Kolosi 2:16 - Tataroha Diana

¹⁶ Oto aena aana a Kraes e usuri aasie oto mo roroꞌanga ikie i sulie mo Haꞌatolanga a Mosis, mwaanie omu rorongo hunie mo iini ko sare unue uri omu kaꞌa iiꞌo maaꞌi ike aena aana nga moi taa omu ko ngeu-ngeuꞌi, wa omu ko inu-inuhiꞌi. Na mwaanie omu aapwa-aapwasu loꞌu noꞌone aana mo iini nge ko sare ere aaelasiꞌomu aana omu kaꞌa dau ike mala ikire i sulie mo houlaa maaꞌi i suli helisi, wa mo ngeuhe maaꞌi suli waro-waro, wa mo dinge maaꞌi suli wiki.

Kolosi 2:16 ပူးပေါင်းရင်းမြစ်များ

Matiu 15:11

Mo ngeulaa nge iinoni ko ngeuꞌi kire kaꞌa haꞌamadaꞌaa ike iinonine i maana God, taꞌe mo wala nge ko iisitaa mwaanie ngidune ni ko haꞌamadaꞌaa.”

Tataroha Diana I Sulie A Jisas Kraes Nge A Mak E Uusue 7:19

i sulie kire kaꞌa lae ike i laona manatana, taꞌe kire lae taraꞌasi mola hao i laona oopwana. Oto ko si iisitaa loꞌu mola mwaanie sapena.” (Maholo a Jisas e ere urine e haataꞌinie uri ahutana mo ola ngau-ngeu kire mani rereꞌa mola i maana God.)

Palonga 15:20

Taꞌe hunie hanuelamanga ke iiꞌo i matolaka, e diana hunie kolu ke uusu-uusu mola hunire ni haꞌarongora uri kire ke suꞌuri esuie mo ola e lio mamaꞌelaꞌa aakaelu mo Jiu, mala ngaulana mo ngeulaa nge kire uunu ola aani i saana mo liꞌoa aaela, wa aeni-olanga peꞌie nga iini. Na kire ke suꞌuri ngeue taꞌena nga ola mauri nge liꞌoilana e lae hunie ke mae, na kire ke suꞌuri ngeue noꞌone nga mei epu.

Uusu-uusu A Pol Hurula'aa Hunie Mo Rom 14:10

?Oto, aana e ue kaꞌu o ko leie aasimu maaꞌi? ?Na e ue kaꞌu nge o ko leledie aasimu na o ko loꞌongaꞌinie uri iꞌoe o diana liutaa aana? Leilaka kei lae mola i sulie neꞌisaenga a God, aana ahutaka, kie kei meni uure mola i naꞌona a God hunie leilaka.

Kalesia 4:10

No ko dolosi eemiu urine, aena aana omu ko sare lulu i sulie oto taꞌena nga haꞌatolanga aana mo Dinge Paine mo Jiu, na mo waro-waro, na mo maholoi helisi.

Kolosi 2:20

Omu mae tararuru oto peꞌie a Kraes na luhesilemiu e lae oto mwaanie taꞌena nga nanamanga aana walumalau. ?Oto e ue nge omu ko saronai lae-lae ue i sulie mo haꞌatolanga aana walumalau? ?E ue omu ko saronai hele maꞌutaꞌa ue aana mo haꞌatolanga mala mo iini ienini?

Hibru 13:9

Oto omu ke kinetaꞌiniꞌomu mwaanie taꞌena nga taungei haꞌa-uusulinge aaopa e haꞌatakaloꞌomu mwaanie tohungana tala oodo. Aana tohungei ola nge ko haꞌasusue saeka nge hahuꞌana manata-diananga a God hunikie, na e kaꞌa ike mola mo ngeulaa nge kire unue uri e maaꞌi. Aana tola i sulilana mola mo haꞌatolanga i sulie ngaulaa na walu ola ngeena, kire saꞌa tohungei peꞌie ike mo iini ko lulu i suliꞌi.

Hibru 9:10

Aena aana walu ola ngeena mo ola mola poꞌoi sinaha aana iinoni, mala mo haꞌatolanga i sulie ngaunge na inunge na mo taungei ola mala loto-rereꞌanga. A God e niie mai mo haꞌatolanga ngeena hunie kire ke iiꞌo hule mola aana maholo nge a God kei oolisie taꞌena nga ola hunie ke iiꞌo loꞌu aana tolaha haalu.

Jemes 4:11

Maeni eesiku, omu ke suꞌuri sisiho aana nga iini. Mala omu ko siho aana nga iini i lalo aana Kraes, wa omu ko leie, nge omu ko ere waelie oto haꞌatolanga kire ko lulu i sulie. Urine nge e haataꞌinie omu kaꞌa hele ike i sulie mo haꞌatolanga, taꞌe omu ko sare haꞌapainaꞌaꞌomu loꞌu liutaa aana haꞌatolanga ngeena huni leie.