Kolosi 1:11 - Tataroha Diana

¹¹ Melu ko eiꞌeitanaie a God hunie ke haꞌa-aꞌailaꞌaꞌomu aana nanamanga ingeie e saka na e manikuluꞌe, mwaanie omu aakohe maholo siꞌohaꞌanga kei hite aamiu, taꞌe omu ke maaꞌoohi susutoꞌo mola peꞌie ilenimwaꞌenga.

Kolosi 1:11 ပူးပေါင်းရင်းမြစ်များ

Palonga 1:8

Taꞌe maholo Liꞌoa Maaꞌi kei siho oto mai haahiꞌomu, omu ke si honu aana nanamanga huni unu tahangaꞌinieu taꞌau i Jerusalem, na ahutana mo leu i Jiudia, na oto aana poꞌo ni henue i Samaria, na ahusie oto ahutana walumalau.”

Palonga 5:41

Mo hurulaꞌaa kire lae mwaanie pulitaa ni lei-lei, kire ko tohungei ilenimwaꞌe oto liutaa, aena aana a Jisas e haataꞌinie uri kire ado taane huni sapesalu i tehulaꞌana satana.

Uusu-uusu A Pol Hurula'aa Hunie Mo Rom 2:7

Mwala nge ko lae peꞌi deu esunge diana, aana kire tohungei saetoꞌo aana uri kire ke iiꞌo huu peꞌie a God, na uri a God ke lae-lahera, na ke haꞌapainaꞌara, mwala ngeena nge a God kei niie maurihe huu nada.

1 Korinit 16:13

Omu ke lio talamiu na omu ke hiiwalaimoli ngaingedi. Omu ke suꞌuri meꞌu, taꞌe omu ke uure maꞌutaꞌa.

2 Korinit 4:7

Iꞌemeelu, melu kaꞌa roroꞌa ike, taꞌe Tataroha Diana melu ko tarohaꞌinie e paine oto liutaa. Mo sapei ola melu toꞌo aani ie kire kaꞌa neꞌie ike nga mei ola, na melu urihana mola mo kao-kao kire asuiꞌi aani mwakano. Taꞌe melu toꞌo aana taane dianahaꞌana a God mola i laona mo kao-kao aaela ngeena, aana melu ko tarohaꞌinie Tataroha Diana a Kraes. Na leune e haataꞌinie uri nanamanga e manikuluꞌe ngeena e kaꞌa ola ike iꞌemeelu, taꞌe mei ola a God.

Epesas 3:16

No ko eitanaie a God nge e tohungei menikuluꞌe na e nanama oto liutaa, uri hunie Liꞌoa ingeie ke niie mai nanamanga huniꞌomu, hunie omu ke aꞌailaꞌa i laona saemiu,

Epesas 4:2

Omu ke haꞌamwai-mweiꞌaꞌomu tarau, na omu ke toli rako peꞌie mwala. Omu ke saemamae mola, na omu ke haataꞌinie manata-diananga iꞌomu huniꞌomu heiliu aani saeꞌaasilana nga moi taa kire dau huꞌisiꞌomu eeni.

Epesas 6:10

Oto taꞌa-taꞌa mei ola no ko sare unue loꞌu. Omu ke uure maꞌutaꞌa peꞌie aꞌailaꞌanga a Aalaha nge omu lado oto peꞌie, aana ingeie oto e toꞌo aana nanamanga e paine liutaa.

Pilipae 4:13

Ko lae urine aena aana nanamanga nge a Kraes e niie hunieu, nge ko haꞌa-aꞌailaꞌaau huni lio oodoie taꞌena nga ola kei reu eeku.

2 Pita 1:6

na omu ke sapeie loꞌu kinetaꞌinge aana tolahamiu, na omu ke sapeie loꞌu mei tolahai esunge taraꞌasi aani hiiwalaimolinge, na omu ke sapeie loꞌu iiꞌonga maaꞌi,

Jiud 1:25

Ingeie oto e taꞌa-taꞌa God mou-mouteꞌi a Haꞌa-uuritaka. Oto kie ke haꞌapainaꞌaa aena aana i tehulaꞌana a Jisas Kraes Aalaha ikie, e toꞌo aana taꞌena nga manikuluꞌanga, na aalahanga, na sakanga, na nanamanga uure oto waite, na oto molana, na oto di.

Haataꞌinge 14:12

Oto aena urinena, e malisine mo iini maaꞌi a God ke hele susuleꞌi aana hiiwalaimolinge ikire i lalo aana Jisas na aana tola i sulilana mo haꞌatolanga a God.