Kolosi 2:15 - Tataroha Diana

¹⁵ Oto urine a God e taꞌaasie nanamanga mwaanie mo liꞌoa aaela nge kire ko aalaha haahie walumalau. Iau, maelana Kraes e tohungei aꞌailaꞌasire oto, na ko haꞌamasara aana e haataꞌinie hunie walumalau uri ikire mo iini mwaakule mola.

Kolosi 2:15 ပူးပေါင်းရင်းမြစ်များ

Matiu 12:29

Oto a Jisas ko heꞌi ere ni aalahuunge loꞌu i sulie nanamanga ingeie e saka liutaa aana Satan, na ko teꞌuri, “Nga mwane saꞌa sili ike i laona nume ngaeta ramo hunie ke pelie toꞌo-toꞌolana, taꞌe kei holaꞌi tapolie na kei pwesue, nge purine ke si toolea ahutana mo ola ingeie.”

Tataroha Diana I Sulie A Jisas Kraes Nge A Luk E Uusue 10:18

Oto a Jisas e aalamire ko teꞌuri, “Nou leesie taane a Satan e domu uure mwaanie i Lengi mala waꞌariri.

Tataroha Diana I Sulie A Jisas Kraes Nge A Luk E Uusue 11:22

Taꞌe mala uri ngaeta mwane e aꞌailaꞌa loꞌu liutaa aana kei polahie na kei horoꞌie oto, nge mwane aꞌailaꞌa liutaa ngeena kei leue oto mo reisinge a mwaena e puu-puutoꞌo aani ngeena, na ke si niie mola walu ola e tooleꞌi mwaanie nume ngeena hunie mo malahune.

Tataroha Diana I Sulie A Jisas Kraes Nge A Jon E Uusue 16:11

Na kei haataꞌi diana aada uri a God kei saronai leire taane, aana lei-maesilana aalaha aana walumalau ie e pwani lae oto.

Tataroha Diana I Sulie A Jisas Kraes Nge A Jon E Uusue 19:30

Maholo a Jisas e mami aahongana mei waen ahaꞌi ngeena, oto ko si teꞌuri, “E mango oto eena.” Oto e si haꞌatengo-tengoa pwaune na ko mae oto.

1 Korinit 15:24

Oto purihaꞌana haꞌalaa nge haꞌamangolana walumalau kei hite, maholo a Kraes kei haꞌamangoa ahutana mo aalahanga aaopa, na mo inemauri aaopa, na mo nanamanga aaopa. Mango urine, nge a Kraes ke si toliꞌaasie Aalahanga hunie a God Mamaꞌa.

2 Korinit 2:14

Oto no ko paalahea God oto liutaa, aana a Kraes e aꞌailaꞌasie oohotaa, na oto ie melu lado oto peꞌie a Kraes na melu ko lae-lae oto i sulie mala mo koni-konihe ingeie. A God e asu i lalo aameelu hunie tataroha i sulie a Kraes ke lai hule oto aana ahutana mo henue, mala wasuhaꞌana dango wau-wesu nge e tohungei wesu mangoni oto hiitoꞌo e sai hule aana taꞌena nga leu i laona nume.

2 Korinit 4:4

Kire kaꞌa hiiwalaimoli ike aana a Jisas, aena aana aalaha haahie walumalau ienini ko da mola manatada ko rodohono. Oto kire kaꞌa sai leesie ike raa-raangana Tataroha Diana nge ko raa haahire. Kire kaꞌa lio saie ike mei wala melu ko tarohaꞌinie i sulie manikuluhaꞌana a Kraes, iini e tohungei sada oto peꞌie a God.

Epesas 3:10

Na a God e asuie oto urine aana maholo ienini hunie soihaadaꞌinge ke si haataꞌinie taꞌe-taꞌena nga loꞌongaꞌinge diana a God hunie mo ensel na mo liꞌoa na mo aakalo na taꞌena nga iini nanama urine.

Epesas 4:8

Mo Uusu-uusu Maaꞌi e unue uuri, E tapolie mo maelonga ingeie, e si tola mauri aada maholo e tahelaꞌi taꞌau aana leu e lae oto i Lengi, nge e si haꞌa-adoa mo iinoni ingeie aani niinge. Sam 68:18

Epesas 6:12

Aana kie kaꞌa ooho ike honosie mo iinoni, taꞌe kie ko ooho honosie mo liꞌoa aaela, na mo aalahanga aana mo liꞌoa tataꞌala, na mo nanamanga aana rodohono, na taꞌena nga iini aana mae a Pwelu Eero-eero.

Kolosi 1:16

Ingeie oto e haꞌaholaa taꞌena nga ola. E haꞌaholaa taꞌena nga ola taꞌau i Lengi, na mo ola mai aano, na mo ola kie sai leesiꞌi, na mo ola kie kaꞌa sai leesiꞌi ike. Ingeie oto e haꞌaholaa taꞌena nga ensel, na taꞌena nga liꞌoa, na taꞌena nga aalaha, na mo aalahanga ikire, na taꞌena nga iini e nanama loꞌu. Ahutana walu ola ngeena haꞌaholalani e lae aana a Kraes, na nana a Kraes.

Kolosi 2:10

Na aana omu lado oto peꞌie a Kraes, nga mei ola e kaꞌa aiꞌaa ike mwaanie maurihaꞌamiu. Aana ingeie oto e aalaha haahie ahutana mo aalaha na mo ensel na mo aakalo na taꞌena nga liꞌoa nanama taꞌau i Lengi na mai aano.

Hibru 2:14

Oto ikie mo mwela ingeie ngeena, na aena aana ikie mo iinoni oto mola peꞌie mei sapei ola, nge ingeie noꞌone e neꞌi iinoni oto mala ikie. E mae huni mousie nanamanga a Satan, iini e toꞌo aana nanamanga aana maenga.

Haataꞌinge 12:9

taꞌe kire aasire mango oto mai aano i laona walumalau. Painehaꞌana mwaa ala-ala ngeena ola e uure oto mai i naꞌo. Na ingeie kaꞌu kie ko haa-haaraꞌinie a Pwelu Eero-eero wa a Satan. Na ingeie oto iini nge ko eeroa ahutana mwala aana walumalau huni lae i sulie mo tala aaela.

Haataꞌinge 20:10

Oto a Satan nge e eero-eeroa mwala ngeena, kire aasie i laona dunge ni haꞌamotaahinge aana mo heu eeso-eeso, leu nge ola loo-looꞌa ngeena na propet eero-eero ingeie kire iiꞌo aana. Na i leune kire kei iiꞌo i laona haꞌamotaahinge susue aatowaa na rodo na oto huu.