Kalesia 6:1 - Tataroha Diana

¹ Maeni eesiku maaꞌi, mala uri nga iini eemiu ko deu huꞌisie nga mei oorahaꞌaa, nge mo iini omu ko lulu i sulie tolahana Liꞌoa Maaꞌi, omu ke haꞌa-oodohie aani saemamae. Na omu ke lio talamiu noꞌone mwaanie uri iꞌomu maraamiu omu deu huꞌisie loꞌu mola mei olana.

Kalesia 6:1 ပူးပေါင်းရင်းမြစ်များ

Matiu 11:29

Omu ke lae mai huni aangaꞌinie tori aana haꞌa-uusulinge ineu, na omu ke neꞌi pwaarongoisuli ineu. Aena aana ineu, nou maneko na nou haꞌamwai-mweiꞌaau toꞌohuu. Na omu ke si lio oodoie mamalonga hunie maurihaꞌamiu i seeku. Jeremaea 6:16

Matiu 26:69

Aana maholona na a Pita e iiꞌo ue i laona lolata poꞌoi sinaha. Oto ngaeta keni euꞌesu e tapaliu, na ko leesie a Pita. Oto ko teꞌuri hunie, “Iꞌoe noꞌone peꞌie a Jisas ni Kalili.”

Matiu 26:75

Aana maholona nge a Pita ko si aamasitoꞌo aana mo wala a Jisas e unu-unuꞌi hunie uuri, “I naꞌona kue kei ngara i rodo siꞌirini, o kei taateingeꞌinieu haꞌa-oolu uri o kaꞌa manataꞌinieu ike.” Oto a Pita e iisitaa i sinaha, ko si ngara uulo-uulo.

Matiu 9:13

Oto omu ke haitalea loꞌu e ue ni mo Uusu-uusu Maaꞌi e unue uuri, Nou kaꞌa hari hunie ike uunu-olanga, taꞌe aamasinge hunie mo iinoni. Hosea 6:6 Aana nou lae mai huni haaraie mo iinoni oorahaꞌaa ke oonisae, na nou kaꞌa lae ike mai huni haaraie mo iini kire unue kire diana oto.”

Uusu-uusu A Pol Hurula'aa Hunie Mo Rom 14:1

Omu ke takuhie taꞌena nga iinoni ko hiiwalaimoli aana Jisas, maꞌalana hiiwalaimolinge ingeie e kaꞌa susu ue. Na omu ke suꞌuri ere haitelili loꞌu peꞌie haahie mo ola ko neꞌisae rue-ruaꞌa aani uri kire aapu wa kire kohi taane mola.

Uusu-uusu A Pol Hurula'aa Hunie Mo Rom 15:1

Oto ikie, mo iini kie saie taane uri a God e saꞌa leikie ike haahie mo ola urine, nge kie ke suꞌuri deu mola i sulie walu ola mala saeka maraaka. !Haꞌike! Taꞌe leu i sapeka oto hunie kie ke toli rako peꞌie mwala nge hiiwalaimolinge ikire e mamaelaꞌa na kire ko meꞌu mwaanie ohe mo ola urine kire aapu hunire.

Uusu-uusu A Pol Hurula'aa Hunie Mo Rom 8:6

Mala nga iini ko neꞌisae paine mola haahie tolahai iinoni aaela, nge kei maesie. Taꞌe mala uri neꞌisaenga iinoni ko iiꞌo susu mola aana Liꞌoa Maaꞌi, nge kei helesie maurihe na hanuelamanga i tehulaꞌana.

1 Korinit 10:12

Aena urinena, maeni eesiku, mala nga iini ko unue uri ko uure maꞌutaꞌa oto, nge ke tohungei lio talana oto mwaanie e oorahaꞌaa mala mo weuwaka i naꞌo.

1 Korinit 14:37

Mala uri nga iini ko loꞌongaꞌinie uri ingeie oto hurulaꞌaa a God, wa e toꞌo aana nga niinge ni Liꞌoa, nge ke sai diana aana uri mo ola no ko uusuꞌi huniꞌomu ienini walana Aalaha ni otona.

1 Korinit 2:15

Oto iinoni nge e toꞌo aana Liꞌoa Maaꞌi haꞌalaa e sai lio saie walu ola i sulie a God, na e aasa hunie nga iini e kaꞌa toꞌo aana Liꞌoa Maaꞌi hunie kei iꞌie sai-olanga a mwane ngeena.

1 Korinit 3:1

Maeni eesiku maaꞌi, tolahamiu e urihana mola mwala aana walumalau ienini. Waite nou kaꞌa sai ere ike huniꞌomu mala mo iini kire toꞌo aana Liꞌoa Maaꞌi i lalo aada. Haꞌike, taꞌe nou ere-ere huniꞌomu mola mala iꞌomu mo kele mwela aana tolahana a Kraes.

1 Korinit 4:21

?Oto leu uri taa nge saemiu hunie? ?Uri ne ke lae mai peꞌie nga mai ue huni haꞌaloiꞌomu, wa ne ke lae mai peꞌie mo wala ni manata-diananga na aamasinge?

1 Korinit 7:5

Maholo iini o haꞌaruru peꞌie ko sare maꞌahu peꞌiꞌo, o ke suꞌuri sereꞌi loꞌu. More sai maꞌahu oopa-oopa taane aana nga mo maholo, taꞌe more ko meni mwaꞌe-mwaꞌe huni oopa urine haꞌalaa. Na more ke oopa urine mola hunie more ke iiꞌo aani aarengaꞌinge hunie nga kele maholo. Oto more ke si heꞌi maꞌa-maꞌahu tararuru loꞌu, mwaanie a Satan e malaahongamoreꞌi aana e aasa hunie more ke kinetaꞌinie sapemoreꞌi hunie nga maholo tewa.

2 Korinit 10:1

Oto ineu a Pol maraaku no ko eitanaiꞌomu hunie uri omu ke rongo hunieu. Nou rongoa uri ngaeta mo iini eemiu kire ko unue uri nou sai ere hiitoꞌo huniꞌomu mola aani uusu-uusu maholo nou iiꞌo haꞌatauliꞌomu, taꞌe no ko meꞌu ni ere urine maholo nou iiꞌo peꞌiꞌomu. !Haꞌike! Taꞌe no ko heimaanie tolahana a Kraes aana ingeie e saemamae na e lai maneko

2 Korinit 2:7

Oto ienini e malisine uri omu ke saeꞌaasi oto hunie, na omu ke ere haꞌasusue hunie ke hii diana loꞌu. A mwaena e saehuu oto, na mwaanie uri e tohungei saehuu loꞌu hiitoꞌo na saehuunge paine ingeie e waelie oto taꞌingelu.

2 Korinit 2:8

Aena ngeena no ko eitanaiꞌomu uri omu ke peꞌie a mwaena hunie uri ke saie oto uri omu manata diana hunie toꞌohuu.

Kalesia 5:23

na kie ke neꞌi iinoni maneko, na kie ke neꞌi iinoni e sai nihisie tolahana mwaanie aaelanga. Nga taꞌa-taꞌa haꞌatolanga e kaꞌa uure honosie ike walu ola ienini wa ke unue uri kire aaela.

Kalesia 6:18

Maeni eesiku maaꞌi, no ko eitanaie Aalaha ikie a Jisas Kraes uri hahuꞌana manata-diananga ingeie ke iiꞌo peꞌiꞌomu. Na ke urine oto.

1 Tesalonaeka 4:1

Oto leu ooreta, maeni eesiku maaꞌi, melu haꞌananauꞌomu oto aana tala omu kei lulu i sulie hunie uri a God ke saemango haahiꞌomu, na omu ko lulu i sulie taane oto tala ngeena. Taꞌe aana satana Aalaha ikie a Jisas, melu ko eitanaiꞌomu loꞌu uri hunie omu ke tohungei lulu i suli diana aana loꞌu liutaa.

2 Tesalonaeka 3:15

Taꞌe omu ke suꞌuri talei deu aada mala uri mo maelonga iꞌomu. Kei lae oto i diana hunie uri omu ke haꞌapasulire mola, aana ikire mo eesimiu maaꞌi taane ni ngeena.

2 Timoti 2:25

Na iinoni euꞌesu a God ke haro kele lae rako mola maholo ko haꞌa-oodohie mwala nge kire ko leledie haꞌa-uusulinge ingeie. Aana ko urine, ohe a God kei peꞌie mwalana hunie kire ke oolisie loꞌongaꞌinge ikire, na hunie kire ke sai diana aana mo haꞌa-uusulinge toꞌohuu.

Hibru 12:13

Na omu ke huru i sulie tala e oodo, hunie mo iini nge ko lae mai purimiu ngeena nge hiiwalaimolinge ikire e kaꞌa susu ike ue, kire ke sai kohie tala na mwaanie kire lae takalo.

Hibru 13:3

Na omu ke loꞌo-loꞌongaꞌinie mo iini ikire i laona nume ni hoꞌo, oto mala uri iꞌomu noꞌone peꞌire i laona nume ni hoꞌo. Na omu ke loꞌongaꞌinie mo iini ko sapesalu, mala uri iꞌomu, omu ko sapesalu noꞌone peꞌire.

Jemes 3:13

Mala uri nga iini hikemiu ko saenanau na saena e taha, oto ke haataꞌinie saenanaunge ingeie aana iiꞌonga oodotaꞌi. Na ke si esuie mo ola diana peꞌie haꞌamwai-mweiꞌanga nge e uure mai mwaanie saenanaunge.

Jemes 3:2

Aana ahutaka, kie sai meni deu pele aana mo ola hunge. Na mala nga iini nge kaꞌa ere-ere aaela ike, nge e sai kinetaꞌinie oto ahutana sapena noꞌone.

1 Pita 3:15

Taꞌe omu ke neꞌisae haꞌamaꞌu mola aana Kraes mala Aalaha iꞌomu. Na omu ke iiꞌo aakau mola taraureꞌi huni aalamie mwala nge kire ko dodolosi eemiu i sulie hiiwalaimolinge iꞌomu aana a Kraes, na mei diananga uri taa omu ko maaꞌoohi susutoꞌo huni toolea mwaanie.

1 Jon 5:16

Oto maholo kie ko leesie ngaeta aasike aani hiiwalaimolinge ko esuie nga mei oorahaꞌaa, e malisine kie ke aarengaꞌi talana. Oto a God ke si hoda rereꞌa aana saena hunie ke mauri. Taꞌe nou kaꞌa ere ike i sulie mo iini kire ko aatopuri aana God na ko iiꞌo mola hunie aaelanga. Oorahaꞌaa urine e adona maenga huu taane, na nou kaꞌa unue ike uri kie ke aarengaꞌi talana mo iini kire ko oorahaꞌaa urine.