Kolosi 4:10 - Tataroha Diana

¹⁰ A Aristakas nge e iiꞌo peꞌieu mai i laona nume ni hoꞌo ie, ko niie noꞌone wau mei wala ni saediananga ingeie huniꞌomu. Na aasine a Banabas a Mak nge kirerue mani hute aana e ro mwaasine, a Banabas, a Mak, na ko niie noꞌone saediananga ingeie wau huniꞌomu. Oto mala nou unue kaꞌu oto huniꞌomu, mala uri a Mak ko liu i seemiu, omu ke tolakonie.

Kolosi 4:10 ပူးပေါင်းရင်းမြစ်များ

Palonga 12:12

Oto maholo e kele loꞌo-loꞌongaꞌi i sulie, e si lae wau i nume a Meri nikana a Jon nge ngaeta sata aana a Mak. Na mwala hunge nge kire ruru mei nume huni aarengaꞌi.

Palonga 12:25

Oto maholo a Banabas na Sol kirerue asu mangoa asunge ikirerue aana niilana mei toꞌoha nge kirerue toolea mai hunie soihaadaꞌinge i Jerusalem, kire si eelihoꞌi loꞌu hunie i Antiok. Na maholona nge kirerue toolea noꞌone a Jon, nge ngaeta sata loꞌu aana a Mak.

Palonga 13:13

Lae-lae a Pol na mo iini nge kire hakusirerue kire taꞌe aana ngaeta haka e uure i Pefos huni lae aana poꞌo ni henue i Pampilia, nge kire si lai siho aana huilume i Pega. Na i leune nge a Jon Mak e si lae mwaanie a Pol na Banabas hunie i Jerusalem.

Palonga 13:5

A Jon Mak e hakusirerue huni peꞌirerue, na maholo kire lai hule wau i Saepras aana huilume i Salamis, kire ko si aehota tarohaꞌinie walana God i laona mo nume ni palo-palo mo Jiu.

Palonga 19:29

E kaꞌa tewa na ahutana mwala aana huilume ngeena kire ko maaola-ola oto. Oto kire mani huru weu i saana leu ni maa-maani ola, na ngaeta mo iini aada ko tapolie oto a Gaeas na Aristakas, na kire ko ookerarue oto wau aana leu ni maa-maani ola ngeena. E ro mwane ngeena, kirerue hakusie a Pol uure mwaanie poꞌo ni henue i Masedonia.

Palonga 20:4

Na ngaeta mo iini nge kire hakusie a Pol aana maholona, nga mwane ni Berea a Sopata, kalena a Piras, na e ro mwane ni Tesalonaeka, a Aristakas na a Sekandas, na e ro mwane ni Debe, a Gaeas na a Timoti, na e ro mwane aana poꞌo ni henue i Esia, a Tikikas na a Tropimas.

Palonga 27:2

Ngaeta haka e uure aana huilume i Adramitiam, na ko deu aakau loꞌu huni lae aana ngaeta mo suꞌu aana poꞌo ni henue i Esia. Oto melu ko taꞌe aana haka ngeena peꞌie a Aristakas ngaeta mwane aana huilume i Tesalonaeka aana poꞌo ni henue i Masedonia aana ingeie ko hekusiꞌemeelu noꞌone. Melu meni taꞌe oto, na kire ko lalaaꞌinie oto pwana.

Palonga 4:36

Ngaeta mwane e nii urine oto a Josep, mwane aana komu a Livae nge e uure mai mwaanie mala-malau i Saepras. Mo hurulaꞌaa ko haa-haaraꞌinie aana a Banabas, loꞌongaꞌinge aana uri “Kale ni Haꞌasaedodo.”

Uusu-uusu A Pol Hurula'aa Hunie Mo Rom 16:2

Omu ke takuhie aana satana a Aalaha, oto mala tolahana mo iinoni a God. Na omu ke peꞌie aana taꞌena nga mei ola ko saetoꞌo aana mwaaniꞌomu, aena aana ingeie maraana ko peꞌi-peꞌi diana aana mwala hunge na ko peꞌi diana aaku noꞌone.

Uusu-uusu A Pol Hurula'aa Hunie Mo Rom 16:7

Na omu ke niie noꞌone mei wala ni saediananga ineu hunie a Andronikas na a Jiunia. A mwane ngeena na a keni ngeena, ikirerue ngaeta ro Jiu noꞌone mala ineu, na kirerue oꞌoꞌo kaꞌu peꞌieu i nume ni hoꞌo. Ikirerue ngaeta ro naꞌohai hurulaꞌaa, na ikirerue oto kire holaꞌi hiiwalaimoli aana a Kraes i naꞌoku.

2 Timoti 4:11

A Luk mola e si oore mai peꞌieu ie, aana a Tikikas nou uusungeꞌinie oto wau i seemiu aana huilume i Epesas. Maholo o ko lae mai, o ke toolea oto mai a Mak, aena aana ingeie e sai peꞌi diana aana asunge ineu.

Pilimon 1:23

A Epapras ko iiꞌo noꞌone i nume ni hoꞌo peꞌieu i tehulaꞌana a Jisas Kraes, na ingeie ko niie noꞌone saediananga ingeie huniꞌomu.

Pilimon 1:24

Na mo mwane loꞌu nge kire ko meni esu noꞌone peꞌieu, a Mak, na a Aristakas, na a Demas, na a Luk, kire ko meni niie noꞌone saediananga ikire huniꞌomu.

1 Pita 5:13

Mo iini a God e lio hilisire hunie soihaadaꞌinge mai i Rom kire ko niie noꞌone saediananga ikire wau huniꞌomu. Na a Mak iini domana oto nga kaleku, ko niie noꞌone wau saediananga ingeie huniꞌomu.