

Uusu-uusu A Pol Hurula'aa Hunie Mo Rom 16:3

Omu ke niie mei wala ni saediananga ineu hunie a Prisila na Akuila, e ro ola nge kirerue asu loko-loko peꞌieu nana Jisas Kraes.

Uusu-uusu A Pol Hurula'aa Hunie Mo Rom 4:12

A Ebraham ingeie oto tohungei aamameelu mo iini nge melu hele aana oto torihesiꞌonga na melu hiiwalaimoli noꞌone aana God aana taꞌa-taꞌa hiiwalaimolinge nge e toꞌo aana maholo na e kaꞌa hele aana ue torihesiꞌonga.

2 Korinit 6:1

Oto aani esunge tararuru peꞌie a God, melu ko eitanaiꞌomu, mo iini omu hele aana oto niinge paine a God ngeena, mwaanie omu toliꞌaasie niinge paine ngeena e totowai mola.

Epesas 2:11

Waite, mo Jiu kire sai lio toli aamiu mo Aapoloa Aaopa na kire sai ere aaelasiꞌomu uri iꞌomu mo puꞌo. Kire ko ere aaelasiꞌomu urine aena aana omu kaꞌa lae ike peꞌi torihesiꞌo mala ikire kire sai esuie torihesiꞌonga aana mo mwela mwane ikire huni esuie haꞌa-ara aana sapeda uri ikire mo iinoni a God.

Pilipae 4:3

Na iꞌoe a oaku toꞌohuu, nou saetoꞌo aana uri o ke peꞌie e ro keitaꞌaa ngeena. Aana kirerue tohungei peꞌi diana aaku huni tarohaꞌinie Tataroha Diana, peꞌie a Klemen na mo iini loꞌu weu nge iidumilana satada e lae oto i laona uusu-uusu ni meurihe huu.

Kolosi 4:7

Maholo a Tikikas kei hule i seemiu, ingeie ke si haꞌarongoꞌomu taane loꞌu aana nga moi taa ko reu eeku aana maholo ienini. Ingeie ngaeta malahuku diana na ko tohungei peꞌi diana aaku aana asunge ienini nana Aalaha ikie.

1 Tesalonaeka 3:2

na huni uusungeꞌinie mola wau aasikaelu a Timoti hunie ke ere haꞌasusuꞌomu na ke haꞌa-aꞌailaꞌaa hiiwalaimolinge iꞌomu. Aana ingeie noꞌone ko esu nana God aani laeliwalanga aana Tataroha Diana i sulie a Kraes.

1 Tesalonaeka 3:7

Iau, maeni iinoni maaꞌi, maꞌalana melu ko siꞌohaꞌa peꞌi sapesalunge oto ie, taꞌe tataroha uri omu hiiwalaimoli oto taraꞌasi aana a Kraes urine e tohungei haꞌasusuꞌemeelu na melu ko hii diana loꞌu.

Taetas 1:10

Mo iini hunge siꞌiri, kire kaꞌa sare tola i sulie ike tolahai haꞌa-uusulinge toꞌohuu ngeena, taꞌe kire ko ere-ere mwaakule mola peꞌi eerolana mwala. Leune e toꞌohuu oto liutaa i sulie pulitaa nge kire ko haꞌa-uusuli aana uri o ke torihesiꞌo haꞌalaa o sai hele aana maurihe huu.

Pilimon 1:1

Saediananga mwaaniꞌemereꞌi a Pol na a Timoti, huniꞌo Pilimon. Ineu a Pol, nou iiꞌo i nume ni hoꞌo i tehulaꞌana asunge a Jisas Kraes, na aasike maaꞌi a Timoti ko peꞌieu ienini huni uusu-uusu weu huniꞌo, Pilimon. Iꞌoe, o tohungei esu diana peꞌiꞌemeelu nana God, na iꞌoe oto tohungei malahumeelu.

Pilimon 1:24

Na mo mwane loꞌu nge kire ko meni esu noꞌone peꞌieu, a Mak, na a Aristakas, na a Demas, na a Luk, kire ko meni niie noꞌone saediananga ikire huniꞌomu.