Kolosi 1:23 - Tataroha Diana

²³ Taꞌe kei toꞌohuu urine aamiu mola mala uri omu ko tohungei uure aꞌailaꞌa taraꞌasi aani hiiwalaimolinge peꞌi norutoꞌonga, na omu ke maaꞌoohi susutoꞌo mola hunie haiholotaꞌinge a God huniꞌomu nge omu rongoa oto aana Tataroha Diana. Na nou hiiwalaimoli kei toꞌohuu oto urine aamiu. Na tarohaꞌinilana taꞌa-taꞌa Tataroha Diana ngeena ko lae aana taꞌena nga leu i laona walumalau, na ineu a Pol, nou neꞌie koni-konihe aana Tataroha Diana ngeena huni lae peꞌie laeliwalanga aana.

Kolosi 1:23 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Mak E Uusue 16:15

Oto a Jisas ko teꞌuri hunire, “Omu ke lae i sulie ahutana mo henue i laona walumalau, na omu ke tarohaꞌinie Tataroha Diana hunie ahutana mo iinoni.

Tataroha Diana I Sulie A Jisas Kraes Nge A Luk E Uusue 22:32

Taꞌe ineu, no ko aarengaꞌi taane talamu Saemon hunie uri hiiwalaimolinge iꞌoe ke susu. Oto maholo o ko eeliꞌu mei takoieu, o ke si haꞌasusue mo eesimu hunie kire ke aꞌailaꞌa noꞌone.”

Tataroha Diana I Sulie A Jisas Kraes Nge A Luk E Uusue 6:48

e urihana iinoni saenanau e tohue nume ingeie aana e eli kokoro talana mo hunu, na e neꞌie mo heu i poo-pootana mo hunu aana nume ngeena. Oto lae-lae maholo wai kei kone na kei halolo aana nume ngeena, taꞌe hule aana e saꞌa asuleꞌi ike, aena aana e tohu diana aana.

Tataroha Diana I Sulie A Jisas Kraes Nge A Jon E Uusue 15:6

Aana nga iini e kaꞌa iiꞌo susu eeku, aasilana kei lae mola mala sasarai ola aaela, oto ko nunulu mola. Na mo sasarai ola urine, kire ke soꞌokoniꞌi na aasileni ke lae mola i laona dunge hunie ke waru tetehu.

Palonga 1:17

maꞌalana uri ingeie ngaeta iini taane noꞌone aana pulitaa ikolu holaꞌinaꞌo na e auꞌesu taane peꞌikolu.”

Palonga 1:25

hunie ke neꞌi hurulaꞌaa oolisie a Jiudas, iini e toliꞌaasie oto mei iiꞌo-iiꞌoha paine ie, na e lae oto hunie leu aaela nge e malisine ke lae aana.”

Palonga 1:8

Taꞌe maholo Liꞌoa Maaꞌi kei siho oto mai haahiꞌomu, omu ke si honu aana nanamanga huni unu tahangaꞌinieu taꞌau i Jerusalem, na ahutana mo leu i Jiudia, na oto aana poꞌo ni henue i Samaria, na ahusie oto ahutana walumalau.”

Palonga 11:23

Na maholo e lai hule wau i Antiok ko si tohungei ilenimwaꞌe aana e leesie uri a God e haꞌadianaꞌara oto. Na ko si tohungei deu rarahire uri kire ke lulu i sulie oto Aalaha ikie toꞌohuu taraureꞌi.

Palonga 14:22

Na kirerue ko ere-ere peꞌie mo pwaarongoisuli haalu a Jisas aana mo henuena huni ere haꞌasusure hunie hiiwalaimolinge ikire ke susu. Na kirerue ko ere uuri hunire. “Omu ke hiiwalaimoli tarau mola aana a Jisas, aena aana mo maholo hunge kolu kei lae oodoie aasanga purihaꞌana kolu ke si hule aana Aalahanga a God.”

Palonga 2:5

Na mo iini hunge aana mo Jiu kire mani loko poi Jerusalem aana dinge maaꞌi peine ikire ngeena uure mwaanie mo poꞌo ni henue hai aaopaꞌi i laona walumalau aena aana kire ko tohungei sare paloa God.

Palonga 20:24

Taꞌe mauringe ineu e kaꞌa roroꞌa ike hunieu, aana mei naꞌohai ola e roroꞌa hunieu oto uri ne ke haꞌamangoa asunge nge a Jisas Aalaha ikie e niie hunieu hunie ne ke asuie. Na mei esungena oto uri ne ke tarohaꞌinie Tataroha Diana i sulie aamasinge na manata-diananga a God hunikie.

Palonga 26:16

O ke taꞌelaꞌi, na o ke uure hala-hala. No ko haataꞌi huniꞌo siꞌiri hunie o ke neꞌie koni-konihe ineu. O ke laengaꞌinie nga taa o ko leesie aaku siꞌiri, na nga taa ne kei haataꞌinie loꞌu eemu mai puri.

Palonga 4:12

Aana a Jisas mola e sai haꞌa-uurikie mwaanie mo oorahaꞌaa ikie, aena aana a God e kaꞌa niie ike loꞌu satana nga iini aaopa huni haꞌa-uurikie.”

Uusu-uusu A Pol Hurula'aa Hunie Mo Rom 10:18

?Oto e ue aana mo Jiu kire kaꞌa lulu i sulie? ?Uri kire rongoa taane tataroha ngeena? !Iau! Kire rongoa taane, aana tataroha ngeena e loho hailiu urihana nga taa mo Uusu-uusu Maaꞌi e unue i sulie haꞌaholanga uuri, Mei tataroha ngeena e lae kalie walumalau, na mo wala ngeena kire hule oto aana ahutana mo henue i laona walumalau. Sam 19:4

Uusu-uusu A Pol Hurula'aa Hunie Mo Rom 15:16

hunie uri ne ke neꞌi iinoni euꞌesu a Jisas Kraes huni peꞌiꞌomu, mwala nge iꞌomu nga mo Jiu haꞌike. No ko tarohaꞌinie Tataroha Diana uri hunie iꞌomu mo Aapoloa Aaopa, omu ke lae mai i saana God. Oto e urihana no ko esu mala pris aana no ko tooleꞌomu mo Aapoloa Aaopa mai i saana God mala nga uunu-olanga e maaꞌi na a God ko sae mango haahie, aana a Liꞌoa Maaꞌi e haꞌamaaꞌiꞌomu oto nana.

Uusu-uusu A Pol Hurula'aa Hunie Mo Rom 2:7

Mwala nge ko lae peꞌi deu esunge diana, aana kire tohungei saetoꞌo aana uri kire ke iiꞌo huu peꞌie a God, na uri a God ke lae-lahera, na ke haꞌapainaꞌara, mwala ngeena nge a God kei niie maurihe huu nada.

Uusu-uusu A Pol Hurula'aa Hunie Mo Rom 5:5

Na norutoꞌonga ikie ngeena e saꞌa da ike hunie kie ke talei maa-maaꞌoohi mola mwaakule. Aana a God e haataꞌinie oto manata-diananga ingeie hunikie aana e uusungeꞌinie mai Liꞌoa Maaꞌi hunikie.

1 Korinit 15:58

Aena urinena, maeni eesiku maaꞌi, omu ke uure maꞌutaꞌa mola na omu ke suꞌuri esu oolo-oolo. Omu ke asu susuleꞌi mola nana Aalaha ikie. Aana omu saie oto uri nga taꞌa-taꞌa mei ola omu ko euꞌesuie nana Aalaha, e saꞌa mango ike mola mwaakule.

1 Korinit 3:5

?Haꞌalaa nga taa nge loꞌongaꞌinge iꞌomu aamereꞌi a Apolos? Iꞌemereꞌi e ro mwane auꞌesu mola a God ni ngeena. Mere peꞌiꞌomu oto mola hunie omu ke hiiwalaimoli aana a God, aana iꞌemereꞌi, mere asuie mola mo esunge hai aaopaꞌi nge a God e niiꞌi huniꞌemereꞌi huni esuiꞌi.

2 Korinit 10:1

Oto ineu a Pol maraaku no ko eitanaiꞌomu hunie uri omu ke rongo hunieu. Nou rongoa uri ngaeta mo iini eemiu kire ko unue uri nou sai ere hiitoꞌo huniꞌomu mola aani uusu-uusu maholo nou iiꞌo haꞌatauliꞌomu, taꞌe no ko meꞌu ni ere urine maholo nou iiꞌo peꞌiꞌomu. !Haꞌike! Taꞌe no ko heimaanie tolahana a Kraes aana ingeie e saemamae na e lai maneko

2 Korinit 11:23

Kire ko unue uri ikire oto mo koni-konihe a Kraes. No ko ere loꞌu mala iinoni e pweu, taꞌe ineu oto nou tohungei esu mala koni-konihe a Kraes loꞌu liutaa aada. I tehulaꞌana asunge a Kraes ienini nou sapesalu oto hiitoꞌo liutaa aada. Ineu oto nou iiꞌo i nume ni hoꞌo mo maholo hunge liutaa aada. Ineu oto kire wini-winieu hiitoꞌo liutaa aada. Ineu oto nou karaꞌi mae mo maholo hunge liutaa aada.

2 Korinit 3:6

Aana ingeie oto e da melu ke adona mei esunge mala mo koni-konihe ingeie huni tarohaꞌinie haiholotaꞌinge haalu e asuie peꞌikie mo iinoni. Na haiholotaꞌinge haalu ngeena e kaꞌa ola ike mola aana lulu i sulilana mo Haꞌatolanga, taꞌe aana lulu i sulilana a Liꞌoa Maaꞌi. I tehulaꞌana mo Haꞌatolanga a Mosis, a God kei leie ahutana mo iinoni hunie maenga, taꞌe i tehulaꞌana Liꞌoa Maaꞌi, mwala e sai oodoie maurihe huu.

2 Korinit 4:1

A God e tohungei aamasiꞌemeelu maholo e niie mei esunge ienini hunie melu ke tarohaꞌinie Tataroha Diana a Kraes, na aena urinena nge melu kaꞌa aakohe ike mwaanie.

2 Korinit 6:1

Oto aani esunge tararuru peꞌie a God, melu ko eitanaiꞌomu, mo iini omu hele aana oto niinge paine a God ngeena, mwaanie omu toliꞌaasie niinge paine ngeena e totowai mola.

Kalesia 4:11

Oto no ko tohungei maarara mola mwaanie uri nou haꞌaweoau mola peꞌiꞌomu.

Kalesia 5:5

Taꞌe Liꞌoa Maaꞌi ko haꞌawalaimoliꞌaa hunikie uri a God ko haꞌa-oodohikie aena aana kie norutoꞌo mola aana a Jisas.

Kalesia 5:7

Holaꞌinaꞌo omu lae-lae kohi taane oto peꞌie hiiwalaimolinge aana a Kraes. ?A tei ni e heꞌi da loꞌu omu rohu mwaanie lulu i sulilana mo wala toꞌohuu ngeena?

Kalesia 6:9

Oto kie ke suꞌuri poosuaꞌa aana asuilana mo ola diana, aana kie kei hele aana soꞌokoninge aana maurihe huu taane aana maholo hunie, mala uri kie kaꞌa lalawasie ike.

Epesas 1:18

Nge no ko eitanaie a God hunie ke tahanie saemiu, hunie omu ke lio saie taꞌena nga ola diana nge e haiholotaꞌi huni niiꞌi hunikie, mwala ingeie. Na kie ko maaꞌoohi susutoꞌo peꞌi norutoꞌonga aana God hunie walu ola ngeena.

Epesas 2:21

Na a Kraes oto e hele maꞌutaꞌa aana ahutana nume ngeena loko-loko, na ko da nume ngeena ko si peine na ko neꞌi nume maaꞌi nana Aalaha.

Epesas 3:17

na hunie a Kraes ke iiꞌo susu i laona manatamiu aani hiiwalaimolinge aana. No ko eitanai talamiu uri manata-diananga a Kraes huniꞌomu ke neꞌi imi-imine mauringe iꞌomu hunie omu ke uure maꞌutaꞌa.

Epesas 4:16

na ingeie oto ko konie taꞌena nga sasarai ola aana tohungana leu talana, na ko hele maꞌutaꞌa aana mei sape ngeena. Oto maholo mo sasarai ola aana ko esu diana aana mo euꞌesunge hai aaopaꞌi ikire, nge mo ladoha kei aꞌailaꞌa na kire sai peꞌie loꞌu ngaeta mo sasarai ola. Oto ahutana mei sape laku ngeena kei awaa, na kei lae peꞌi peine loꞌu, na kei honu mola aana manata-diananga.

Kolosi 1:25

A God ni e lio hilisieu hunie ne ke neꞌi iinoni euꞌesu aana soihaadaꞌinge huni peꞌiꞌomu urine. Na asunge ineu oto huni unu tahangaꞌinie taꞌena nga ola aana Tataroha Diana.

Kolosi 2:7

Omu ke iiꞌo susu oto i lalo aana Kraes mala nga ai imi-imine e susu i aano. Na hiiwalaimolinge iꞌomu ke susu na ke aatosara loꞌu aana mo ola nge haꞌa-uusulilemiu e lae aani, na omu ke paa-paalahea God taraureꞌi suli maholo.

1 Tesalonaeka 3:3

Melu sereꞌinie uri nga iini eemiu ke toli puri aana hiiwalaimolinge ingeie i tehulaꞌana taungeꞌinilemiu nge ko lae ngeena. Iꞌomu maraamiu na omu saie oto uri taungei ola mala ngeena kei reu urine aaka,

1 Tesalonaeka 3:5

Aena mei olana nge nou tohungei tolahiꞌe aana, na nou uusungeꞌinie oto wau a Timoti hunie ke lae oto wau i leesie hiiwalaimolinge iꞌomu e uri taa. Aana nou maarara mwaanie uri omu domu aana maholo a Pwelu Eero-eero e malaahongamiu, na urine asunge iꞌemeelu namiu e totowai mola.

1 Tesalonaeka 5:8

Taꞌe aana ikie mo iini oto aana aatowaa, e malisine uri kie ke iiꞌo aakau na kie ke lio-lio talaka aani haꞌahili-hilinge. Mala nga ramo ko deu aakau hunie oohotaa, nge ikie noꞌone kie ke dau aakau urine. Mo ramo kire sai hoꞌosie mo toꞌoni ni oohotaa huni kinetaꞌinie mamangoda, na urine loꞌu ikie noꞌone kie ke iiꞌo aakau aani hiiwalaimolinge aana Jisas na aani manata-diananga hunikie hailiu. Na mala nga ramo ko kinetaꞌinie pwaune aana ko hoꞌosie paraimaa ni oohotaa, nge urine ikie noꞌone kie ke kinetaꞌinie loꞌongaꞌinge ikie aani norutoꞌonga uri a Kraes kei haro haꞌa-uurikie taane.

2 Tesalonaeka 2:16

Oto melu ko eitanai uri Aalaha ikie a Jisas Kraes na a God Aamaka, ke haꞌasusue saemiu na ke haꞌa-aꞌailaꞌaꞌomu hunie taꞌena nga mei ola diana omu ko esuie wa omu ko unue. Na kei toꞌohuu oto aana melu saie oto uri e tohungei manata diana hunikie na haꞌasusulaka e saꞌa mou-mou ike oto ooꞌoo, na haiholotaꞌinge ingeie hunikie e tohungei diana na kie sai nou-norue oto mola haliꞌite.

1 Timoti 1:12

No ko tohungei paalahea a Kraes Jisas Aalaha ikie, aana e norutoꞌo aaku na e haaraieu huni esu nana, na loꞌu e niie aꞌailaꞌanga malisine asunge ngeena nakue.

1 Timoti 2:7

Aena urine nge lio hilisileku e lae huni houleꞌinie Tataroha Diana na huni neꞌi hurulaꞌaa. No ko ere toꞌohuu na nou kaꞌa eeroꞌo ike uri lio hilisileku e lae huni haꞌa-uusulie mo Aapoloa Aaopa nge ikire nga mo Jiu haꞌike hunie uri kire ke saie walaimolinge na kire ke hiiwalaimoli aana.

1 Timoti 3:16

Kie ko unu haꞌa-oaie uri mo haꞌa-uusulinge nge a God e haataꞌiniꞌi oto aaka kire toꞌohuu taꞌingelu, na kie ko kana i sulie walaimolinge ngeena uuri. Nou hiiwalaimoli aana iini nge e neꞌi iinoni, e haataꞌi hunikie, a Liꞌoa Maaꞌi e haataꞌinie uri e oodotaꞌi. Mo ensel kire leesie, houleꞌinilana e lae hunie mo Aapoloa Aaopa. Ahutana walumalau e hiiwalaimoli aana, tahelaꞌinilana e lae oto taꞌau i Lengi.

Taetas 3:7

Na aena aana a Jisas e aamasikie, nge e haꞌarereꞌakie hunie kie ke iiꞌo rereꞌa i naꞌona, na e haiholotaꞌi hunikie uri kie kei haro toꞌo aana maurihe huu.

Hibru 10:38

Na iinoni e oodotaꞌi i maana God i tehulaꞌana hiiwalaimolinge, nge haꞌalaa kei meuri huu. Taꞌe mala uri ko duꞌe aalihoꞌi mwaanie, nge a God e saꞌa ilenimwaꞌe ike haahie. Habakuk 2:3-4

Hibru 3:14

Aana kie kei meni aalaha peꞌie a Kraes mala uri kie kei hele susuleꞌi mola aana hiiwalaimolinge nge kie holaꞌi hele aana lae hule i haꞌamangolana.

Hibru 3:6

Taꞌe a Kraes mone Kalena God, na ingeie oto ko aalaha haahie uluhe aana nume a God, na ko tohungei lio i suli diana aana. Na ikie oto uluhe aana nume a God ngeena, mala uri kie kaꞌa mou-mou ike aani hiiwalaimolinge na kie ko maaꞌoohi susutoꞌo peꞌie norutoꞌonga aana Kraes oto taraureꞌi.

Hibru 4:14

Kie toꞌo aana oto nga Hahuꞌana Naꞌohai Pris nge e nanama liutaa, na e lae oto i laona Hahuꞌana Leu Maaꞌi taꞌau i Lengi, na ingeie oto a Jisas, Kalena God. Oto kie ke hele maꞌutaꞌa aana hiiwalaimolinge aana.

Hibru 6:19

Aana haiholotaꞌinge a God ngeena domana oto uri nga hunata maꞌutaꞌa hunie maurihaꞌaka ni ngeena. Na hunata ngeena e kaꞌa sai ada loꞌu, aana a Jisas ni ngeena, na ingeie oto taꞌau aana tohungana leu maaꞌi i saana God.

1 Pita 1:3

E hahuꞌei diana hunie kie ke paalahea God, Aamana Aalaha ikie a Jisas Kraes. Aena aana aamasinge ingeie hunikie mone e haꞌahutekie loꞌu hunie mauringe haalu. Oto i tehulaꞌana taꞌelaꞌinge a Jisas Kraes mwaanie maenga, nge kie toꞌo aana mei heiholotaꞌinge diana nge kie tohungei norutoꞌo oto aana.

1 Pita 1:5

Omu hiiwalaimoli oto aana God, na ingeie ni ko lio i suli diana aamiu oto aana nanamanga ingeie. Ke lio i suliꞌomu lai hule aana dinge ooreta, maholo nge a God kei haataꞌinie hunie walumalau uri ingeie ni ko haꞌa-uuriꞌomu.

1 Jon 2:27

Taꞌe iꞌomu, nou saie uri omu saꞌa rongo ike hunire aana a Kraes e neꞌie Liꞌoa Maaꞌi oto i lalo aamiu. Na aena aana ko iiꞌo taraꞌasi i lalo aamiu, omu kaꞌa saetoꞌo aana ike loꞌu nga iini hunie ke haꞌa-uusuliꞌomu, aana Liꞌoa Maaꞌi ko haꞌa-uusuliꞌomu oto aana ahutana walu ola, na nga taa ko haꞌa-uusuliꞌomu aana, e toꞌohuu na nga eeronga haꞌike. Oto omu ke iiꞌo susu i lalo aana a Kraes mala a Liꞌoa Maaꞌi e haꞌa-uusuliꞌomu.

Haataꞌinge 2:10

Mwaanie omu meꞌu-meꞌuteꞌinie nga mei ola aana walu ola nge karaꞌinie oto kire kei reu eemiu ngeena. !Omu ke rongo kaꞌu! A Pwelu Eero-eero kei malaahongamiu na kei aasie ngaeta mo iini eemiu i laona nume ni hoꞌo, na taungeꞌinilemiu kei lae mola i sulie aawalai hei dinge haahuu. Omu ke hele susuleꞌi mola aaku lai hule aana maenga, oto ne kei niie huniꞌomu rorodara ni meurihe.