Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kolosi 1:12 - Tataroha Diana

12 Na maꞌalana omu ke siꞌohaꞌa loꞌu uri taa, taꞌe omu ke paa-paalahea mola a Mamaꞌa aana e da kie ke malisine nga aapa aana nga taa a God e loohaꞌinie hunie mwala ingeie taꞌau i laona Aalahanga ni Matapwanga.

အခန်းကိုကြည့်ပါ။ ကော်ပီ




Kolosi 1:12
50 ပူးပေါင်းရင်းမြစ်များ  

“Oto ineu, a Inemauri, ne ke si unue hunie mo iini oodotaꞌi nge ikire i pwalo-pwaloku uuri, ‘Omu ke lae mai mo iini nge a Mamaꞌa e niie haꞌadianaꞌanga ingeie oto huniꞌomu. Omu ke hele huu oto namiu aana aalahanga nge a Mamaꞌa e dau aakau aana loosiꞌomu, uure oto aana haꞌaholalana walumalau.


A Jisas e aalamie oto ko teꞌuri, “Ineu oto tala, na walaimolinge, na maurihe. Nga tala aaopa hunie nga iini ke lae loꞌu i sulie takoie a Mamaꞌa haꞌike, taꞌe ko liu i seeku haꞌalaa.


Oto a Jisas ko si teꞌuri hunie a Meri, “Mwaanie o hele-hele aaku urine aana nou kaꞌa tahelaꞌi ue i saana Aamaku. Taꞌe saeku o ke lae i haꞌarongoa mo pwaarongoisuli ineu uri no ko tahelaꞌi i saana Aamaku na Aamamiu, na God ineu na God iꞌomu.”


Na maholo ko nanauhie oto mai, na e hule mone oto, hunie mwala ke palo-paloa a God Mamaꞌa oto toꞌohuu aani sae na aani walaimolinge. Aana a Mamaꞌa e tohungei saetoꞌo aana mo iini kire ko palo-paloa urine.


Oto no ko neꞌiꞌomu i laona kinetaꞌinge a God. Aamasitoꞌo diana aana mei wala i sulie aamasinge paine ingeie. Aana mei wala ngeena e sai haꞌa-aꞌailaꞌaꞌomu, na e sai haꞌadianaꞌaꞌomu aana walu ola diana nge e toꞌo aani hunie mo iinoni ingeie.


hunie o ke tahanie maada hunie kire ke leesie matapwanga na mwaanie kire iiꞌo loꞌu i laona rodohono. Na hunie kire ke lae takoie a God mwaanie nanamanga a Satan. Na maholo kire kei hiiwalaimoli eeku, a God kei saeꞌaasie mo oorahaꞌaanga ikire na kire kei iiꞌo oto peꞌie mo iini nge a God e lio hilisire.’


Kira Ebraham kire urihana mo imi-imine nga tohungei ei hungu-hungu nge a God e saetoꞌo aana oto liutaa. Taꞌe maꞌalana mo Jiu kire neꞌie ai diana a God urine, a God e hali aasie oto mo sasarai ola hunge mwaanie ai ngeena, aena aana e leledie oto mo Jiu nge kire sereꞌinie a Kraes. Na iꞌomu, maꞌalana uri omu urihana mola mo sasarai ola aana ai ni meꞌesu, taꞌe a God e neꞌiꞌomu aana leu oolisie mo sasarai ola e taꞌaasiꞌi oto, na e ladoꞌomu oto aana ai diana ngeena. Oto aana maholo ienini, iꞌomu noꞌone omu sai helesie taꞌena nga ola diana ko lae-lae mai uure mwaanie mo Jiu.


Ikire maraada ni kire loꞌongaꞌi ni esuie leune urine, aana e urihana kire kaoni aana mo Jiu na e roroꞌaire noꞌone huni peꞌie mo meitale taꞌau i Jerusalem, aena aana mo Jiu oto ni kire holaꞌi peꞌire aana mo ola diana hunie maurihaꞌai. Oto mwala nge ikire nga mo Jiu haꞌike, e malisine mola kire ke peꞌie loꞌu mo Jiu aani niilana mo ola diana hunie mauringe mai welumalau.


Na aena aana ikie oto maeni kalena, kie kei helesie oto ahutana toꞌo-toꞌolana a God nge e loohaꞌiniꞌi nana a Kalena, a Kraes, na e loohaꞌiniꞌi noꞌone naka mo eesine a Kraes, aana ikie noꞌone mo kalena God. Kie kei helesie oto noꞌone manikuluꞌanga taꞌau i Lengi nge a Kraes e hele aana oto, aena aana ikie, kie ko sapesalu noꞌone mala a Kraes e sapesalu keꞌu.


Na leu i sapena loꞌu, mala uri ko sare haataꞌinie oto manikuluhaꞌana aana mwala nge e aamasire. Mwala nge e aamasire ngeena, ikire oto e lio hilisire hunie kire ke iiꞌo peꞌie aana leu e manikuluꞌe taꞌau i Lengi.


Taꞌe maꞌalana e urine, kie toꞌo aana mola e taꞌa-taꞌa God. Ingeie oto Aamaka nge e haꞌaholaa taꞌena nga ola, na ingeie oto iini kie ko meu-meuri huni haꞌapainaꞌaa. Na kie toꞌo aana mola e taꞌa-taꞌa Aalaha. Ingeie oto a Jisas Kraes nge haꞌaholalana taꞌena nga ola e lae aana, na aena aana ingeie mone kie ko si meu-meuri.


No ko euꞌesuie ue mo olana hunie Tataroha Diana tarohaꞌinilana ke lae taraꞌasi, na hunie ke mwadaꞌusieu hunie ne ke toolea haꞌadianaꞌanga mwaanie Tataroha Diana.


Na leune e kaꞌa ola ike huni pangataꞌinie, aena aana hule aana a Pwelu Eero-eero e sai haꞌakolo noꞌone hunie ke lio oto mala nga ensel ni raa-raa.


Na a God e pwaokie oto hunie ke urine, na e niie oto Liꞌoa Maaꞌi hunikie huni haataꞌinie uri leune kei reu oto toꞌohuu taane aana maholo hunie.


Na loꞌu, i tehulaꞌana a Kraes e lio hilisikie, nge kie neꞌi iinoni oto ingeie. Na leune a God e asuie oto, mala oto ko esuie walu ola i sulie oalaꞌinge na loꞌongaꞌinge ingeie.


Nge no ko eitanaie a God hunie ke tahanie saemiu, hunie omu ke lio saie taꞌena nga ola diana nge e haiholotaꞌi huni niiꞌi hunikie, mwala ingeie. Na kie ko maaꞌoohi susutoꞌo peꞌi norutoꞌonga aana God hunie walu ola ngeena.


Na aena aana nga taa a Kraes e asuie, iꞌemi mo Jiu oto peꞌiꞌomu mo Aapoloa Aaopa, kie sai meni lae oto mai i saana Aamaka mola aana nanamanga aana e taꞌa-taꞌa Liꞌoa.


Mei oalaꞌinge mumuni ngeena e unue uri iꞌomu mo Aapoloa Aaopa nge iꞌomu nga mo Jiu haꞌike, omu sai neꞌie taꞌa-taꞌa komu na e taꞌa-taꞌa mei sape peꞌiꞌemi mo Jiu, aana omu hiiwalaimoli noꞌone aana Tataroha Diana. Na urine nga taa nge a God e haiholotaꞌinie uri kei niie mai huniꞌemi i tehulaꞌana a Jisas Kraes, iꞌomu omu kei toꞌo aana noꞌone.


Kie ko meni paalahea mola e taꞌa-taꞌa God, aana ingeie oto Aamana ahutaka. Ingeie e paine haahie ahutaka, na ko meu-meuri i lalo aaka huni esuie nga taa ko sare asuie mai i laona walumalau.


Omu ke suꞌuri esuie mo ola aana rodohono nge kire neꞌi ola aaela. Taꞌe omu ke haataꞌinie mola aana mwala uri tolahai ola ngeena e kaꞌa kohi ike.


Na omu ke paalahea God Mamaꞌa tarau haahie taꞌena nga ola aana satana Aalaha ikie a Jisas Kraes.


Na e kaꞌa adona ike noꞌone uri omu ke talei unu-unue mo wala aaela, wa mo erenga ni pweu, wa mo haꞌa-eeronga aaela. Taꞌe nga taa e malisine uri omu ke ere i sulie oto, huni paalahea mola a God.


Holaꞌinaꞌo iꞌomu maraamiu omu oꞌoꞌo kaꞌu noꞌone i laona rodohono, taꞌe aena aana omu neꞌi iinoni oto a Aalaha, oto omu iiꞌo oto i laona raa-raa. Oto omu ke dau diana oto mala mwela aana raa-raa,


No ko esu urine huni haꞌadodoa saemiu, na hunie omu ke mani manata diana huniꞌomu heiliu. Saeku uri omu ke manataꞌinie taꞌingelu tohungana saenanaunge, na omu manataꞌinie taane mala uri omu ko sai diana aana a Kraes. Ingeie oto aahuꞌine mei saehaahinge a God nge e iiꞌo mumuni keꞌu holaꞌinaꞌo.


A God e soiꞌomu tararuru hunie omu ke iiꞌo aana hanuelamanga i lalo aana taꞌa-taꞌa mei sape, na mwaanie omu kele waelie hanuelamanga nge a Kraes e niie huniꞌomu ngeena, taꞌe hanuelamanga ngeena ke aalaha haahie neꞌisaenga iꞌomu. Na omu ke paa-paalahea God tarau.


Oto taꞌe-taꞌena nga ola omu ko euꞌesuie, wa omu ko unu-unue, omu ke asuie mala iinoni a Aalaha ikie a Jisas. Na omu ke paalahea a God Aamaka tarau i tehulaꞌana a Kalena.


aana e toliꞌaasie maraana hunie ke mae honotaka, na hunie ke tola aalihoꞌi aaka mwaanie mo oorahaꞌaanga ikie. E haꞌarereꞌakie oto hunie kie ke neꞌi iinoni oto ingeie, hunie kie ke tohungei iiꞌo oodotaꞌi aani esuilana mo ola diana oto tarau.


Kie lae mai aana lokonga aana soihaadaꞌinge ikie mo naꞌohai mwela a God nge sataka oto i laona uusu-uusu aana mo iini kire kei iiꞌo taꞌau i Lengi. Na kie lae oto mai i saana God, iini kei leie ahutana mwala, na kie iiꞌo oto peꞌie maurihaꞌana mwala diana holaꞌinaꞌo nge a God e taꞌaasie oto taꞌena nga aaelanga mwaanire.


Oto maeni eesiku maaꞌi, a God e mani soikie oto i saana taꞌau i Lengi, oto omu ke lolodosae i sulie a Jisas, iini nge kie ko meni houleꞌinie uri ingeie oto naꞌohai Hurulaꞌaa nge ko tarohaꞌinie walana God hunikie, na ingeie oto Hahuꞌana Naꞌohai Pris ikie.


Aana kie kei meni aalaha peꞌie a Kraes mala uri kie kei hele susuleꞌi mola aana hiiwalaimolinge nge kie holaꞌi hele aana lae hule i haꞌamangolana.


Ikie, kie sai huꞌisie meaka huni haꞌapainaꞌaa a God Aamaka, taꞌe kie ko heꞌi waelie loꞌu mo iinoni aana, mo iini nge a God e haꞌaholara i sulie nunune.


Oto no ko sare unue ngaeta mei wala ni haꞌananaunge huniꞌomu mo naꞌohai mwane aana soihaadaꞌinge. Ineu ngaeta naꞌohai mwane aana soihaadaꞌinge noꞌone mala iꞌomu, na hule aana nou sai ere haꞌawalaimoliꞌaa uri Tataroha Diana i sulie a Kraes e toꞌohuu aana ineu maraaku nou leesie kaꞌu sapesalunge a Kraes. Na nou saie uri ineu noꞌone ne kei toꞌo aana manikuluꞌanga a God aana maholo a Kraes kei ooli loꞌu mei.


Melu ko haꞌarongoꞌomu urine aana nga taa melu leesie na melu rongoa, hunie uri iꞌomu noꞌone omu ke iiꞌo ruru peꞌiꞌemeelu aana iiꞌo-rurunge peꞌie a Mamaꞌa na a Kalena, Jisas Kraes.


Na loꞌu, hanuena e kaꞌa saetoꞌo aana ike sato wa waro-waro ke raa-raangie aena aana manikuluhaꞌana a God taane oto matapwanga aana, na a Kalei Sipu taane oto raa-raa hunie hanuena.


“Deidehie mo iini kire hoda rereꞌa aana mo toꞌoni ikire, aana ikire oto kire kei lai sili i laona maaꞌi para aana Jerusalem Haalu ngeena, na kire kei ngeue hue-huana ai ni meurihe.


Nga rodohono haꞌike loꞌu taꞌau, na kire saꞌa hari hunie loꞌu nga raa-raa aani dunge wa sato hunie ke raangire, aena aana a God Aalaha oto kei niie raa-raa nada. Na kire kei aalaha mala mo inemauri oto huu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ