Kalesia 6:7 - Tataroha Diana

⁷ Na mwaanie omu loꞌo-loꞌongaꞌi takalo i sulie leinge a God. Nga iini e saꞌa roroꞌa pweloa ike a God wa ke eeroa haahie nga mei ola e asuie. Iinoni kei soꞌokonie mola nga moi taa e hasiꞌi.

Kalesia 6:7 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 16:25

“Taꞌe a Ebraham e teꞌuri mola, ‘Kaleku, o ke aamasitoꞌo aana maholo o oꞌoꞌo mauri, o toꞌo aana oto dianahaꞌana ahutana mo ola, taꞌe a Lasaros e lae peꞌi siꞌohaꞌa oto hiitoꞌo. Oto ie, a Lasaros e iiꞌo ni ilenimwaꞌenga na iꞌoe ko motaahiꞌo. Oto e aasa hunie ke peꞌiꞌo.

Tataroha Diana I Sulie A Jisas Kraes Nge A Luk E Uusue 21:8

Oto a Jisas ko teꞌuri, “Omu ke lio talamiu mwaanie nga iini e eeroꞌomu. Aana mo iini hunge kei lae mai aana sataku, na kire kei unue uuri, ‘Ineu oto a Kraes,’ na loꞌu uuri, ‘Pongi e hule oto.’ Taꞌe omu ke suꞌuri rongo hunire wa omu ke lae i sulire.

1 Korinit 15:33

Maeni eesiku, mwaanie mwala urine e eero-eeroꞌomu. Aamasitoꞌo kaꞌu aana mei neꞌisaenga uuri, “Hikusilana mo iinoni aaela e sai waelie tolaha diana iꞌomu.”

1 Korinit 3:18

Oto omu ke suꞌuri neꞌi-neꞌisae aaela i sulie mei ola ienini. Mala uri nga iini eemiu ko neꞌi-neꞌisae uri e saenanau aana saenanaunge ni welumalau, e diana oto liutaa hunie iinoni ngeena ke tohungei toli puri aana saenanaunge ngeena maꞌalana mwala ko haaraꞌinie aana “Pweu.” Oto ke si hule aana saenanaunge toꞌohuu.

1 Korinit 6:9

?Uri omu kaꞌa saie ike mo iini nge helelada e tataꞌala kire saꞌa roroꞌa ni hele aana ike Aalahanga a God? Mwaanie omu neꞌi-neꞌisae takalo. Mo iini nge kire ko mei-mesi, wa kire ko palo-paloa mo ola aaopa mwaanie a God, wa kire ko aeꞌaeni ola, wa mo mwane nge kire ko deu mala mo repi, wa kire ko aeꞌaeni ola peꞌinie mo mwane mala ingeie,

2 Korinit 9:6

Omu ke sai diana aana uri nga iini nge ko hesie mola tootaꞌi kele litei ola, kei soꞌokonie noꞌone mola tootaꞌi kele hue-huei ola mwaaniꞌi. Na nga iini ko hesie mo litei ola hunge nge kei soꞌokonie mo hue-huei ola hunge noꞌone mwaaniꞌi.

Kalesia 6:3

Na mala uri nga iini ko loꞌongaꞌinie uri ingeie oto e paine liutaa, nge ko talei eero-eeroa mola maraana na hule aana ingeie iinoni mwaakule noꞌone mola.

Epesas 5:6

Omu ke suꞌuri toliꞌaasie nga iini ke haꞌapweuꞌomu uri mo ola ngeena kire kohi mola, aana a God kei saewasulie mwala nge kire kaꞌa sai tola i sulie, na kei haꞌaloire haahie kire ko esuie mo ola urine.

2 Tesalonaeka 2:3

Omu ke suꞌuri toliꞌaasie nga iini ke eeroꞌomu urine, aena aana dinge ooreta e saꞌa talei reu ike mola maraana. !Haꞌike! Taꞌe ngaeta mo ola kei holaꞌi reu. Mwala oto hunge kei haro ooho honosie a God, na loꞌu nga mwane e tataꞌala oto liutaa kei holaꞌi lae noꞌone mai huni heli peꞌie a God. Taꞌe a God kei tohungei haꞌaloie oto hiitoꞌo.

Jemes 1:22

Taꞌe omu ke asuie nga taa nge a God e unue huniꞌomu, na omu ke suꞌuri talei rorongo aasie mola, aana ko urine nge omu ko haꞌapweuꞌomu mola maraamiu ni ngeena.

Jemes 1:26

Mala nga iini ko loꞌongaꞌinie uri ingeie nga mwane aana soihaadaꞌinge, taꞌe e kaꞌa kinetaꞌinie erenga aana meana, nge urine ko talei haꞌapweue mola maraana, na asunge ingeie aana soihaadaꞌinge, nga ola toꞌohuu haꞌike.

1 Jon 1:8

Mala nga iini ko unue uri e kaꞌa oorahaꞌaa ike, nge iinonine ko eeroa mola maraana ni ngeena, na walaimolinge e kaꞌa iiꞌo ike aana.

1 Jon 3:7

Maeni mwela ineu, suꞌuri toliꞌaasie nga iini ke haꞌatakaloꞌomu. Aana iini nge helelana e lae oto i sulie oodotaꞌinge, iini urine e oodotaꞌi oto, mala kaꞌu oto a Kraes e oodotaꞌi.

Jiud 1:18

Aana kire unue huniꞌomu uuri, “Aana mo dinge ooreta, mwala kei haꞌamwasi mola aana walu ola maaꞌi, na hiiwalaimolinge ikire kei lae takalo mola i sulie mo neꞌisaenga aaela ikire maraada.”