Kolosi 2:17 - Tataroha Diana

¹⁷ Aana walu ola poꞌoi sinaha ngeena, ikire mo nunui ola mola aana iini toꞌohuu kei lae mai ni ngeena. Na maholo iini toꞌohuu kei hule, nge kolu ke si toliꞌaasie mola mo nunui ola ngeena. Na a Kraes oto iini toꞌohuu, na e hule oto.

Kolosi 2:17 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 1:17

Aana waite a God e niie mo Haꞌatolanga hunie a Mosis hunie ke heꞌi niiꞌi loꞌu hunie mwala, taꞌe a Jisas Kraes maraana ko niie mai manata-diananga na walaimolinge hunikie.

Hibru 10:1

Mo Haꞌatolanga a Mosis ngeena nunune mola mo ola diana ko lae-lae ue mai. Nunui ola ngeena nga mei tohungei ola toꞌohuu haꞌike, aana e kaꞌa sai haꞌa-oodohie ike mwala nge kire ko lae-lae mai peꞌie taꞌa-taꞌa taungei uunu-olanga nge kire ko ooni aana uuraaꞌinge i saana God i suli helisi.

Hibru 8:5

Asunge ikire mala mo pris ngeena ola domana mola nunune nga taa e toꞌohuu oto taꞌau i Lengi ni ngeena. Na kie saie oto leune, aena aana maholo a God e unue uri a Mosis ke asuie nume maaꞌi susulu, nge e haꞌapasulie oto uuri, O ke ariꞌapasie oto uri o ke asuie walu ola ke tohungei sada oto mala nga taa nou haataꞌinie aamu taꞌau i lengine toloi henue. Eksodas 25:40

Hibru 9:9

Walu ola ngeena domana mola nga nunui ola huni haataꞌinie loꞌongaꞌinge aana nga taa ko reu-reu aana maholo ienini. Aana mo uuraaꞌinge na mo uunu-olanga nge mo pris kire lae peꞌi euꞌesuiꞌi hunie a God, kire saꞌa roroꞌa ni esuie ike manatana iinoni ko palo-palo ngeena hunie ke rereꞌa na ke oodotaꞌi.