Kolosi 1:4 - Tataroha Diana

⁴ aana melu rongoa uri omu ko hiiwalaimoli aana a Jisas Kraes, na omu ko manata diana hunie ahutana mo iinoni maaꞌi a God.

Kolosi 1:4 ပူးပေါင်းရင်းမြစ်များ

2 Korinit 7:7

Melu kaꞌa ilenimwaꞌe ike mola hahaiteli haahie a Taetas e hule, taꞌe melu ilenimwaꞌe oto noꞌone haahie mei tataroha e unue uri iꞌomu, omu haꞌasaedianaꞌaa noꞌone. E unue oodoiꞌemeelu uri omu ko tohungei sare leesieu loꞌu, na uri omu ko saehuu oto hiitoꞌo haahie nga taa e rau ngeena, na omu ko sare uure mola aana aapa ineu siꞌiri ienini. Oto ineu na no ko tohungei ilenimwaꞌe hiitoꞌo noꞌone.

Kalesia 3:26

Oto omu meni neꞌi kalena a God oto aana omu lado peꞌie a Jisas Kraes aena aana omu hiiwalaimoli aana.

Kalesia 3:28

Oto nga mei ola hunie ke aaopa i matolamiu mo Jiu na mo Aapoloa Aaopa haꞌike loꞌu, wa i matolana mo koni-konihe na mo aalaha, wa i matolana mo mwane na mo keni. Omu meni neꞌie oto e taꞌa-taꞌa iinoni i lalo aana a Kraes Jisas.

Kalesia 5:6

Aana maholo iinoni e lado oto peꞌie a Jisas Kraes, nge maꞌalana e torihesiꞌo wa haꞌike, taꞌe e sada mola na e kaꞌa roroꞌa ike. Taꞌa-taꞌa leu mola e roroꞌa, na leune mola hiiwalaimolinge ikie aana a Jisas Kraes ke si haataꞌi aana manata-diananga hunie mo iinoni.

Epesas 1:15

Aena urinena, uure oto aana maholo nou rongoa uri omu hiiwalaimoli aana Aalaha ikie a Jisas, na uri omu tohungei manata diana hunie mo iinoni a God,

Epesas 6:18

Na omu ke aarengaꞌi tarau na omu ke suke aana a God hunie ke peꞌiꞌomu i suli maholo. Na omu ke iiꞌo aani aarengaꞌinge aana nanamanga a Liꞌoa Maaꞌi. Oto omu ke lio-lio diana, na mwaanie omu toitoliꞌaasie aarengaꞌinge tarau talana ahutana mo iinoni a God.

Kolosi 1:9

Aena urinena, uure aana hai dinge melu rongoa tataroha i suliꞌomu, melu ko lae peꞌi aarengaꞌi talamiu. Na melu ko eitanaie a God uri omu ke sai diana aana nga taa a God e saetoꞌo aana omu ke asuie, na uri omu ke honu mola aana saenanaunge na lio sai-olanga a Liꞌoa Maaꞌi e sai niie hunikolu.

1 Tesalonaeka 1:3

Oto tarau aana aarengaꞌinge iꞌemeelu hunie a God Aamaka, melu ko aamasitoꞌo aana mo tolahai iinoni diana nge omu ko lulu i suliꞌi i sulie hiiwalaimolinge iꞌomu aana a Jisas, na mo weonga iꞌomu i tehulaꞌana omu manata diana hunie a God. Na melu ko loꞌongaꞌinie noꞌone uuranga aꞌailaꞌa iꞌomu aani norutoꞌonga aana a Jisas Kraes Aalaha ikie.

1 Tesalonaeka 3:6

Taꞌe oto ie a Timoti e uure wau i seemiu na e hule aalihoꞌi oto loꞌu mei saameelu peꞌie mei tataroha e diana i sulie hiiwalaimolinge na manata-diananga iꞌomu uri e susu oto ue. E unue oodoiꞌemeelu uri omu sai aamasitoꞌo aameelu noꞌone aana ilenimwaꞌenga mala iꞌemeelu noꞌone, melu ko loꞌongaꞌiniꞌomu na melu ko sasare leesiꞌomu.

2 Tesalonaeka 1:3

Maeni eesiku maaꞌi, melu ko paalahea God mola tarau haahiꞌomu. Na e diana hunie melu ke asuie urine, aana hiiwalaimolinge iꞌomu ko peine aꞌailaꞌa mola i suli maholo, na manata-diananga nge omu toꞌo aana huniꞌomu heiliu ko lae peꞌi peine noꞌone loꞌu tarau.

Pilimon 1:5

No ko aama-aamasitoꞌo aamu sulie no ko rorongoa uri o ko tohungei manata diana liutaa hunie ahutana mwala a God, na hiiwalaimolinge iꞌoe e susu i lalo aana Jisas Aalaha ikie.

Hibru 6:10

Aana leinge a God e oodo oto taꞌingelu na e kaꞌa sai pulongosie ike asunge iꞌomu na manata-diananga nge omu haataꞌinie hunie mwala i tehulaꞌana a Kraes. E lio saie mola uri omu peꞌi-peꞌi diana aana mo iinoni ingeie, na uri omu ko lae-lae ue aana peꞌinge huniꞌomu heiliu.

1 Jon 3:14

Kie manataꞌinie oto uri kie tahisie nanamanga aana maenga na uri kie toꞌo aana oto maurihe. Kie manataꞌinie leune aena aana kie manata diana hunie mo eesike. Taꞌe iini nge manata-diananga haꞌike aana, iini urine e iiꞌo susu ue i mamalutana maenga.

1 Jon 3:23

Na mei haꞌatolanga ingeie ni otona, uri hunie kie ke hiiwalaimoli aana Kalena, a Jisas Kraes, na hunie kie ke manata diana hunikie hailiu, mala e unue oto hunikie.

1 Jon 4:16

Aena urine, kie manataꞌinie manata-diananga nge a God e manata diana hunikie aana, na kie ko norutoꞌo oto aana. A God ingeie oto aahuꞌine manata-diananga, na iini ko iiꞌo susu aana manata-diananga, nge ko iiꞌo susu aana God otona, na a God ko iiꞌo susu oto aana.