Kalesia 6:2 - Tataroha Diana

² Omu ke peꞌiꞌomu heiliu aana walu ola ko hite-hite aamiu, aana urine nge omu ko tola i sulie haꞌatolanga a Kraes toꞌohuu eena.

Kalesia 6:2 ပူးပေါင်းရင်းမြစ်များ

Matiu 8:17

Nga taa a God e unue hunie a Propet Aesaea e si oa i leune, aana e unue uuri, Ingeie mone e taꞌaasie mo maelaa ikie, na e haꞌamangoa taꞌena nga mwaringe mwaanikie. Aesaea 53:4

Tataroha Diana I Sulie A Jisas Kraes Nge A Luk E Uusue 11:46

Oto a Jisas ko aalamie ko teꞌuri, “!Aama-aamasilemiu noꞌone mo haꞌa-uusuli aana mo Haꞌatolanga! Iꞌomu, omu ko da ludaa e hiꞌe aana mo haꞌatolanga hunie mwala. Taꞌe hule aana iꞌomu maraamiu na omu saꞌa nii kiꞌi huni peꞌie mwala huni suluꞌie ludaa ngeena.

Tataroha Diana I Sulie A Jisas Kraes Nge A Jon E Uusue 13:34

“Oto ie no ko niie haꞌatolanga haalu huniꞌomu. Omu ke manata diana huniꞌomu heiliu. Mala oto ineu, nou manata diana kaꞌu huniꞌomu, nge iꞌomu noꞌone omu ke manata diana huniꞌomu urine.

Tataroha Diana I Sulie A Jisas Kraes Nge A Jon E Uusue 15:12

Haꞌatolanga ineu oto ie, uri omu ke manata diana huniꞌomu heiliu, mala oto ineu nou manata diana huniꞌomu.

Uusu-uusu A Pol Hurula'aa Hunie Mo Rom 15:1

Oto ikie, mo iini kie saie taane uri a God e saꞌa leikie ike haahie mo ola urine, nge kie ke suꞌuri deu mola i sulie walu ola mala saeka maraaka. !Haꞌike! Taꞌe leu i sapeka oto hunie kie ke toli rako peꞌie mwala nge hiiwalaimolinge ikire e mamaelaꞌa na kire ko meꞌu mwaanie ohe mo ola urine kire aapu hunire.

Uusu-uusu A Pol Hurula'aa Hunie Mo Rom 8:2

Na aena aana kie lado mone oto peꞌie a Kraes, nge nanamanga aana Liꞌoa Maaꞌi e niie mauringe oto hunikie, na e da kie iiꞌo luhetaꞌi oto mwaanie nanamanga aana oorahaꞌaa nge e sai horoꞌikie.

1 Korinit 9:21

Na loꞌu maholo nou esu peꞌie mo iini nge ikire nga mo Jiu haꞌike, nou iiꞌo oto noꞌone mala ikire nge kire kaꞌa iiꞌo i mamalutana mo Haꞌatolanga a Mosis hunie ne ke peꞌire hunie kire ke hiiwalaimoli. Na leune e kaꞌa loꞌongaꞌinge ike aana uri nou waelie haꞌatolanga a God, aana no ko lulu i sulie taane mo haꞌatolanga a Kraes.

Kalesia 6:5

Aana nga iini ni e lio-lio i sulie oto maurihaꞌana maraana hunie a God.

1 Tesalonaeka 5:14

Na melu ko eitanaiꞌomu, maeni eesiku, uri omu ke ere aana mo iini ko lalawasie asunge. Omu ke peꞌie mo iini nge kire sai meꞌu hunie saeda ke susu. Omu ke peꞌie mo iini nge loꞌongaꞌinge ikire e mamaelaꞌa, na omu ke haro kele ere hunie ahutana mwala. Na mwaanie saewasunge iꞌomu e lau-leu hunie taꞌena nga iini.

Jemes 1:25

Taꞌe a God e sai haꞌadianaꞌaa mo iini nge ko lio hahuroto i laona haꞌatolanga ingeie. Haꞌatolanga ngeena e tohungei diana, na e sai luhesie mo iinoni hunie kire ke iiꞌo luhetaꞌi mwaanie oorahaꞌaa. Oto iinoni nge ko rongo hunie mo haꞌananaunge a God, na ko loꞌongaꞌi i suliꞌi taraureꞌi, na e saꞌa pulongosie nga taa e rongoa, taꞌe ko hele i sulie nga taa a God e unue, nge a God e sai haꞌadianaꞌaa aana nga taa nge ko esuie.

Jemes 2:12

Oto o ke loꞌo-loꞌongaꞌi i sulie ahutana mo ola nge o ko unu-unuꞌi na o ko euꞌesuiꞌi, hunie kire ke sada peꞌie haꞌatolanga a Inemauri. Aena aana haꞌatolanga ngeena haꞌalaa e sai luhesie mo iinoni mwaanie oorahaꞌaanga ikire, na leilemiu kei lae aana haꞌatolanga ngeena.

Jemes 2:8

Taꞌe mala omu ko hele i sulie haꞌatolanga a Inemauri ikie aana mo Uusu-uusu Maaꞌi, nge e unue uuri, O ke manata diana hunie mo iinoni mala o ko manata diana huniꞌo mola maraamu, Levitikas 19:18 nge urine haꞌalaa omu ko deu oodo.

1 Pita 2:24

Oto maholo a Kraes e lae huni mae i lengine poꞌu-poꞌu e toolea noꞌone oto mo oorahaꞌaanga ikie i sapena. Haꞌaloilana e lae haahie mo oorahaꞌaanga ikie urine hunie kie ke mae mwaanie oorahaꞌaa, taꞌe kie ke mauri loꞌu huni iiꞌo oodotaꞌi taraꞌasi. Na i tehulaꞌana mo malaka i sapena ngeena, nge haꞌa-uurilaka e si lae.

2 Pita 2:21

E lae oto i diana uri kire ke suꞌuri lio saie tolahai ola diana ngeena, aana urine haꞌalaa haꞌaloinge ikire e saꞌa tohungei peine ike. Taꞌe mo iini nge kire saie oto tala diana a God na kire ko aatopuri mola aana, ikire oto a God kei tohungei lei aaelasire oto liutaa.

2 Pita 3:2

Saeku uri omu ke aama-aamasitoꞌo aana mo wala nge mo propet maaꞌi kire unuꞌi oto wau i naꞌo, na loꞌu aana haꞌa-uusulinge iꞌemeelu mo hurulaꞌaa i sulie haꞌatolanga Aalaha ikie, a Haꞌa-uuritaka.

1 Jon 4:21

Na a Kraes e niie haꞌatolanga hunikie uuri, “A tei ko manata diana hunie a God, ke manata diana noꞌone hunie aasine.”