Kalesia 6:9 - Tataroha Diana

⁹ Oto kie ke suꞌuri poosuaꞌa aana asuilana mo ola diana, aana kie kei hele aana soꞌokoninge aana maurihe huu taane aana maholo hunie, mala uri kie kaꞌa lalawasie ike.

Kalesia 6:9 ပူးပေါင်းရင်းမြစ်များ

Matiu 10:22

Na ahutana mwala kei teungeꞌiniꞌomu aena aana omu ko lulu i sulieu. Taꞌe iini nge kei uure aꞌailaꞌa taraꞌasi aani hiiwalaimolinge lai hule aana haꞌamangolana, nge a God ke si haꞌa-uurie.

Matiu 24:13

Taꞌe iini nge kei uure aꞌailaꞌa taraꞌasi aani hiiwalaimolinge lai hule aana haꞌamangolana, nge a God ke si haꞌa-uurie.

Matiu 25:17

Iini e hele aana e ro mwaꞌii toꞌoha, na e urine loꞌu. E lai deu esunge noꞌone, oto ko terie loꞌu ngaeta ro mwaꞌi loꞌu haahie e ro iini e hele aani.

Matiu 9:19

Oto a Jisas e taꞌelaꞌi ko lae i sulie, na mo pwaarongoisuli ingeie oto noꞌone peꞌie.

Tataroha Diana I Sulie A Jisas Kraes Nge A Mak E Uusue 3:3

Oto a Jisas ko teꞌuri hunie mwane kiꞌine e heko ngeena, “O ke uure kaꞌu i naꞌona mwala.”

Tataroha Diana I Sulie A Jisas Kraes Nge A Luk E Uusue 18:1

Oto a Jisas e ere ni aalahuunge huni haataꞌinie aana mo pwaarongoisuli ingeie uri kire ke aarengaꞌi tarau mwaanie kire aakohe na mwaanie kire mou-mou mwaanie.

Uusu-uusu A Pol Hurula'aa Hunie Mo Rom 2:7

Mwala nge ko lae peꞌi deu esunge diana, aana kire tohungei saetoꞌo aana uri kire ke iiꞌo huu peꞌie a God, na uri a God ke lae-lahera, na ke haꞌapainaꞌara, mwala ngeena nge a God kei niie maurihe huu nada.

1 Korinit 15:58

Aena urinena, maeni eesiku maaꞌi, omu ke uure maꞌutaꞌa mola na omu ke suꞌuri esu oolo-oolo. Omu ke asu susuleꞌi mola nana Aalaha ikie. Aana omu saie oto uri nga taꞌa-taꞌa mei ola omu ko euꞌesuie nana Aalaha, e saꞌa mango ike mola mwaakule.

2 Korinit 4:1

A God e tohungei aamasiꞌemeelu maholo e niie mei esunge ienini hunie melu ke tarohaꞌinie Tataroha Diana a Kraes, na aena urinena nge melu kaꞌa aakohe ike mwaanie.

2 Korinit 4:16

Aena urinena melu saꞌa mou-mou ike aani tarohaꞌinilana a Jisas. Maꞌalana uri sapemeelu ke lae peꞌi aaela loꞌu, taꞌe maurihaꞌameelu poꞌo i lalo ko lae peꞌi haꞌahaalu taane tarau suli dinge.

2 Korinit 9:6

Omu ke sai diana aana uri nga iini nge ko hesie mola tootaꞌi kele litei ola, kei soꞌokonie noꞌone mola tootaꞌi kele hue-huei ola mwaaniꞌi. Na nga iini ko hesie mo litei ola hunge nge kei soꞌokonie mo hue-huei ola hunge noꞌone mwaaniꞌi.

Epesas 3:13

Oto no ko sare ere haꞌasusuꞌomu mola mwaanie omu aakohe aana maholo omu ko leesie uri no ko sapesalu haahiꞌomu, aana no ko esuie urine uri hunie omu ke iiꞌo ni menikuluꞌe taꞌau i Lengi ni ngeena.

2 Tesalonaeka 3:13

Taꞌe iꞌomu, maeni eesiku maaꞌi, mwaanie omu poo-poosuaꞌa huni esuie mo esunge diana.

Hibru 12:3

Oto omu ke loꞌongaꞌi keꞌu i sulie a Jisas, aana maꞌalana mwala e oorahaꞌaala ngeena kire talei teungeꞌinie taꞌe e kaꞌa mamalo ike. E lae peꞌi aꞌailaꞌa mola. Oto urine, iꞌomu na ke urine noꞌone. Omu ke suꞌuri mamaelaꞌa, na omu ke suꞌuri toliꞌaasie hiiwalaimolinge iꞌomu.

Hibru 12:5

E lio oto mala omu pulongosie mola mei wala ni haꞌa-aꞌailaꞌaꞌomu nge a God e unue. Aana e soiꞌomu mala mo kalena, na e unue uuri, Kaleku, maholo o ko deu aaela na ineu a Aalaha no ko haꞌaloiꞌo hunie o ke lae oodo, mwaanie o loꞌo-loꞌongaꞌinie uri nga mei ola mwaakule mola ni ngeena. Na maholo no ko ere aamu hunie uri o ke lio saie mo takalonga iꞌoe, mwaanie saemu e wawai wa o aakohetaꞌinie tala diana ngeena.

Hibru 3:14

Aana kie kei meni aalaha peꞌie a Kraes mala uri kie kei hele susuleꞌi mola aana hiiwalaimolinge nge kie holaꞌi hele aana lae hule i haꞌamangolana.

Hibru 3:6

Taꞌe a Kraes mone Kalena God, na ingeie oto ko aalaha haahie uluhe aana nume a God, na ko tohungei lio i suli diana aana. Na ikie oto uluhe aana nume a God ngeena, mala uri kie kaꞌa mou-mou ike aani hiiwalaimolinge na kie ko maaꞌoohi susutoꞌo peꞌie norutoꞌonga aana Kraes oto taraureꞌi.

Jemes 5:7

Maeni eesiku, omu ke maaꞌoohi susutoꞌo lai hule aana a Jisas kei ooli loꞌu mei. Ikolu, kolu meni saie uri mo mwane nge ko esuie hohola kire sai maaꞌoohi susutoꞌo hule aana nemo kei da hohola ikire ke repo diana malisine soꞌokoninge.

1 Pita 2:15

Aana a God e saetoꞌo aana omu ke asuie mo ola e diana na e oodotaꞌi, aana urine omu sai uure honosie mo erenga hero-heroꞌa mwala ko talei unuꞌi mola aena aana kire kaꞌa saie nga mei ola diana.

1 Pita 3:17

Mala uri omu ko sapesalu i tehulaꞌana omu ko tola i sulie a God, nge e diana mola. Leune e diana liutaa aana omu ko sapesalu aena aana omu ko esuie mo ola aaela.

1 Pita 4:19

Oto maholo omu ko sapesalu aena aana oalaꞌinge a God mone e lae oto urine, nge omu ko sapesalu i sulie oalaꞌinge ingeie, na omu ke suꞌuri aakohe mwaanie asunge diana, taꞌe omu ke toliꞌaasie maurihaꞌamiu i nimana God. Ingeie oto e haꞌaholaꞌomu, na e saꞌa pulongosie ike mo heiholotaꞌinge ingeie huni lio i suliꞌomu.

Haataꞌinge 2:17

“Omu ke pwaarongo diana, hunie omu ke rongo saie nga taa nge Liꞌoa Maaꞌi ko unu-unue hunie mo soihaadaꞌinge. Mo iini nge kire kei aꞌailaꞌa taraꞌasi honosie aaelanga, nge ne kei niie ngaulaa uure i Lengi ada, ola nge mwala aana pongine a Mosis kire kaꞌa lio saie neꞌisaenga aana. Na ne kei haꞌa-adora aani heu rereꞌa nge uusulana satai ola haalu e lae aana. Satai ola haalu ngeena nga taꞌa-taꞌa iini aaopa e kaꞌa saie loꞌu, taꞌe iini nge niilana ho heu ngeena e lae hunie.”

Haataꞌinge 2:3

Nou saie taane uri omu uure maꞌutaꞌa na omu kaꞌa toliꞌaa ike maꞌalana mwala kire taungeꞌiniꞌomu i tehulaꞌaku.

Haataꞌinge 2:7

“Omu ke pwaarongo diana, hunie omu ke rongo saie nga taa nge Liꞌoa Maaꞌi ko unu-unue hunie mo soihaadaꞌinge. Mo iini nge kire ko aꞌailaꞌa taraꞌasi honosie aaelanga, nge ne kei toliꞌaasie kire ke lae mai i laona hohola a God hunie kire ngaue hue-huana ai nge e sai niie maurihe huu.”