Kolosi 3:6 - Tataroha Diana

⁶ Walu ola nge a God e sai saewasu haahiꞌi ni ngeena, na kei haꞌaloie ahutana mwala kire ko heitohea.

Kolosi 3:6 ပူးပေါင်းရင်းမြစ်များ

Uusu-uusu A Pol Hurula'aa Hunie Mo Rom 1:18

Uure i Lengi a God e haataꞌinie oto uri e tohungei saewasu haahie ahutana oorahaꞌaa na tataꞌalanga mwala. A God kei haro haꞌaletehire taane, aena aana mo tataꞌalanga ikire ko deu honosie mola walaimolinge mwaanire maraada na mwaanie ngaeta mwala loꞌu.

Epesas 5:6

Omu ke suꞌuri toliꞌaasie nga iini ke haꞌapweuꞌomu uri mo ola ngeena kire kohi mola, aana a God kei saewasulie mwala nge kire kaꞌa sai tola i sulie, na kei haꞌaloire haahie kire ko esuie mo ola urine.

1 Pita 1:14

Holaꞌinaꞌo, maholo na omu kaꞌa sai diana aana ue nga mei ola, omu talei lae taꞌewau oto mola i sulie saemiu. Taꞌe omu ke suꞌuri lae loꞌu i sulie mo saehanalinge aaela iꞌomu ngeena. !Suꞌuri loꞌu! Taꞌe aana maholo ienini omu ke tola i sulie oto a God mala mo mwela diana ingeie.

2 Pita 2:14

Saeda e painesie mola uri kire ke hele roroꞌanga mola peꞌie mo huꞌe tarau. Kire saꞌa tohungei mamalo ike mwaanie tolahai ola aaela ikire ngeena, na kire sai haꞌa-olaa noꞌone mwala nge hiiwalaimolinge ikire e kaꞌa susu hunie kire ke lae takalo noꞌone. Kire tohungei sai saehanalie noꞌone mo ola ngaeta mwala. Oto aena urine kaꞌu a God e unue oto uri ke haꞌaloire.

Haataꞌinge 22:15

Taꞌe mo iinoni oorahaꞌaa kire saꞌa roroꞌa ni lae ike i laona Aalahanga a God, aana kire ko siꞌo-siꞌo, na kire ko mei-mesi, na kire ko talei horo, na kire ko palo-paloa mo god eero-eero, na kire saetoꞌo aana mo wala ni eeronga na kire ko euꞌesuie eeronga mola tarau.